聖戰

出自維基百科,自由嘅百科全書

聖戰粵拼sing3 zin3阿拉伯文جهاد‎,Jihād)係個伊斯蘭教術語,字面意思係「奮鬥」、「儘力」,引伸成為「為主道而奮鬥」。《可蘭經》關於為主道而戰嘅訓令主要集中喺講麥地那時期嗰陣嘅經文,規定咗呢樣嘢係每個穆斯林都要盡嘅義務。之後呢個概念又喺阿拉伯對外征戰時,以伊斯蘭教旗號而打嘅仗。不過喺好多阿拉伯對外征戰勝利之後,「聖戰」呢樣嘢已經無人再講,得返哈瓦利吉派仍然奉為基本教義。而喺聖戰入面殉教嘅人,就會叫做舍希德(Shahīd)[1]

簡史[編輯]

中世紀伊斯蘭教法入面,聖戰係好受重視嘅伊斯蘭教法,甚至係五功之一,最初聖戰嘅意思,係指為咗捍衛伊斯蘭教信仰,而同啲異教徒或者「不信道者」死過。到封建時期,聖戰就係啲君主用嚟以宗教名義而發動擴張侵略嘅手段。

不過,除咗中世紀封建時期為咗擴張侵略而發動嘅聖戰之外,近代聖戰多數都解做以自衛做目的,一定要因為受侵犯時先可以話聖戰打返人,而呢種侵犯多數係講國家領土,唔再係指個人喺宗教上嘅意義。例如19世紀末奧斯曼帝國以聖戰嚟號召對抗歐洲侵略。二戰之後阿拉伯亦以聖戰嚟號召對付猶太復國主義者。

原教旨主義[編輯]

雖然現代社會,聖戰呢個觀念對於伊斯蘭教嚟講已經過時,不過仍然有好多主張原教旨主義極端派話之你。例如埃及穆斯林兄弟會出版嘅一本小冊子《路標》就極力鼓吹聖戰觀念,不過佢哋講嗰種聖戰又另一樣嘢,《路標》作者宣稱「伊斯蘭本身就係聖戰,直到而家都仍然成立」。不過因為《路標》呢本嘢喺6070年代喺埃及同好多阿拉伯國家都係禁書,所以呢種聖戰觀念當時唔多人知。不過喺埃及就有人受《路標》影響秘密搞咗個「伊斯蘭聖戰者」嘅組織,佢哋秘密發佈咗一本叫《聖戰:被遺忘的義務》小冊子,裏面聲稱聖戰係每一個穆斯林都要盡嘅義務,佢哋話反伊斯蘭教嘅都係敵人,鼓吹對所有反伊斯蘭教嘅敵人展開聖戰。伊斯蘭聖戰者就喺呢個理念之下,發動咗好多暴力恐怖活動,例如埃及民選總統沙特就因為唔肯全面恢復傳統伊斯蘭教法而俾佢哋當眾殺死。

而呢種聖戰觀念,喺原教旨主義同極端派入面係咁俾人利用嚟發動各種暴力恐怖襲擊,佢哋認為,為咗聖戰,可以話之你死,不擇手段,唔理後果。

[編輯]

  1. 《伊斯蘭教小辭典》 上海辭書出版社 ISBN 7-5326-2033-6/B78