Wikipedia:介紹

出自維基百科,自由嘅百科全書
(由Wikipedia:關於跳轉過嚟)

老友!歡迎你嚟到維基百科,呢度係一本內容開放嘅百科全書

維基百科全書係本內容開放嘅百科全書。佢嘅目標就係收納人類所有領域嘅知識粵語維基百科2006年3月25號開始運作,而家已經有十三萬八千三百九十三篇文,而且重唔停噉增加添。維基百科嘅內容可以俾人複製,修改同埋再發佈,只要新嘅版本都同樣跟住我哋嘅許可,並且寫明係嚟自維基百科就得喇。維基百科上嘅文章由始至終都係保持自由。希望維基百科能夠幫到你。介紹維基百科畀你啲朋友啦!

重有,維基百科全書亦係一本用萬國語言寫成嘅百科全書。英文維基百科2001年1月開始,到2018年9月已經有超過 5,714,000 篇文章。維基百科全書重有其他唔同國家嘅語言版本,若果你需要用其他語言嘅文本,請去首頁下面搵吓。

維基百科用WikiWiki技術,任何人都可以編輯,而全部修改都紀錄晒。粵語維基百科嘅內容由呢個網站嘅所有人一齊寫,我哋相信佢將會響大家嘅無私奉獻下繼續完善。歡迎你一齊參與撰寫維基百科全書嘅工作,自由噉體會寫嘢嘅樂趣,同大家分享你獨到嘅知識同埋經驗。

呢篇文簡介點用同編粵語維基百科;請撳啲藍字嚟睇詳細內容。如果想睇更詳細嘅內容就請去Help社區大堂。若果有問題嘅就可以去城市論壇搵人幫手。