頭版

粵文維基百科

海納百川有容乃大
人人都寫得嘅自由百科

有 74,137 篇文章

文藝
人物

地理
歷史

數學
全部

是日正文

數學係研究數量、變化、結構、空間、同埋模型等概念嘅一門學科。現代嘅數學家一般都會用數學語言嚟去表達一啲命題，例如係以下呢啲咁：

x^{2}+y^{2}=R^{2}

{\begin{aligned}3x+5y&=2\\5x+8y&=3\end{aligned}}

同自然語言唔同，數學語言係為咗將諗法公式化而整出嚟嘅，所以佢好嚴謹，個個符號同字詞都有精確嘅定義－唔似得自然語言咁啲字好多時有得睇情況有好多個唔同嘅解法。數學家嘅目標係運用呢種語言嚟闡述一啲關係（數量關係、結構關係、前後變化關係），並且透過對現實世界嘅觀察、呢啲觀察嘅廣義化、同埋邏輯推理嚟去產生啲新嘅知識。每一門嘅數學都會靠一啲公理－指啲「不證自明嘅真理」－嚟去做推論。佢哋希望用呢啲所有學者都接受嘅公理嚟證明一啲新知識－數學同實證科學唔同：實證科學係靠揾大量嘅現實事例（做實驗或者觀察）做證據嚟去支持或者否決邊個邊個理論，而數學就係靠推理嘅方法嚟去證明一啲真理－唔使用任何現實事例。

基礎數學嘅知識同運用係人類社會之中唔少得嘅一環。佢啲基本概念嘅精煉早響古埃及、古美索不達米亞、同埋古印度嘅數學文本入面就有得睇到。由嗰陣時開始，數學就持續不斷咁有穩定嘅進展。喺 16 世紀嘅文藝復興時期，因為佢同新嘅科學發現相作用而產生咗數學上嘅革新，導致知識嘅加速發展。到咗今日，數學畀人用喺唔同嘅科學領域入面，包括物理學、工程學、醫學、同經濟學等等。用喺呢啲領域嘅數學通常畀人嗌做應用數學，而呢啲應用有時亦會激起新嘅數學發現。另一方面，數學家亦都會研究純粹數學（「純數」）－亦即係對數學概念本身嘅研究，而唔係以任何實際應用做目的。好多數學研究都係由純數嗰度開始，過程入面間唔鐘就會發現啲有實用價值嘅數學知識，所以應用同純粹數學可以話係相輔相成。 (成篇文章……)

以前嘅正文：長征 – 嶺南文化 – 科學

歸檔 – 提名 – 全部64篇正文...

你知唔知...

...「策略」同「戰術」嘅分別在於兩者規模唔同？
...有雕刻家鍾意喺攝氏 0 度以上（冰會溶）嘅氣溫當中整冰雕（圖）？
...熵呢個概念令物理學家猜想，宇宙最終會成為一個溫度分佈完全平均、而且接近絕對零度嘅死寂世界？
...侘寂係日本美學傳統嘅一大特徵，體現咗佛教三印派嘅思想？
...語義網絡喺認知科學上可以攞嚟模擬人腦對概念性知識嘅處理？
...遊戲編程嘅基礎係將一隻電子遊戲睇成一個程式迴圈？
...喺廿一世紀初興起嘅遊戲化將遊戲設計上嘅概念同理論應用落去教育等領域嗰度？
...控制流程呢個編程技術喺所有動作電子遊戲當中都會用到？

提名 – 歸檔 – 寫新文

是日靚畫

陳浩天係香港本土派組織香港民族黨召集人，主張香港獨立。2016年佢報名參選第6屆香港立法會選舉，但畀當局以政治主張唔符合《香港基本法》做理由取消資格，做咗香港史上嘅首例。

圖片來自：Okstartnow
舊圖 - 更多正圖...

時人時事

約翰遜接替文翠珊做英國首相。
香港政府草擬逃犯條例修訂草案，激發大規模示威遊行。
名列聯合國世界遺產嘅巴黎聖母院發生火燭（圖），尖塔被燒毀。
維基解密創辦人阿桑奇喺厄瓜多爾徹回佢嘅難民身份之後被英國警方拘捕。
日本政府公佈新日本年號做令和，5月1號開始，皇太子徳仁親王就會進行皇位即位禮，做第126位日本天皇。
紐西蘭基督城清真寺發生兩單槍擊，最少50人死、50人傷。根據紐西蘭警察咪·布殊，有四男三女被捕，同槍擊案有關。之後有一個公民因為當時幫警察手而放返。之後佢嘅身份確認咗係28歲嘅居紐澳人賓頓·哈里遜·他能。嘅Facebook度留低咗一段槍擊直播。
國際度量衡大會全體會議通過決議：從2019年5月20號開始，改用以普朗克常數為基礎嘅公式作為「千克」嘅新定義，取代由1889年生效至今嘅舊定義。
全球最長跨海大橋港珠澳大橋正式通車。

維基新聞^{（英｜中）} – 訃聞 – 更多時人時事…

是日好文

組合語言（Assembly language，簡稱「asm」）係指一類低階嘅程式語言，特徵係用佢哋寫成嘅源碼會用啲羅馬字母嚟表達佢哋啲指令俾個用家睇，而要處理嗰啲輸入就會用數字代表。組合語言喺啲指示嘅結構上同機械語言好接近，但係唔似得機械語言噉，吓吓都淨係用「1」同「0」嘅數值代表嗮所有嘢。

歸檔 – 提名 – 全部正文 – 全部好文...

當年今日

9月20號：南奧塞梯獨立日

1644年：大清福臨由盛京遷都北京。
1870年：意大利統一。
1986年：1986年亞洲運動會喺南韓漢城開幕，賽期至10月5號。
1989年：南非最後一位白人總統德克勒克（圖）就任。
1992年：法國全民公決通過《馬城條約》。

上幾日：9月19號 – 9月18號 – 9月17號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.