煮飯仔

出自維基百科,自由嘅百科全書
跳去: 定向搵嘢
玩煮飯仔

煮飯仔係一種細路角色扮演遊戲。即係幾個朋友仔分別扮演同一個屋企嘅成員,好似「阿爸」、「阿媽」、「仔女」、「寵物」等等,利用簡單嘅道具(唔用都得),扮大人日常家庭活動。好似煮飯、湊細路、結婚等。

台灣叫呢種遊戲做扮家家酒,中國大陸叫呢種遊戲做過家家,扮演嘅內容都有啲唔同。除咗模仿屋企成員外,重有醫生等大人角色(通常係照顧者同被照顧者),彼此互動,或進行一個虛構嘅故事。玩煮飯仔稱為扮煮飯仔。

性別刻版印像入面,煮飯仔被認為係較屬於女仔嘅遊戲。

規矩[編輯]

  1. 佈置場地
  2. 開始角色扮演

煮飯仔嘅規則係動態嘅,遊戲過程中因扮演嘅角色唔同而有唔同嘅玩法。

趣味[編輯]

煮飯仔嘅趣味主要喺對話、想像同創造嘅過程,重有模仿大人、扮演照顧者嘅滿足感。對幼兒嚟講,現實世界通常少有扮演照顧者嘅機會。

教育意義[編輯]

煮飯仔係一種同細硌智力同埋認同發展相關嘅模仿行為。一般認為煮飯仔能夠滿足幼兒模彷大人嘅需求,發揮想像力同埋創造力,重會練習人際互動。