科索沃

出自維基百科,自由嘅百科全書
跳去導覽 跳去搵嘢
Republika e Kosovës
Република Косово / Republika Kosovo
Republic of Kosovo
科索沃共和國
Flag of Kosovo.svg Coat of arms of Kosovo.svg


Europe-Republic of Kosovo.svg
屬地(實轄)
幅員
首都 普里什蒂納
最大城市 普里什蒂納
時區 歐洲中部時間UTC+1
夏令時UTC+2
國民
人數

官方語言 阿爾巴尼亞語塞爾維亞語

政制
政制 議會制

主要領袖
經濟
貨幣 塞爾維亞第納爾(DINAR)、歐元(EUR)
資訊
國際電話區號 未分配

 科索沃共和國粵拼fo1 sok3 juk1 gung6 wo4 gwok3科索沃阿爾巴尼亞文KosovaKosovë塞爾維亞文КосовоKosovo),係響歐洲巴爾幹半島嘅一個國家(有爭議地區),原本係南斯拉夫塞爾維亞共和國嘅其中一個自治省。佢北面係塞爾維亞,南面係阿爾巴尼亞北馬其頓,東面係保加利亞,西面係黑山。人口族群中有90%以上係阿爾巴尼亞人,分布科索沃大部分地區,而其他少數民族主要係塞族黑山人,並主要分布於北科索沃地區。

科索沃嘅主權地位向來都係一個好受國際社會所關注嘅問題,其中當地大部分嘅阿族人一直爭取同要求科索沃獨立,但塞族人則視科索沃為塞爾維亞自古以嚟嘅固有領土,唔畀阿族人搞獨立運動。終於喺2008年2月17號,時任科索沃總理哈辛·塔奇響科索沃首都普里什蒂納國會單方面宣佈脫離塞爾維亞共和國獨立。直到依家,已經有至少119個聯合國國家承認科索沃係個獨立國家[1],啫係超過一半嘅聯合國會員國都承認。

簡史[編輯]

中世紀科索沃曾經係塞爾維亞王國嘅政治中心[2],之後俾鄂圖曼帝國佔領咗成五百年,阿族人就喺呢個時候搬咗入去,喺1912年科索沃併入塞爾維亞版圖成為第一南斯拉夫公國嘅一部分。

二次大戰之後,科索沃同塞爾維亞併咗入南斯拉夫社會主義聯邦共和國,而且有自己自治權,一路到1989年塞爾維亞取消科索沃自治權地位,啲阿族人就好唔滿意,其實佢哋一直都要求科索沃獨立,但係塞爾維亞仍然決定取消科索沃自治權地位,就激化咗科索沃嘅民族矛盾。到1992年南斯拉夫社會主義聯邦共和國解體,啲阿族人乘機宣佈成立科索沃共和國,不過起初國際社會唔承認,而科索沃局勢一度搞到立立亂。

科索沃戰爭[編輯]

內文:科索沃戰爭

1999年3月24號,由美國話事嘅北約以「消除人道災難」為理由,開展咗「科索沃戰爭」。呢場仗以人權同埋民族問題為理由。巴爾幹半島係俄羅斯南進戰略嘅主要基地,俄南兩國係歷史盟友。輿論普遍認為,通過科索沃戰爭,美國加強咗對歐洲安全嘅主導權,減少俄羅斯嘅戰略空間同影響力。美國嘅根本戰略目標係建立一種以美國為政治仲裁者嘅穩定嘅(歐亞)大陸均勢,唔畀可以統治歐亞大陸從而又可以挑戰美國嘅挑戰者出現[3]。呢單嘢之後,科索沃喺6月中開始由聯合國托管。

獨立[編輯]

喺2008年2月17號科索沃議會舉行特別會議,通過咗一項獨立宣言,宣佈科索沃已經脫離塞爾維亞共和國,係一個獨立主權國家,定國名做科索沃共和國俄羅斯塞爾維亞嘅政府都反對科索沃獨立,但係聯合國安理會1244號決議壓倒性咁成功通過[4],保護科索沃入面嘅難民同流離失所嘅人[5]。截至2020年9月5號,已經有119個聯合國國家承認科索沃係獨立國家[1]

參考[編輯]

  1. 1.0 1.1 "Kosovo Thanks You – Thank you from the Kosovar people!" (美國英文). 喺2022-04-26搵到.
  2. "Kosovo - Countries - Office of the Historian". history.state.gov. 喺2022-04-26搵到.
  3. 科索沃戰爭對世界格局產生影響
  4. 索沃宣布獨立 塞爾維亞稱其非法. BBC 中文網.
  5. 合國安理會第1244號決議:決議原文,附屬檔案1,附屬檔案2,決議結果,_中文百科全書. www.newton.com.tw. 喺2022-04-26搵到.

出面網頁[編輯]