蜞乸

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
蛭
物種分類
界 (Regnum): 動物界
門 (Phylum): 環節動物門
綱 (Classis): 環帶綱
目 (ordo): 蛭亞綱

蜞乸又叫螞蟥水蛭,係一種會吸血嘅動物。佢個頭有吸盤,可以黐響人嘅上面,然後咬入肉吸食。吸血之後,佢嘅身體會脹大幾倍咁多。

由於蜞乸嘅口水麻醉作用,所俾佢咬親嘅人,會唔多覺痛。蜞乸嘅口水重有抗凝血劑,方便佢吸血,但係會令俾佢咬親嘅人,傷口好難止血

急救[編輯]

如果發現有蜞乸黐咗上身,千祈唔好夾硬扯走佢,因為咁會拉斷佢,剩低個頭同吸盤響體內,引致發炎或者其他問題。其實等20分鐘左右,等佢吸飽血,就會自然甩出來。又或者可以手指甲輕輕地、慢慢地咁括走佢[1]

亦有人話可以倒啲鹽、白糖、石灰上去,或者用煙絲、火柴來燻佢,趕走佢[2]。不過,咁做可能會令隻蜞乸嘔啲有毒、有菌嘅嘢落個傷口處,造成其他麻煩[1]

整走隻蜞乸之後,傷口應該用番梘同清水洗淨,然後包紮好。撳住個傷口,有助止血。

藥用[編輯]

古今中外都有人利用蜞乸來吸走瘀血或者毒血,咁樣醫病[1][2]

現代醫學上,蜞乸嘅口水含有Hirudin[3]蛋白,可以提煉出來做抗凝血劑。蜞乸嘅口水重有有血管擴張劑,可以減低由血液積聚所引起嘅血壓。做完接駁手術之後(例如眼皮手指或者耳仔嘅接駁),用蜞乸可以有效刺激血液循環。重有,一旦俾蠍子咬傷中毒,而又無醫護人員在場嘅話,可以捉隻蜞乸放上個傷口處吸走毒血,阻止毒性蔓延[2]

參考[編輯]