Wikipedia:即刻刪除嘅標準
 |
呢版係粵語維基百科正式政策，維基友普遍接受，通常都要跟足。改佢之前要有共識先，重要嘅修改要響討論版傾過，同埋喺大圍報告版宣布過。 |
維基百科有快速刪除啲嘢嘅標準。如果閣下見到有樣嘢符合標準，請係嗰樣嘢道掛起下面是但一塊模：{{delete}}，管理員就會檢查嗰樣嘢，睇吓使唔使刪除。例如：
- {{delete|原因舉例}}
就會變成：
| 呢一版可能符合維基百科嘅即刻刪除標準。理由係：原因舉例
如果呢一版係唔符合即刻刪除嘅標準，又或者你將會修正佢嘅，請拎走呢個信息，但唔好響你自己開嘅一版度拎走呢個信息。如果你開咗呢版，又唔同意提議嘅即刻刪除，請響呢個標籤嘅下面直接加上：
跟住響佢嘅討論頁解釋點解你相信呢一個Wikipedia版唔應該刪除。噉就會令到管理員注意到，去容許畀你一個時間去寫一個解釋。 管理員：響刪除之前檢查清楚佢嘅連結、修訂記錄（最後），同埋日誌。
|
呢塊模嘅用法詳情，請睇Template:Delete。除咗{{delete}}之外，{{db}}、{{刪}}、{{db-reason}}都有相同嘅效用。呢幾塊模會將貼咗模嗰版擺落Category:即刻刪除候選。
如果你覺得維基百科上面有啲嘢好有問題，應該刪除，但係又覺得刪除嗰啲嘢可能有爭議性，咁就應該去Wikipedia:管理員留言板同管理員討論應該點算。{{delete}}淨係應該喺冇乜爭議性嘅時候用嚟提出刪除。
咩情況下可以即刻刪除？
喺某啲特定嘅狀況下，有啲文應該要被即刻删除，佢哋可能喺塗鴉、或淨喺一句冇頭冇尾的話（詳細𡁵條件請睇下面），保留佢地都冇太大嘅可能寫到任何有百科價值嘅内容。
粵語維基百科入面任何一頁（包括文章，同埋文章以外嘅其他所有嘢）如果有以下任何一個問題，就可以用{{delete}}提出即刻刪除：
- 成版都侵犯版權，例如成篇文都係由第個網站抄返嚟嘅。
- 內容冇頭冇尾，或者成版都係廢話，完全唔知佢嗡乜
- 純粹人身攻擊
- 有人試機或者做實驗唔小心整咗出嚟嘅頁面
- 刪頁純粹技術需要，例如搬完頁之後淨返個冇用嘅跳轉
任何文章（即係淨係適用於百科全書文章，其他頁例如用戶頁、計劃頁等等唔啱用）如果有以下任何一個問題，都可以用{{delete}}提出即刻刪除：
- 內容根本就唔係廣東話
- 冇內容，例如全頁都係超連結
- 全篇都係廣告
- 內容完全冇教育意義，唔適合百科全書用途
任何文章以外嘅一頁（例如用戶頁、計劃頁等等）如果有以下任何一個情況，亦都可以用{{delete}}提出即刻刪除：
- 全頁得一個作者，而嗰個作者要求刪頁
- 冇裝嘢嘅分類
- 冇標明版權嘅檔案
如果你覺得一版嘢有啲問題，應該刪除，但係版嘢嘅問題又達唔到以上任何一個條件，咁{{delete}}就唔啱用。喺咁嘅情況下，你應該去Wikipedia:管理員留言板同管理員商量係咪應該刪除嗰版。
