香港書展

出自維基百科,自由嘅百科全書
跳去: 定向搵嘢
香港書展2007入口
香港書展2007場裏面

香港書展Hong Kong Book Fair)係由香港貿易發展局主辦,係亞洲最大型嘅書展之一。

香港書展喺1990年起舉辦,每年7月香港會議展覽中心嗰度舉行,係香港每年夏天嘅一項盛事,為出版界提供推廣新嘅平台,同埋為讀者提供咗接觸新書同埋會見作者嘅機會。由於入場費平,每年都吸引咗大批市民遊客入場。唔少書籍會選擇喺書展期間出版,並喺書展入面舉行埋作者簽名會,希望為啲新書宣傳速銷。唔少名人紅星都會喺書展期間推出新書。書展每年都會同多家出版社同專業機構合作,定出一個獨特主題,並圍繞主題舉辦各項活動。喺書展購書,一般可攞到幾高嘅折頭(一般唔少於八折)。

由於香港嘅獨特背景,兩岸三地出版商可同時參展,仲有部分係東南亞同其他國家嘅出版商參展。1997年開始,書展並會舉行「國際版權交易會」同埋「印刷服務展覽會」。

近年[編輯]

2005年香港書展首次增設夜場,六點過後入場費有半價優惠,反應都幾理想。成個書展共吸引到近 64 萬人次入場,同 2004年嘅 50 萬人次上升達 28%,創下開辦以來訪客升幅最高紀錄。

2006年嘅書展喺嗰年7月19號至24號舉行,六時後票價仲係半價。7月22號禮拜六),當局喺九點半畀訪客免費入場——原先係話十點,之但係因為訪客好多,所以當局提早入場時間,直落到凌晨二時先散場。喺免費入場嗰幾個嘅鐘頭入面,有 4.4萬人入場。除7月22同24號外,其他時間都開放到晚黑十時。呢次訪客升到 68 萬人次嘅新高,增幅係 6%。

貿易發展局考慮舉辦2007年書展時,由7月18號到24號,多舊年一日。重有下晝一點前入場 10 蚊優待,之後要 25 蚊正價。

2008年書展喺7月23日至29號舉行,口號係:「閱讀大世界,走向世界」,綠色和平喺24號第一次舉辦『綠色日』,希望用香港書展呢個平台,推動出版行業用「森林友好型」紙張,保護消緊失嘅原始森林

主辦機構貿易發展局指今年書展總入場人次近 83 萬,打破歷屆紀錄。最暢銷書係小說,涉及心靈、中國四川512地震同中國國情、潮語嘅書籍,都係書迷心頭好。

[編輯]