愉景灣

出自維基百科,自由嘅百科全書
跳去: 定向搵嘢
大嶼山地圖

愉景灣香港大嶼山東北部一個灣,同時係一個低密度住宅區。個灣正名叫大白灣(或者就咁叫大白),成個愉景灣住宅區就夾埋隔籬二白灣(二白)、三白灣(三白)同埋四白灣(四白)。愉景灣同香港島西環差約16千米,同2005年開嘅香港迪士尼樂園差兩千米左右。佢南面就係神樂院。家下有1萬4千幾人住,好多外國人,來自30幾個,而多數係外國人。行政上愉景灣歸離島區

歷史[編輯]

愉景灣(攝於2003年7月)

愉景灣係一間地產公司1970年代後期起嘅,原先設計係喺當地起一個度假屋村,後尾間公司響1970年代金融風暴頂唔住,結果落入香港興業手。愉景灣實在好唔方便(當時只有飛翔船),加上租金又貴,所以後來發展商就將淨低度假屋低價公開發售,變成家下海蜂路、海景路一帶低密度住宅區。後尾發展商響高爾夫球場起兩幢樓,再用「低呎價高級享受」作招徠,吸引一批嚮往外國生活形式嘅人來住,愉景灣就咁變成當時留港外國人主要聚居地。隨住政府1990年代香港機場核心計劃,愉景灣居住人數大增。發展商就係咁開拓新地,重起埋配套基建,好似去竹篙灣愉景灣隧道,就響2000年5月27號通車,係香港第一條由發展商自已畀錢起嘅行車隧道。家下愉景灣重係發展緊。

2004年,香港政府審計署寫咗份報告,話愉景灣響1977年起嗰時,個發展商香港興業修改過發展大綱,將原本渡假用途改為住宅用途。

生活[編輯]

愉景灣基礎建設差唔多全部係由香港興業發展同管理,好似路、社區設施、水電、燃料等等。政府設施只有消防局、郵局同一間公立學校。

設施[編輯]

愉景灣有唔少設施,好似人造沙灘,四個會所(哥爾夫球會、遊艇會、康樂會、海澄湖畔住客會所),其他設施重包括網球場、壁球場、桌球室、泳池健身室桑拿同埋蒸汽浴室等。

交通[編輯]

交通有船有巴士。愉景灣交通服務有限公司喺愉景灣經營十幾條全日嘅區內巴士線,另外有巴士去東涌站香港國際機場欣澳站愉景灣航運服務有限公司就全日經營來回愉景灣同中環嘅小輪。哥爾夫球會同遊艇會都有自己嘅巴士,亦有其他車可以租。

另外有兩條街渡航線經神樂院去坪州梅窩

教育[編輯]

區內有三間幼稚園,三間小學(私立嘅愉景灣國際學校智新書院同政府津貼嘅聖公會偉倫小學)同埋一間中學(智新書院)。

出面網頁[編輯]