石英

  呢篇文講一種礦物。揾緊同一個題目嘅同名嘅演員？請睇「石英 (台灣演員)」。

石英

水晶

甲種石英晶體。矽原子灰，氧原子紅。

乙種石英晶體。矽原子灰，氧原子紅。

石英，礦石一種，全世界周圍都有，世界第二多，繼長石之後，佔岩石圈一成二。好多白白哋色，而通透無色嗰種，就叫水晶。白白哋叫乳石英。若然礦物含有其他礦物雜質，可以有其他顏色。石英變化礦石有玉髓、瑪瑙、縞瑪瑙、碧玉、虎眼石、砂金石、紫水晶、黃水晶、煙水晶、粉晶、鈦晶咁。古時希臘人諗水晶由冰凍得滯變成，但實情同冰無關。

化學上歸做矽氧化物，亦即二氧化矽。結晶有甲乙兩種。甲種低溫而成，乙種高溫而成。甲種呈三方偏方晶族，乙種呈六角柱狀。晶體結構式四氧化矽，一矽原子拖四氧原子，一氧原子拖兩矽原子，呈四面體形分子構型。甲種可以變乙種，攝氏五百七十三度就變。水晶通常喺火山溶岩脈，冷卻嗰陣，氣體流走形成空洞，慢慢結晶而成，所以有水晶洞咁。二氧化矽天然有十幾種同分異構體，而得呢種常溫常壓下穩定。

長石係就最普遍礦，但地殼成份裏面，石英反而最豐富。石英質地堅硬，摩氏硬度達到七，相當堅硬，密度係2.65 g/cm³。花崗岩、砂、石英岩主要由石英構成。海洋地殻鮮含石英，惟火石係例外。

用途多多，夠硬打磨加工其他物料，亦係半導體原料，又可造玻璃同矽磚。而留聲機、石英鐘、石英錶用咗佢壓電效應。