鳩山由紀夫

出自維基百科,自由嘅百科全書
鳩山由紀夫
姓名原文鳩山由紀夫
出生日1947年2月11號 喺Wikidata改呢個 (77歲)
出生地文京區 喺Wikidata改呢個
國籍日本 喺Wikidata改呢個
識嘅語言日文 喺Wikidata改呢個
信奉浸信會 喺Wikidata改呢個
學位哲學博士 喺Wikidata改呢個
母校東京大學史丹福大學、Koishikawa Secondary Education School、Gakushuin Boys' Junior and Senior High School、Gakushuin Primary School 喺Wikidata改呢個
職業政治人工程師、大學教員 喺Wikidata改呢個
僱主專修大學東京工業大學 喺Wikidata改呢個
政黨Kyōwa-tō 喺Wikidata改呢個
配偶Miyuki Hatoyama 喺Wikidata改呢個
仔女鳩山紀一郎 喺Wikidata改呢個
阿爸Iichirō Hatoyama 喺Wikidata改呢個
阿媽Yasuko Hatoyama 喺Wikidata改呢個
兄弟姊妹Kunio Hatoyama 喺Wikidata改呢個
網站www.hatoyama.gr.jp

鳩山由紀夫1947年2月11號—)係日本政治人。東京都出世。史丹福大學工業工程學博士。

鳩山由紀夫喺1986年開始參選眾議院,第一次就當選。去到1993年出走自民黨,同武村正義等人成立新黨先驅,又加入當時嘅聯合政權,歷史性打低自民黨。但係冇幾耐,聯合政權瓦解,新黨先驅就選擇同自民黨合作。1996年,佢同武村正義對係咪繼續同自民黨合作有分歧,最後反對合作嘅鳩山由紀夫嗰邊就退黨,另外同菅直人一班人創立另一個政黨—舊民主黨

1998年,舊嘅民主黨合併幾個喺新進黨解體之後成立嘅黨仔,成為新民主黨

2009年3月嗰陣,當時民主黨嘅小澤一郎因為政治獻金醜聞逼住要辭咗黨代表個位,之後鳩山由紀夫就接任,迎戰8月嘅眾議院選舉,面對本來社會就要求改變嘅聲浪,民主黨成功打低自民黨,呢次重係第一次有單獨一個政黨超越自民黨嘅席數。

之後佢喺2009年9月16號開始做第93任首相[1]。但因為美軍普天間基地問題喺2010年6月2號朝早辭職。2012年重宣佈退出政壇。

2013年3月21號,佢喺香港被委任為凱富能源集團有限公司榮譽主席同高級顧問[2]。間公司重搵到喬治布殊個細佬做副主席。

2013年7月,鳩山因為之前講過釣魚台有主權爭議,民主黨頂佢唔順,認為佢違反黨同政府政策,宣佈踢佢出黨。

家族[編輯]

同好多日本政治人一樣,鳩山由紀夫都係個世襲嘅政治人,家族入面好多人從政:

另外,阿公石橋正二郎日本車胎牌子石橋牌嘅創辦人。

榮譽博士[編輯]

碎料[編輯]

  • 由於佢對眼比較凸出,加埋講嘢成日估佢唔到,所以佢有個花名叫「宇宙人(外星人)」[6]
  • 佢老婆鳩山幸形象神化,曾經出過書,講佢同外星人嘅第三類接觸。

參考[編輯]

  1. 民主黨篤定贏得政權 鳩山由紀夫準備當首相. 原著喺2015年4月3號歸檔. 喺2009年9月9號搵到.
  2. 富能源集團有限公司董事局決定 委任日本前首相鳩山由紀夫博士為榮譽主席兼高級顧問. 原著喺2013年3月18號歸檔. 喺2013年4月1號搵到.
  3. (新聞稿) (繁體中文). 香港城市大學. 2013年9月3號.
  4. (新聞稿) (繁體中文). 香港城市大學. 2013年11月12號.
  5. (PDF) (繁體中文). 香港城市大學.
  6. 山妻自爆 遭外星人綁架. 原著喺2020年3月15號歸檔. 喺2018年10月13號搵到.