畢業論文

畢業論文（英文：thesis 或者 dissertation^{[註 1]}）係學術文章，論文一種；喺讀學位課程畢業之前就需要寫，內容係一個特定主題嘅研究結果。通常唔算出咗版，亦唔算經過同儕互評。

唔係所有學位都要寫畢業論文。例如，讀美術通常係要整藝術品（相當於做研究），教授審批合格之後喺畢業之前展覽（相當於發表）；其他領域就有啲學士或者碩士課程會係做研究（所謂 major research project 或者 touchstone project），之後會要寫論文格式嘅報告，但係又唔算畢業論文；又有啲學士課程淨係讀夠學分同符合其他畢業條件（例如語言能力測試）就可以畢業。