犀牛

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
犀牛
印度犀牛 Rhinoceros unicornis
印度犀牛 Rhinoceros unicornis
物種分類
動物界 Animalia
脊索動物門 Chordata
哺乳綱 Mammalia
奇蹄目 Perissodactyla
犀科 Rhinocerotidae
Gray, 1821

犀牛哺乳動物犀科嘅總稱,係奇蹄目動物之中最大隻嘅,亦係繼大象之後最大隻嘅陸上動物。所有犀牛基本特徵係腳短、好大隻,好肥,身長2.2至4.5米,肩高1.2至2米;體重2800至3000千克,皮厚粗糙,位於肩腰等成褶皺排列;毛被稀少而且硬,甚或大部無毛;耳仔卵圓形,頭大頸短,口唇延長伸出;頭部有實心嘅獨角或雙角(有啲無角),係由真皮演化而嚟,角甩咗之後可以生番;無犬齒;尾短,身體呈黃褐至灰色不等。

犀牛主要分佈喺非洲亞洲熱帶森林濕地

而家重生存緊嘅犀牛有45,但除咗白犀牛外,其他品種都瀕臨絕種,其中以爪哇犀牛嘅數目最少,得番50隻左右﹔而黑犀牛亦只有1萬到3萬隻左右。

起源[編輯]

犀牛喺地質時代中嘅第三紀時已經喺全地球廣泛咁分布。

第三紀[編輯]

始新世(距今5500~3600萬年前)[編輯]

目前為止所發現到最古老嘅犀牛化石係喺始新世早期嘅地層中挖掘出嚟嘅,呢種犀牛嘅祖先同而家嘅差唔多大細,犀牛祖先之一種森林犀牛歐洲曾經廣泛咁分布,身形較小而且跑得好快。

漸新世(距今大約3600萬~2500萬年前)[編輯]

體型大啲嘅犀牛喺漸新世出現,其中之一就係當時最大隻嘅陸上動物——巨犀,佢比起大象重要高,長,亦都比現代犀牛長啲啲,身長約8米,身高5米。巨犀喺中國最早出現喺漸新世早期,至中新世初期就已經全部絕種,生存咗大概3300幾萬年。而家喺亞洲蘇門答臘犀牛,佢嘅祖先亦都係喺漸新世出現。

中新世(距今2500萬~1200萬年前)[編輯]

中新世後期,出現咗獨角犀牛嘅祖先。目前,重生存緊嘅獨角犀牛只有爪哇犀牛印度犀牛,都係分布喺亞洲。喺中新世之後出現嘅犀牛身型同現代犀牛好接近。其中有下唇比上唇略為大啲嘅大唇犀,下頜有兩隻大牙向前伸出,生活喺濕地,食水中嘅植物

上新世(530萬~180萬年前)[編輯]

上新世後期(大約300萬年前),雙角犀牛出現。而家嘅雙角犀牛有蘇門答臘犀牛白犀牛黑犀牛

第四紀(180萬年前~而家)[編輯]

第四紀時期人類已經出現,早期嘅犀牛以板齒犀披毛犀為代表。

板齒犀好巨型,有5米長,身披厚甲,喺額頭度生有大,大概2米長,牙齒齒冠高,成方柱狀,喺草地上生活,更新世時期喺中國華北地區同歐洲等地都曾經有板齒犀生活;

漢諾威動物園裏面嘅犀牛

披毛犀長毛象好似樣,都係有大隻嘅身型同生滿晒粗毛嘅厚皮,可以抵禦寒冷,長上有一對巨角,前面一支最長可達1米,生活喺寒冷地帶。呢兩種犀牛先後喺唔同嘅時期絕種。

現存嘅犀牛[編輯]

喺犀類嘅後代之中,現時殘存嘅犀牛有4屬5種,主要分布喺亞洲非洲,其中分布喺亞洲嘅犀牛,已經瀕臨絕種。

特徵同習性[編輯]

現存犀牛嘅特徵係蹄有3隻短趾﹐趾尖有寬而鈍嘅趾甲。除咗耳尖同耳邊外,犀牛其他地方幾乎無毛。犀牛多數呈灰色褐色,其中白犀牛嘅顏色比較淡。犀牛睇嘢好差,但聞嘢聽嘢非常靈敏。

犀牛多數生存喺開闊嘅草地、稀樹草原、灌木林或濕地,其中蘇門答臘犀牛現時只可以喺森林深處搵到。犀牛用尿同屎堆區分領域範圍。

犀牛鍾意獨居,個體之間好少接觸,只有白犀牛以大約10隻嘅數目群居。多數時候都會避開人類,但喺交配季節時期嘅犀牛,或帶住犀牛仔嘅犀牛,受少少刺激就會攻擊任何目標,包括人類。其中黑犀牛係犀牛中脾氣最差嘅,會主動攻擊任何陌生嘅氣味或聲音,黑犀牛跑得好快,即使喺荊棘中亦可以以每個鐘頭45公里速度衝過嚟,喺無擊中目標嗰陣,轉身速度亦都好快。

種類[編輯]

亞洲嘅犀牛有單角嘅印度犀牛爪哇犀牛同兩隻角、全身生滿毛,最原始嘅蘇門答臘犀牛。而印度犀牛係犀牛類中體型最大嘅品種。爪哇犀牛身形重細過印度犀牛。因為犀牛角被人認為珍貴嘅中藥材,所以一直被大量濫殺,數量正日漸減少,其中屬於祖先型嘅蘇門答臘犀牛,幾乎已經完全見唔到蹤影。

非洲白犀牛黑犀牛兩種,佢哋都係兩隻角,白犀牛身型比黑犀牛大一倍,白犀牛係現時犀牛中最進化嘅一種,喺草原上由3至4隻組成家庭族群,主要食,據講犀牛仔喺食草之前嘅一段時間,會先食父母啲適應吓。黑犀牛鍾意住喺灌木叢中,單獨生活,以小樹同樹葉為生。由於白犀牛鍾意食草,所以佢哋嘅嘴外形同一樣已變得好扁平。