荒漠

沙地阿拉伯荒漠一景。成個王國都係沙質荒漠，唔係道道地方一樣。

荒漠係一塊好少落雨嘅地。一般來講一年降雨量少過250毫米。荒漠相對濕地嚟講係難生存。荒漠生物多樣化都幾高，動物會匿埋喺地底保濕。

地球有五分一嘅地係荒漠，一般都係喺內陸地區，好似亞洲中部（即係中國新疆、伊朗嗰啲地方）同埋非洲嘅撒哈拉沙漠就係例子。呢啲內陸地方冇乜濕潤空氣，亦都無海風補充番啲濕氣，所以比較乾燥。

世界上最大嘅荒漠係南極洲。如果唔計極地荒漠，最大荒漠就係撒哈拉沙漠，亦係最大沙質荒漠。