炮仗

出自維基百科,自由嘅百科全書
跳去: 定向搵嘢
一串炮仗

炮仗,又叫鞭爆鞭炮爆竹紙炮仔(客家話等,起源至今有2000幾年歷史。鞭炮最開始主要用嚟驅魔避邪,到咗而家,華人響傳統節日婚禮喜慶、各類慶典、廟會活動等場合幾乎都會燒炮仗,特別係響新年期間,炮仗嘅使用量超過全年用量嘅一半。

歷來嘅名[編輯]

炮仗嘅叫法上各個歷史時期唔同,個名由「爆竹」、「爆竿」、「炮仗」一直到「鞭炮」,響鞭炮煙花之鄉嘅湖南省長沙市瀏陽同埋鄰近地區,啲人仍然將體積大、火藥多同埋爆炸力強嘅單個鞭炮稱為「爆竹」。

來源[編輯]

據講炮仗起源於爆竹。自古以來流傳一種講法:好耐以前,每年農曆除夕夜晚會出現一種叫「」嘅猛獸,為咗嚇走呢種猛獸,啲人於是響屋企門口燒竹節,由於竹腔內嘅空氣受熱膨脹,竹腔爆裂,從而發出巨響,藉此驅趕年獸。隨住火藥嘅發明,火藥爆竹取代咗以往嘅竹節爆竹。

現時處境[編輯]

大約響20世紀末,中國禁止喺城市燒炮仗,但並冇得到完全嘅施行,近年來有條件准燒煙花炮仗,香港政府就喺六七暴動過後立例全面禁止燒煙花炮仗,但每逢傳統節慶,特別係春節期間,新界尤其係鄉郊地區依然有人燒。響東南亞華人地區,有部分國家(包括馬來西亞)明文禁止煙花炮仗,但同樣只係形式。現時炮仗喺華人地區過年期間重好常見。