PHP

出自維基百科,自由嘅百科全書
跳去: 定向搵嘢

PHP係一種流行嘅開放原始碼程式語言。官方正式名稱係「PHP: Hypertext Preprocessor」嘅遞歸縮寫。

PHP主要用喺伺服器端應用程式動態網頁上,但係亦都可以用喺命令列上執行,或者係開發獨立嘅圖形使用者介面(GUI)。

發展歷史[編輯]

PHP/FI[編輯]

1994年格陵蘭籍嘅程式設計師Rasmus Lerdorf開發咗一組Perl腳本,用嚟追蹤佢嘅線上履歷幾時畀人使用到,佢叫呢組腳本做「Personal Home Page Tools」。隨著呢個腳本嘅功能日趨複雜,Lerdorf開始用C語言做一啲功能,例如連接資料庫、簡易嘅動態網頁開發。Lerdorf決定釋出呢組程式嘅原始碼,畀大眾可以修改,並叫呢個程式做PHP/FI(Personal Home Page / Forms Interpreter)。隨著PHP 3出現,PHP/FI好快就結束開發。

PHP 3[編輯]

1997年,Tel Aviv公司嘅Zeev Suraski同Andi Gutmans改寫PHP嘅解析引擎PHP/FI,Rasmus Lerdorf亦決定中止PHP/FI嘅開發,並將PHP重新命名做"PHP: Hypertext Preprocessor"。經過9個月嘅測試,喺1998年釋出咗PHP 3。PHP 3最大嘅特色係加入咗延伸函式庫嘅功能,吸引咗好多人投入PHP延伸函式庫嘅開發,豐富咗PHP嘅功能,另外物件導向嘅功能亦喺PHP 3開始出現(不過唔係好完整)。1999年兩個人喺以色列成立咗Zend Technologies公司嚟投入PHP嘅開發工作,並且開始製作下一代嘅PHP解析引擎 - Zend引擎

PHP 4[編輯]

2000年5月22日,以Zend引擎 1.0為解析引擎嘅PHP 4.0 發佈。呢個亦都係PHP開始大受歡迎嘅版本,目前PHP 4仲做緊安全性嘅更新,最新版本係2007年2月發佈嘅PHP 4.4.5版。

PHP 5[編輯]

2004年7月13日,以Zend引擎II為基礎嘅PHP 5.0 發佈,同時亦加入咗好多新特性:[1]

  • 更完整嘅物件導向支持:基本上到PHP 5之後PHP先算係比較完整嘅面向對象語言。
  • 透過新嘅Zend引擎,提升咗PHP執行嘅速度。
  • MySQL資料庫有更完整嘅支援。
  • 更好嘅XML支援。
  • 內建SQLite資料庫(但係喺PHP 5.1取消內建,改用延伸函式庫嘅方式)。
  • 整合咗SOAP嘅支援。
  • 提供例外處理
  • 新嘅資料庫存取介面PDO(PHP Data Objects)。

最新嘅版本係2006年2月發佈嘅5.2.1

應用[編輯]

PHP主要應用響網頁伺服器,處理使用者嘅輸入嚟產生網頁。但係命令列程式或者圖形使用者介面(GUI)嘅開發都係PHP嘅主要應用範圍。

伺服器端程式語言[編輯]

PHP最初就係設計成伺服器端程式語言,因此呢個亦都係PHP應用得最廣嘅部份。喺呢個領域有好多其他競爭者,例如ASP.NETColdFusionJSPPerlRuby on Rails等等。

喺網絡工業領域,PHP是LAMP架構嘅其中一部分,所謂嘅LAMP係指LinuxApacheMySQLPHP所組成嘅網絡環境,提供咗好多安全、可靠嘅網頁應用程式。PHP目前已經係全世界最受歡迎嘅伺服器端程式語言,跨平台嘅特性更令PHP廣為流傳,目前世界上有超過2000萬台伺服器安裝咗PHP[2]

命令列程式[編輯]

PHP亦可以用喺命令列上執行,例如分析紀錄檔、系統管理工作等。呢啲工作過去都係由一啲其他嘅程式語言例如Perl, Python, awk等嚟執行,PHP喺命令列上嘅使用則逐漸增加。

圖形使用者介面(GUI)[編輯]

透過同GUI函式庫GTK+的結合,PHP亦都可以應用喺圖形使用者介面(GUI)嘅開發上,目前嘅應用仲未普遍。

語法[編輯]

PHP嘅語法參考咗PerlC語言,而且可以整合喺HTML入面,以下係一個簡單嘅Hello World程式:

<?php
   echo 'Hello World!';
?>

PHP剖析引擎只剖析<?php?>之間嘅程式碼,而不包含喺<?php?>之間嘅內容就會直接送出,所以可以用以下嘅方式嚟將PHP程式碼嵌入喺HTML之中:

<?php
//PHP程式碼
?>
HTML內容
<?php
//PHP程式碼
?>

但是響判斷語句中嘅HTML唔會被直接送出:

<?php
if (false) {
?>
HTML內容
<?php
}
?>

PHP可以用三種註解的形式:C與C++所使用的“/*...*/”與“//”,和Perl的“#”。

類型[編輯]

PHP主要有以下四種標量類型:

  • 整數 (integer)
  • 浮點數 (float)
  • 布林值 (boolean)
  • 字串 (string)

兩種複合類型:

  • 陣列 (array)
  • 物件 (object)

兩種特殊類型:

  • NULL
  • 資源 (resource)[3]

變數[編輯]

PHP中嘅變數用「$」跟著變數名稱嚟表示。變數名稱是區分大細楷嘅。有效嘅變數名稱以字母或底線開始,後面可以係任意數量嘅字母、數字或者底線。[4]

物件導向[編輯]

PHP從PHP 3開始已經有咗基本嘅物件導向特性,但係直到PHP 5將物件導向部份重新改寫之後,PHP嘅物件導向功能先比較完善。而家PHP可以話係一個有完整物件導向功能嘅語言。

PHP相關資源[編輯]

函式庫[編輯]

內文: PHP函式庫列表

內建多樣化嘅函式係PHP主要嘅特點之一,這啲開放程式碼嘅函式提供咗各種唔同嘅功能,例如檔案處理、FTP、字串處理等等。呢啲函式嘅用法同C語言相似(例如printf),呢個亦都係PHP流行原因之一。

除咗內建嘅函數之外,PHP亦都提供咗好多延伸函式庫(extension),好似係各種資料庫連接函式、資料壓縮函式、圖形處理等等。有啲延伸函式庫需要由PECL(PHP Extension Community Library)取得。

原始碼編碼和加速[編輯]

PHP原始碼係可以直接讀取嘅,即使放上伺服器上執行都係一樣。雖然令PHP多咗彈性,但係相對造成安全危機同性能下降嘅問題。

透過PHP編碼器,可以保護PHP嘅原始碼唔會被讀取(對商業軟體嚟講特別有需求),亦都可以提升執行嘅效能。有好多公司或團體開發PHP嘅編碼器,將PHP程式編譯成位元組碼,再透過伺服器上安裝對應嘅程式嚟執行PHP程式。

除咗透過編碼器加速之外,PHP仲可以透過動態嘅快取機制嚟提升速度,加速工具有商業版嘅,例如Zend Platform,亦有開放原始碼嘅加速軟體如eAcceleratorAPCXCache

樣板引擎[編輯]

樣板引擎令PHP應用程式可以做到邏輯同使用介面上嘅分離。其中一個受歡迎嘅樣板引擎係PHP官方開發嘅Smarty

PEAR[編輯]

PEARPHP Extension and Application Repository嘅縮寫,由Stig S. Bakken喺2000年響PHP開發者會議(PHP Developers' Meeting, PDM)上提出,目的係做出可以重複使用嘅函式庫嚟提供PHP社群使用。到今日PEAR已經包含好多類型嘅函式庫,例如資料庫連接、內容快取、數學計算、電子商務等等。

PECL[編輯]

PECL係PHP Extension Community Library的縮寫,目的係提供PHP社群各種延伸函式庫。PECL喺2003年由PEAR專案分離出嚟,而家已經係一個獨立運作嘅專案。

對PHP嘅批評[編輯]

即使PHP係廣受歡迎嘅程式語言,但係仍然受到好多批評,例如:

  • PHP無原生支援Unicode或者多位元字集(例如中文日文韓文等需要用兩個或以上ASCII字元嚟表示嘅字集),導致用PHP寫嘅軟體喺國際語言化上遇到相當多嘅困難。
  • PHP無名字空間(Namespace)嘅設計,降低咗PHP語言設計上嘅彈性,亦都導致函式名稱過長嘅問題。
  • PHP嘅函式命名規則非常混亂,好多函式功能類似,但係用上不同嘅函式名稱同參數順序,例如strpos($haystack, $needle)in_array($needle, $haystack)strcasecmpstristr,導致編寫PHP程式時需要做相當多嘅手冊查詢工作,初學者都往往不知不覺重新編寫已經內建嘅函數,降低咗開發嘅效率。
  • PHP嘅魔術引號(magic quotes)功能可以自動處理使用者輸入字串中嘅脫逸字元,有效避免SQL隱碼攻擊SQL injection),但係因為唔係每個使用者嘅輸入都會寫入去資料庫,處理呢啲唔會寫入資料庫嘅字串就浪費效能。另外唔係每個PHP環境都會開啟魔術引號,設計程式時需要對不同嘅伺服器環境做適應,造成程式設計上嘅麻煩。魔術引號功能預計會喺PHP 6時取消。
  • 有啲PHP嘅延伸函式庫唔係執行緒安全(threadsafe),導致PHP安裝響多執行緒嘅伺服器例如Apache 2上會發生唔穩定嘅情況。[5]

未來發展[編輯]

PHP 6目前已經開始開發,將會針對PHP 5嘅一啲缺點改進[6],例如:

  • 原生Unicode支援
  • 移除魔術引號(magic quotes)
  • 移除全域變數(register_globals)
  • 移除安全模式(safe_mode)

PHP 6好多功能仲未定案,仍然討論緊,發佈嘅日期亦仲未確定。

參考資料[編輯]

出面網頁[編輯]

同 PHP 有關嘅資源[編輯]