自助餐

出自維基百科,自由嘅百科全書
跳去: 定向搵嘢
自助餐
任點任叫嘢食就叫做「放題」

自助餐(Buffet,法文發音:/byfɛ/,英式英文發音:/ˈbʊfeɪ/,美式英文發音:/bəˈfeɪ/),又叫步飛或者普飛(pou3 fei1),係食嘢嘅一種形式,食客要食乜嘢要自己去拎。郊外旅行野餐幾個朋友,通常都係用自助餐方式分享嘢食。自助餐喺餐廳一個價錢,分段限時任食,攞咗食唔晒可能要罰錢,冇得打包返屋企。

形式[編輯]

一般嘅自助餐多數都係西餐類嘅主菜,另外會有沙律麵包甜品等配菜。喺高級嘅自助餐,餐廳會安排廚師喺客人面前燒烤肉類,即燒即食。近年,自助餐嘅形式已唔局限於西式嘢食,基本上各地嘅嘢食都可以做自助餐嘅菜色,亦越來越普遍。

由於自助餐唔係根據食量計錢,所以有啲人就發明咗食自助餐嘅一啲特殊技巧,達到用最少嘅錢,食到最多嘢食嘅目的。不過咁樣嘅食法有機會引致消化不良,損害身體健康等。

半自助餐[編輯]

半自助餐係指淨係提供頭盤甜品任食,主菜淨係可以揀一款。

放題[編輯]

內文: 放題

唔同時段唔同價錢,限定時間內,菜單任點任叫嘢食,轉頭由伙記拎嚟。