陳雲根

出自維基百科,自由嘅百科全書
(由陳雲 (香港)跳轉過來)
跳去: 定向搵嘢

陳雲根Chin Wan Kan Horace1961年—),筆名陳雲,係香港學者作家文藝評論人,亦係語言學家,曾任香港公務員。佢一九九七年加入香港政策研究所,識咗何志平,跟佢到任藝術發展局民政局。家下任職嶺南大學中文系助理教授[1][2]。佢寫嘅《中文解毒》,榮獲「2008年度最佳書獎」,引起香港人關注中文水平日漸下降嘅問題。佢嘅政見,以推動香港民主及本土意識為主,亦係香港自治運動嘅倡導者。

學校[編輯]

陳雲於一九六一年香港出世,細個住元朗。一九八六年香港中文大學英文本科畢業,另副修法文同選修德文。一九八八年中文大學比較文學碩士畢業,主修英國文學中亞比較文學。其後任教於樹仁學院珠海書院,主西洋文學。一九九五年德國歌廷根大學史學院哲學博士,專攻民俗學。喺德國嗰陣,做過兩年民主運動領袖[3]

公職[編輯]

一九八六年,佢去香港珠海書院擔任英文系講師。同期,一九九八年,香港樹仁大學擔任英文系講師。佢任兩職,直至一九九零年。

一九九五、九六年,任職香港政策研究所。之後一九九七年到二零零二年,任藝術發展局策劃及研究總監。而二零零二年到二零零七年,喺何志平任內,做民政事務局研究總監,負責政策研究及政治顧問工作。二零零七年,獲香港中文文學雙年獎(散文)。二零零九年,獲香港藝術發展局頒發最徍藝術家(藝術評論)獎。

專欄[編輯]

佢喺《信報》、《明報》、《am730》都寫過專欄。而專欄以筆名陳雲出嘅。

《信報》一直有佢專欄,。二零一零年九月,《信報》刪去陳雲專欄。引起讀者及網民迴響,有評論件事同佢批評地產商有關。《信報》方面,就話改版理由而刪專欄[4]

免費報紙《am730》,二零一零年起,逢禮拜二登佢專欄,叫《轉角》。內容以批判中國共產黨同香港政府爲主。

[編輯]

陳雲根寫過唔少書,以筆名陳雲出。有《香港有文化──香港的文化政策(上卷)》、《中文解毒》、《農心匠意》、《民主戲一場》、《我思故我在》、《一國定兩制》、《執正中文》、《五星級香港——文化狂熱與 民俗心靈》、《天書 Impossible——論香港的中國文化教育》[5]、《術數批判》[6]、《九評地產黨》、《香港城邦論》[7]同埋《香港遺民論》等。

[編輯]

出面網頁[編輯]