迪維斯

迪維斯

迪維斯（Carlos Alberto Tévez，原名Carlos Alberto Martínez，1984年2月5號—）係阿根廷足球員，打前鋒，曾經帶領阿根廷奧運隊喺2004年雅典奧運足球比賽贏咗冠軍，成為當時各大球會搶手貨，先由母會小保加轉會哥連泰斯，之後違規過檔韋斯咸，再借去曼聯。

2009年7月加盟曼城簽約五年，繼續着32號波衫。佢亦係1999年以嚟首位效力過曼徹斯特兩間球會嘅球員。2010年1月11號，喺聯賽主場對布力般流浪嘅賽事中，迪維斯完成加盟後第一次帽子戲法，協助球隊以4-1大勝，迪維斯亦得到2009年12月英超每月最佳球員獎。隨住極高嘅入球率（平均每1.3場入一球）以及被任命為隊長，迪維斯成為曼城嘅絕對主力。

2011年9月27號，迪維斯喺歐洲聯賽冠軍盃對陣拜仁慕尼黑比賽中拒絕後備上陣，俾球會雪藏。