鯊魚

鯊魚 化石年代：泥盆紀早期 至 而家
白鰭鯊，Carcharhinus longimanus
物種分類
界 (Regnum): 動物界 門 (Phylum): 脊索動物門 綱 (Classis): 軟骨魚綱 亞綱 (Subclass): 板鰓亞綱 Superorder: 鯊總目
Orders
Carcharhiniformes Heterodontiformes Hexanchiformes Lamniformes Orectolobiformes Pristiophoriformes Squaliformes Squatiniformes Symmoriida（絕種）

鯊魚，或者寫鯊，係魚超綱之下，軟骨魚綱之中嘅動物。同近親魔鬼魚一樣，鯊魚只有軟骨，無真正嘅骨。鯊魚有5至6條鰓裂，而條尾就有鰭、無毒。全球有超過365個鯊魚品種，當中只有 36 種有真正襲擊過人。

鯊魚嘅繁殖方法因品種而異，卵生、卵胎生、胎生全部有齊。所以除非知道品種，否則唔可以答繁殖方式。

8個鯊魚嘅目

分類

根據香港海洋公園嘅鯊魚介紹版所講，目前能分辨出嚟嘅鯊魚一共有 344 種，分別隸屬 8 個目：扁鯊（Squatiniformes）、鋸鯊（Pristiophoriformes）、角鯊（Squaliformes）、錐齒鯊（Carcharhiniformes）、六鰓鯊（Hexanchiformes）、鼠鯊（Lamniformes）、鬚鯊（Orectolobiformes）同虎鯊（Heterodontiformes），當中以鯨鯊最大條。

食物同生態地位

鯊魚係食物鏈中嘅頂級捕獵者。食物按鯊魚品種而定，由微生物以至海獅、海豹等大型海洋哺乳動物都有。因為佢哋會處理動物屍體，同埋控制某啲捕獵者嘅數量，所以有助維持生態平衡。

鯊魚同文化

鯊魚嘅身體主要部分

中國古代叫鯊魚做「鮫」，認為佢係僅次於龍嘅大型水生生物，說文中則作魦：「魚名。出樂浪潘國。從魚，沙省聲。」而魚翅亦係中國人相當鍾意食嘅名貴食品。

鯊魚受傷唔會受細菌感染，引起好多生物學家嘅興趣，研究提取鯊魚體內抗菌嘅物質嚟整新藥。

史提芬‧史匹堡響1975年所拍嘅《大白鯊》，唔單止成為賣座電影，重令人對鯊魚有錯覺，以為鯊魚只係一條鍾意食人嘅怪物。

保育現狀

維基同享有多媒體嘅嘢：

鯊魚

由於中國人好鍾意用鯊魚嚟做食物，尤其係魚翅，令鯊魚數量越來越少，所以有需要受保護。

喺香港水域，至今紀錄有 8 種鯊魚出沒，亦有 5 個泳客被鯊魚咬死。全部都發生喺西貢水域，其中1995年6月，重係喺兩星期內有 3 位泳客遇害。但係鯊魚並唔只喺西貢出沒，喺港島中灣、赤柱同南灣等地方亦有鯊魚蹤影。2006年8月31號，康文署喺石澳泳灘嘅防鯊網外發現 2 條灰礁鯊嘅屍體。

而家，香港海洋公園設有「鯊魚館」，喺1989年落成。但為咗改養中華鱘，已經喺2008年改建，部份鯊魚會改放海洋館度養，或送去外地，令部分保育人士唔滿意。