豪賢路
23°7′57.4″N 113°16′15.8″E / 23.132611°N 113.271056°E
| ||||||||||||||||
| ||||||||||||||||
豪賢路（粵拼：hou4 jin4 lou6）係廣州嘅一條普通嘅馬路。成條馬路東西走向，西邊從倉邊路開始，一直向東去到越秀北路嗰頭。
歷史[編輯]
睇埋：黎遂球
喺宋朝嗰陣，廣州係有東、中、西三個城嘅，而東城嘅東界喺而家嘅芳草街度，西界喺倉邊路同大塘街度，而廣州東城嘅北邊就係依家嘅東風中路，由於條護城濠南邊嘅街好似弓噉，所以條街就嗌做「濠弦街」。[1]1646年，出身廣州嘅黎遂球喺看守緊贛州時中咗清軍三箭死咗。喺嗰陣為咗紀念呢位抗清英雄，贛州人就將黎遂球列入五忠祠度拜祭，而廣州人就將黎遂球出世嘅地方——濠弦街，改名嗌「豪賢街」。喺20世紀30年代，廣州市政府將呢條馬路整闊咗，沿用舊街名「豪賢路」。
道光以後，唔少浙江嘅文人學者南來廣東，渠地大都以入幕為生，廣州人叫啲幕客做師爺，稱之為「浙江師爺」。浙江師爺中嘅山陰縣汪氏係最出名嘅，光緒年間，汪瑔搬入去豪賢街，自榜其居「隨山館」，渠寫咗一詞《水調歌頭·移居》，並有註釋：「黎美周蓮須閣在豪賢裏，其故址今不可考，要距敝廬不遠也。」
汪琡原住喺天官里（今法政路一帶），汪兆鏞（汪精衛嘅老竇）都喺嗰度出世，後尾搬去豪賢街天橋腳嘅住宅，過左20幾年，叔伯兄弟，結婚生仔，逼死人。1902年，汪兆鏞再購入豪賢街67號[2]。
經過嘅道路[編輯]
呢度啲路順序係從西去到東嚟排嘅，其中加粗咗嘅字係主幹道：