碧咸

出自維基百科，自由嘅百科全書

呢篇文章講嘅係英格蘭足球運動員。想搵其他叫碧咸嘅人，睇下「碧咸 (搞清楚)」。

大衛·碧咸

碧咸（David Robert Joseph Beckham，1975年 5月2號—）係一位英格蘭足球員，而家效力緊美國職業足球大聯盟球隊洛杉磯銀河。

碧咸以前出身英超常勝軍曼聯，一出道就俾人封為「萬人迷」。1999年佢跟隨曼聯聯贏得歐洲聯賽冠軍盃。2003年佢跳槽加盟西甲球隊皇家馬德里，同朗拿度、施丹等猛人一齊，但隨住年紀越嚟越大，為咗日後前途，佢決定響2007年走到美國，加盟洛杉磯銀河。

佢嘅技術一直得唔到正面評價，一般認為係佢嘅外形蓋過晒球場上表現。因為英格蘭國家隊成日都係英國小報嘅對象，碧咸響國家隊不嬲都是焦點人物。1998年世界盃佢因為同對手衝突而被紅牌出場，害到英格蘭輸波，就係咁成為被嘲諷對象。2002年世界盃臨開始之前佢受咗傷，最尾都係成功出賽；2006年世界盃佢響十六強取得全場唯一入球進入八強，之但係響八強佢無能為力，只能夠眼白白睇住隊友表現倒退而輸波。