禽流感

出自維基百科,自由嘅百科全書

禽流感,全名係鳥禽類流行性感冒,係由病毒引起嘅動物傳染病,通常凈係感染鳥類,少見情況會感染啲豬。禽流感病毒高度針對特定物種,但係喺罕有情況下會跨越物種障礙感染人。

歷史[編輯]

禽流感第一次係1878年喺意大利爆發,呢個係最早喺禽流感記錄。自從喺1997年,香港發現人類都會感染到禽流感同埋會死人之後,呢個病症引起全世界衛生組織高度關注。而之後,呢個病一直喺亞洲區零星咁爆發,但喺2003年12月開始,禽流感喺東亞多個國家──主要喺越南韓國泰國──嚴重爆發,並且喺越南造成多個病人喪生。

直到2005年中,疫症仍然未有跡象平息,而且重不斷咁擴散開去。而家遠至東歐多個國家亦都有唔同嘅案例。