黃埔古港遺址
，簡稱黃埔古港（wong4 bou3 gu2 gong2），係中國廣東省廣州市嘅一個旅遊景區，喺海珠區東北邊嘅石基村入面。
從大宋開始，黃埔村喺海外貿易出咗名，尤其喺明清時期逐漸發展成廣州對外貿易嘅外港。康熙廿四年（1685年），清政府開放海禁而喺江浙閩粵四個海關，而粵海關喺黃埔村南北嘅醬園碼頭一帶搞咗掛號口同稅館。但喺乾隆廿二年（1757年），由於清政府調整對外貿易政策，實行一口通商，將江浙閩三個海關取消咗，留返個粵海關嚟做對外貿易。喺嗰時，因為醬園碼頭一帶水比較深，啱嗮大型商業輪船嚟停，加上港口幾乎得佢一家獨大，尤其係鬼佬嘅船超多，搞到港口出現商貿繁榮現象。但鴉片戰爭之後，廣州嘅對外貿易逐漸俾上海頂住檔，加上醬園碼頭逐年出現淤塞現象，古港都逐漸冇嗮繁榮跡象。喺大清同治年間，黃埔港搬到長洲入面，但一直用緊「黃埔」嘅名。
另外，美國嘅中國皇后號同瑞典嘅哥德堡號都停過呢度[1]。中國皇后號更加喺呢度開咗中美貿易嘅先河[2]。
 粵海第一關紀念館 | 粵海第一關紀念館 |
 粵海第一關紀念館嘅全景（由醬園碼頭邊望過去） | 粵海第一關紀念館嘅全景（由醬園碼頭邊望過去） |
 鳳浦門樓 | 鳳浦門樓 |
|
連出去[編輯]
提示：呢篇文講嘅唔係黃埔港。
.jpg)
