斯洛伐克

出自維基百科,自由嘅百科全書
跳去: 定向搵嘢
---Sidenote START---
Slovenská republika

斯洛伐克國旗

斯洛伐克國徽
放大 放大
國家格言:冇
斯洛伐克嘅位置
官方語言 斯洛伐克文
首都 布拉迪斯拉發
總统 伊萬·加什帕羅維奇
總理 菲喬
面積 49,012 km²
國家人口一覽 5,414,937
人口密度 111人每km²
成立 1993年1月1日
捷克斯洛伐克分裂
貨幣 斯洛伐克克朗
时區 UTC+1
國歌 塔特洛山上電光閃閃》(Nad Tatrou sa blýska)
國際域名 .sk
長途電話代碼 +421

斯洛伐克Slovensko),官名斯洛伐克共和國Slovenská republika),係中歐內陸,西北面面向捷克共和國,北面面向波蘭,東面面向烏克蘭,南面面向匈牙利,西南面面向奧地利。由2004年3月29號起正式成為北大西洋公約組織成員,2004年5月1號起成為歐洲聯盟嘅成員。

歷史[編輯]

最初喺斯洛伐克定居嘅係凱爾特人,公元前5世紀開始佢哋被屬於日耳曼人嘅部落排擠。從1世紀到5世紀而家嘅斯洛伐克係羅馬人同日耳曼人嘅邊界,呢度發生過好多次嘅邊界戰爭。公元500年左右斯拉夫人嘅祖先嚟到呢度。公元7世紀中斯洛伐克係當時薩莫王國(Samo)嘅中心。8世紀嘅時候呢度出現咗尼特拉公國,833年佢成為大摩拉維亞嘅中心部分。11世紀斯洛伐克成為匈牙利王國嘅一部分,1526年跟隨匈牙利由奧地利嘅君主管轄,因此1867年成為奧匈帝國嘅一部分。16世紀同17世紀內當東南歐大部分地區被鄂圖曼帝國佔領嘅時候,匈牙利王國嘅實際組成部分只有而家嘅斯洛伐克。

第一次世界大戰之後,奧匈帝國崩潰,1918年斯洛伐克同捷克一齊組成捷克斯洛伐克,佢亦包括而家嘅匈牙利,呢啲地區嘅主要居民係匈牙利人,而家匈牙利境內都有部分講斯洛伐克語嘅地區。第二次世界大戰期間(1938年-1945年),斯洛伐克曾經獲得「獨立」(實際上係當時被納粹德國控制住嘅一個衛星國)。戰後又重新同捷克合併,並且成為一個社會主義國家。由1969年開始,斯洛伐克成為捷克斯洛伐克社會主義共和國嘅一個聯盟共和國之一。1989年,捷克斯洛伐克嘅政局開始發生變化,捷克共產黨失去執政地位,之後,斯洛伐克嘅分離日益明顯,喺1992年,透過全民公決,捷克同斯洛伐克宣佈解體,1993年1月1號斯洛伐克宣佈成為一個獨立嘅國家。

2003年5月17至18號斯洛伐克舉行全民公投,92.45%嘅公民支持加入歐洲聯盟。420萬選民中只有52.15%嘅人參加咗今次投票。2004年3月29號斯洛伐克加入北約,又喺2004年5月1號加入歐洲聯盟。

2004年4月3號舉行嘅總統選舉中喺首輪選舉中冇任何一個候選人獲得需要嘅50%選票,喺第二輪選舉入面,伊萬·加什帕羅維奇獲得60%嘅選票,當選總統。喺2004年舉行嘅歐洲議會選舉入面,只有16.66%嘅選民有去投票。

2006年6月17號,新一屆國民議會嘅選舉結果揭曉,方向黨獲得29.14%嘅選票,成為議會第一大黨。斯洛伐克民主基督教同盟就獲得18.35%嘅選票;之後係斯洛伐克民族黨,獲得11.73%嘅選票。7月4號,斯洛伐克總統加什帕羅維奇正式任命方向黨主席菲喬做新政府嘅總理。方向黨同斯洛伐克民族黨同埋爭取民主斯洛伐克運動組成聯合政府。

名嘅由來[編輯]

斯洛伐克作為今日呢個地區嘅稱呼首次有證可考嘅係喺15世紀。16世紀嘅時候呢個稱呼成日被使用。而斯拉夫人喺5世紀嘅時候就已經喺呢度定居,由9世紀開始佢就叫自己做斯拉夫人,因此呢個名字有可能係喺15世紀之前就已經被使用。

政治[編輯]

斯洛伐克嘅國家首腦係國家總統,由國民直接選舉,任期係五年。而政府首腦就係首相,擁有最大嘅行政權利,佢一般都係議會入面最強黨或者最強嘅政治聯合嘅首領,由總統任命。內閣嘅其他成員由首相提名,總統任命。

斯洛伐克嘅最高立法機關係一個一院制嘅議會──斯洛伐克共和國國家議會(Národná Rada Slovenskej Republiky),總共有150個議員,佢哋嘅任期係四年,由國民按比例選出。斯洛伐克嘅最高法院係憲法法院(Ústavný súd),決定涉及憲法嘅訴訟。佢嘅13個成員係由總統喺一份由議會提交嘅名單入面指派。