北大西洋公約組織

出自維基百科,自由嘅百科全書
(由北約跳轉過嚟)
北約旗

北大西洋公約組織英文North Atlantic Treaty Organisation,縮寫NATO法文Organisation du traité de l'Atlantique nord,縮寫OTAN),簡稱北約,係歐洲北美洲國家為協同防衞而起嘅國際組織,亦係軍事同盟組織。佢係喺1949年4月4號,北美洲同西歐共12個國家喺美國華盛頓簽署《北大西洋公約英文North Atlantic Treaty》後正式成立。北約由公約第5條規定要保障成員國集體安全,所以北約各國加盟後同意喺任何一位成員國確認俾第三方國家攻擊時,其他成員國會做出即時反應嚟集體防衞[1]

北約嘅總部原本係喺法國巴黎,後來搬咗去比利時布魯塞爾

成立原因[編輯]

第二次世界大戰後,8個東歐嘅社會主義國家都喺蘇聯嘅控制下(之後除咗南斯拉夫都加入咗華沙公約組織‎);而中、西歐其他國家,包括戰敗嘅德國同埋意大利,戰勝嘅等國同其他好多國家,都因為受到戰爭破壞,經濟疲弱,社會動盪,加上各國之內,共產黨勢力膨脹,都大有被赤化嘅可能。美國怕無咗成個歐洲,勢必會令佢嘅勢力退返大西洋嘅西岸,令北美形勢陷於孤立,因而一面對歐洲實行馬蘇計劃,對中、西歐非共產國家提供大量軍事、經濟援助,另一方面成立軍事組織——「北大西洋公約組織」嚟對抗蘇聯同東歐集團。

成員國[編輯]

深藍色嘅係北約成員國

北大西洋公約組織嘅成員國,包括西歐嘅英國法國(喺1966年退出,2009年加入返)、德國比利時荷蘭盧森堡北歐丹麥挪威瑞典冰島芬蘭南歐意大利希臘西班牙葡萄牙保加利亞羅馬尼亞阿爾巴尼亞克羅地亞黑山北馬其頓東歐愛沙尼亞拉脫維亞立陶宛中歐捷克匈牙利波蘭斯洛伐克斯洛文尼亞;大西洋彼岸嘅美國加拿大;同埋亞歐交界、戰略地位好重要嘅土耳其,合共32個國家。

組織及協防條款[編輯]

北約設有一名秘書長處理日常事務。由於佢係軍事組織,所以各成員國國防部長會定期舉行會議。組織嘅主要功能,就係協防各個會員國。任何成員國嘅安全受到威脅,其他國家有加以協助嘅義務。不過,協防行動須要先由組織會員國開會通過。

戰後防務,其實主要由美國出力。喺各成員國中,大多數都有美國駐軍,以保障歐洲地區嘅安全。不過美國如果調動軍隊,同運用設喺該國嘅軍事設施,須要先得該國同意。其中,駐有美軍最多嘅地區係德國。北約嘅軍事指揮,主要係由美國將領擔任。

參考[編輯]

  1. "What is NATO?". What is NATO? (英文). 喺2023-01-15搵到.

出面網頁[編輯]