開羅

開羅（英文Cairo；阿拉伯話القاهرة，音Al-Qāhirah；當地簡稱مصر，音Masr）係埃及首都，橫跨尼羅河，係整個中東地區嘅政治、經濟同埋商業中心。佢由開羅省、吉薩省同蓋勒尤卜省組成，通常叫大開羅。大開羅係埃及同阿拉伯世界最大嘅城市，亦係世界上最古老嘅城市之一。

開羅嘅形成，可以追溯到公元前約 3000 年嘅古王國時期，作為首都，亦有成千年以上嘅歷史。喺佢嘅西南大約 30 公里處，係古都孟菲斯遺址。係嗰塊開闊嘅平地上，一片綠蔭裏面，有一座小小嘅院落，呢個就係孟菲斯博物館，裏面有法老拉美西斯二世嘅巨型石像，歷史久遠。院裏面有一座獅身人面像，係遊客影相留念嘅地方。

由孟菲斯遺址西行大約 20 公里，就係世界七大奇觀之一嘅金字塔。