莎樂嘅網

出自維基百科,自由嘅百科全書
跳去: 定向搵嘢

莎樂嘅網》(英文Charlotte's Web)係一美國作家E.B.懷特喺1952年所寫嘅兒童文學作品,圖就由Garth Williams畫。故事講一隻叫夏洛特嘅蜘蛛同一隻叫韋伯嘅嘅友誼。

故仔[編輯]

約翰阿爾伯隻豬乸一共生咗十一隻豬仔,但係淨得十個𢆡,其中最細嘅豬可能養唔大,阿爾伯就決定劏咗佢。約翰個女阿芬求阿爸畀隻豬留低。阿爾伯同意,畀咗隻豬阿芬當寵物,起埋名叫「韋伯」。

韋伯生活態度積極,感染周圍嘅人同動物。幾星期之後,阿芬個叔叔 Zuckerman 買咗韋伯。雖然阿芬成日去探佢,但係韋伯豬覺得越來越寂寞。後來,有把溫柔嘅聲話願意同佢做朋友。第二日,韋伯起身見到佢嘅新朋友 —— 灰蜘蛛莎樂。農場裏頭嘅動物唔鍾意莎樂,覺得佢好核突。韋伯唔覺得,反而覺得佢靚。相處咗一排兩個變成好好嘅朋友。

有日當農場嘅老綿羊話畀韋伯聽,聖誕節嘅時候佢就會俾人劏嚟食,韋伯好驚,叫莎樂幫佢。莎樂應承,保證韋伯唔會死。辦法就係喺佢自己織嘅網上面讚韋伯,好似話「SOME PIG」。因為如果韋伯出咗名,就唔會俾人食。多得莎樂幫手,韋伯喺鄉村大會贏咗。

莎樂最後喺大會度死咗,臨死之前佢盡最後氣力生蛋,用網包埋佢。為咗報恩,韋伯帶莎樂嘅蛋返屋企,喺 Zuckerman 農場等啲蛋孵出嚟。雖然多數孵出嘅蜘蛛都走咗,到外邊過自己嘅新生活,Joy、Aranea 同 Nellie 三隻留番响農場,做埋韋伯嘅好朋友。

銷售同反應[編輯]

除咗平裝版嘅銷量以外,《莎樂嘅網》喺史上精裝本暢銷書排行榜上位排第78位。根據2006年電影版嘅宣傳,本書已賣咗 4,500 萬本重譯成廿三種話。佢係1953年紐伯瑞兒童文學獎嘅銀獎嘅書,安諾蘭克拉克嘅《安地斯山脈之謎》贏咗《莎樂嘅網》得嗰當年嘅金獎。1970年,懷特憑《莎樂嘅網》同佢嘅第一本細路小說《一家之鼠》(1945年出版)贏咗兒童文學嘅主要獎項蘿拉英格斯·懷德金獎。

電影改變[編輯]

1973年版本[編輯]

內文: 莎樂嘅網 (1973年電影)

由Hanna-Barbera係喺1973年改編原作而成嘅動畫電影。影片由派拉蒙電影公司喺1973年3月1日發行,導演係查爾斯·尼科斯同Iwao Takamoto。影片1973年2月22日紐約上映,跟住分別喺1973年3月30日8月11日8月25日西德瑞典日本上映[1]

2003年版本[編輯]

內文: 莎樂嘅網2:韋伯歷險記

1973影片嘅續集電影,由Mario Piluso執導。由派拉蒙電影公司直接以錄影帶方式發行,亦喺尼克國際兒童頻道播映。

2006年版本[編輯]

內文: 莎樂嘅網 (2006年電影)

係一部真人同動畫結合嘅電影,製片商係派拉蒙電影公司、Walden媒介同埋Kerner Entertainment Company。由Gary Winick執導,主角由達科塔·芬妮擔任,而莎樂把聲就由茱莉婭·羅伯茨配音。電影2006年12月15日喺美國首映。

參攷[編輯]