璦琿

璦琿係中國古地名，遺址響而家黑龍江省黑河市愛輝區愛輝鎮。

歷史

璦琿係15世紀建立嘅東北亞市鎮，歷史重耐過沙俄首都聖彼德堡。1858年5月28日，俄國同清政府響呢個城鎮簽咗《璦琿條約》。1900年俄軍大舉入侵滿洲，冇幾耐璦琿城失陷，俾俄軍焚燬，原城址得返一棵松樹，名為「見證松」。後來璦琿縣駐地改為離古璦琿以北三十幾公里嘅黑河鎮，即係而家黑河市愛輝區嘅前身。1956年璦琿縣改名做愛輝縣。