3x3籃球
(由三人籃球跳轉過嚟)
3x3籃球，又叫做三人籃球、三對三籃球、三人制籃球、三打三籃球等，係由傳統五人籃球演變而成，由兩隊三人球隊進行比賽，比賽喺半個球場上進行，只會用一個籃框。
三人籃球起源於美國嘅街頭籃球，國際籃總從2007年開始制定自己嘅3x3籃球官方規則。
球場
[編輯]3x3籃球場尺寸規定為闊 15 公尺、長 11 公尺，場內應有合乎籃球比賽球場尺寸規定嘅每個區域，包括罰球線 5.80 公尺、兩分線 6.75 公尺、籃下無撞人半圓區域，只設一個籃框。若果有需要，亦可以使用正規籃球場嘅半場進行比賽。
球隊
[編輯]每隊球隊由四名球員（三名場上比賽，一名替補員）組成。
比賽開始
[編輯]以擲毫方式決定先比賽先開波嘅球隊。擲毫獲勝嘅球隊可以比賽先開波或選擇可能加時先開波。每隊必須有3名場上球員先至可以開始比賽。
比賽時間/比賽勝方
[編輯]常規比賽每場10分鐘，若果球場設有射籃時鐘，球隊必須喺12秒內試圖射籃。死球或罰球時，停止比賽計時鐘。首先獲得21分或以上嘅球隊獲勝，如果常規比賽結束後同分，要進行加時，加時比賽首先獲得2分嘅球隊獲勝。
得分
[編輯]- 喺弧內每一中籃得一分。
- 喺圓弧外每一中籃得兩分。
- 每一罰球中籃得一分。
罰球
[編輯]- 中籃得分有效，判罰球1次。球隊犯規第7次或以上判罰球2次。
- 喺圓弧內發生，球未中籃判罰球1次。球隊犯規第7次或以上判罰球2次。
- 喺圓弧外發生，球未中籃判罰球2次。