鴻福街
  | |
|---|---|
 鴻福街（重建緊） | |
| 基本資料 | |
| 總長度 | 不詳 |
| 車速限制 | 50公里／小時 |
| 行車線數目 | 單線單程 |
| 所在地區 | 香港九龍土瓜灣 |
| 起點 | 土瓜灣道 |
| 終點 | 榮光街 |
| 通車日期 | 不詳 |
鴻福街（粵拼：hung4 fuk1 gaai1；英文：Hung Fook Street），係香港九龍土瓜灣嘅一條馬路，由土瓜灣道開始，去到榮光街。連住土瓜灣道一面本來係打通嘅私家路，後尾俾政府收返之後變咗做一小段行人路，車要經啓明街、玉成街轉入鴻福街。全街本身都係唐樓，市區重建局重建緊呢條街，長實集團以港紙59億奪得鴻福街項目。嘉里建設以港紙55.878億元奪得鴻福街—銀漢街項目。
史[編輯]
土瓜灣市政大廈暨政府合署未起好前，五十年代至八十年代嘅鴻福街、啓明街同玉成街呢頭就係土瓜灣街市，買餸時間好多人嚟趁墟，好鬼熱鬧，起好咗之後政府將街市搬咗入市政大廈，條街就慢慢變成殘舊、冷冷清清，唐樓樓底高吸引整車房搬入嚟做生意，亦成為一條劏房街[1]。
舊樓重建[編輯]
2016年，市區重建局宣布重建土瓜灣六個重建項目，鴻福街亦有份，所有人同舖頭都要搬走，到2019年9月6日正式刊憲，重建局用土地收回條例，開始正式收樓，仲未搬走嘅都一定要搬走。但係市建局未有安排居民同舖頭到重建完搬返嚟，淨係會補水同要求佢哋快啲搬走。嗰度嘅舖頭，一係就索性執笠，一係就要揾地方搬。[2]
喺鴻福街做車房嘅舖頭嘅老細話用咗成年都揾唔到啱做整車嘅舖位，其間收到十封律師要求佢快啲搬走，佢對於市建局淨係顧住重建，無好好安置佢哋感到不滿。[2]
重建唐樓停電[編輯]
2020年6月29號夜晚9點40分，鴻福街1號唐樓停電6個鐘，棟樓屬於重建項目，已經係政府物業，但係仲有幾戶仲未搬走，4個鐘後市建局先安排到人過嚟維修，有居民話幾個月內已經試過3次。[3]
曾經喺度[編輯]
鴻福街15號：貴記荳品[編輯]
開業超過60年歷史，製作豆腐、腐乳等，最初喺上環街市，之後喺深水埗界限街，60年代尾搬到鴻福街，一直以傳統明火炒豆漿，因重建決定執笠退休。[4]
鴻福街16號：土瓜灣故事館[編輯]
内文：土瓜灣故事館
前昌興雞鴨
參考[編輯]
- ↑ 〈西西選文：水手日漸去土，碼頭也有碼頭的命運—土瓜灣道〉. 《風傳媒》 (臺灣中文). 喺2020-01-26搵到.
- ↑ 2.0 2.1 〈【土瓜灣重建】商戶難覓新舖位復業 區議員促市建局協助安置〉. 《《[[香港01]]》》. 2020-10-01. 喺2022-04-04搵到.
{{cite news}}: CS1 maint: url-status (link) - ↑ 〈土瓜灣重建唐樓大停電 未搬走住戶飽受熱浪6小時〉. 《《[[香港01]]》》. 2020-06-30. 喺2022-04-04搵到.
{{cite news}}: CS1 maint: url-status (link) - ↑ 〈【土瓜灣重建】貴記荳品月底結業 60年明火炒豆漿成絕唱〉. 《《[[香港01]]》》. 2020-07-09. 喺2022-04-09搵到.
{{cite news}}: CS1 maint: url-status (link)
 |