俄羅斯

出自維基百科,自由嘅百科全書
跳去: 定向搵嘢
Российская Федерация
俄羅斯聯邦
Flag of Russia.svg Coat of Arms of the Russian Federation.svg
旗仔 徽章

國歌:俄羅斯聯邦頌

LocationRussia.png
屬地(實轄)
幅員
  • 國土:17,075,200平方公里(世界第1名
  • 水域:0.5%

京城 莫斯科
大埠 莫斯科
時區 UTCUTC +2至+12
國民
人數

官府語言 俄文
民族 聯邦制半總統制憲法共和
主要宗教 東正教

政制

主要領袖
經濟
GDP(國際匯率)
  • 總計:7.60 千億美元(列第9位)
  • 人均:11,209 美元(列第61位)

HDI
  • 0.797(,2006年)

中央銀行 俄羅斯中央銀行
貨幣 俄羅斯盧布(RUB)(RUB)
資訊
國家象徵
國家代碼 RUS
國際域名縮寫 .ru
國際電話區號 +7

 俄羅斯聯邦粵拼ngo4 lo4 si1 lyun4 bong1 [1]俄文Российская Федерация ,拉丁轉寫:Rossiiskaya federatsiya,縮寫РФ),簡稱俄羅斯俄文Россия,拉丁轉寫:Rossiya),係歐亞大陸北部一個國,横跨兩大洲。俄羅斯國土面積超過1700萬平方公里,佔地球陸地面積八分之一[2][3],係全世界最大;佢亦係世界上人口第九多嘅國家,擁有1.47億人口,主要居住喺其歐洲部分。俄羅斯國土覆蓋成個亞洲北部東歐嘅大部份,橫跨11個時區,涵蓋廣泛嘅環境同地形。擁有全世界最大嘅森林儲備,含有約世界四分之一嘅淡水[4]

俄羅斯歷史始於歐洲嘅東斯拉夫民族,聚集區域自公元3世紀至8世紀逐漸擴大[5]。喺9世纪,瓦良格人武士精英建立咗基輔羅斯呢個中世紀國家。公元988年,國家從拜占庭帝國採納咗東正教。至此,拜占庭同斯拉夫嘅文化融合成為今日嘅俄羅斯文化

基輔羅斯最終解散分化為眾多公國,被蒙古人逐一擊破,喺13世紀成為咗金帳汗國嘅藩屬。莫斯科大公隨後逐漸崛起並統一周邊俄羅斯諸侯國,成功從金帳汗國獨立,成為咗基輔羅斯文化同政治嘅繼承者。喺18世紀,呢一個國家通過征服,吞併同探索,最終成為俄羅斯帝國。俄羅斯帝國係世界歷史上嘅第三大帝國,疆域自中歐嘅波蘭連綿至北美嘅阿拉斯加[6][7][8]

20世紀初俄國革命後,俄羅斯蘇維埃聯邦社會主義共和國成為咗蘇維埃社會主義共和國聯盟嘅主體同最大嘅加盟共和國。佢係世界上第一個憲法意義上嘅社會主義國家[9]二戰時期,蘇聯為同盟國嘅勝利扮演咗決定性嘅角色。戰後佢嘅崛起成為咗公認嘅超級大國,並喺冷戰時期同美國互相競爭。蘇聯時期產生咗20世紀好多最重要嘅科技成就,其中包括世界第一個人造地球衛星,以及首次將人類送入太空。喺1990年,蘇聯為世界上第二大經濟體[10],並擁有世界上最多嘅常備軍人以及最多嘅大殺傷力武器庫存。1991年蘇聯解體後,包括俄羅斯在內嘅15個共和國從原蘇聯獨立。俄羅斯蘇維埃聯邦社會主義共和國作為最大嘅加盟共和國通過修憲改制為俄羅斯聯邦,俄羅斯成為原蘇聯嘅唯一法理繼承國家。國體為聯邦半總統制多黨制共和國

2015年,根據國民生產總值俄羅斯經濟世界第13大經濟體,根據購買力平價世界第六大經濟體。俄羅斯擁有世界上最大儲量嘅礦產同能源資源[11],係世界上最大嘅石油天然氣輸出國[12][13]。俄羅斯係世界大國之一,為認定嘅擁核國家聯合國安理會常任理事國G20歐洲理事會亞太經合組織上合組織歐安組織世貿組織金磚國家成員。佢亦係獨聯體集體安全條約組織嘅領導者同歐亞經濟聯盟創始成員。俄羅斯亦係世界八大工業國之一,但因為烏克蘭危機而被暫停成員身份。

地理[編輯]

俄羅斯有十四個陸上鄰國(由西北方向起逆時針數):挪威芬蘭愛沙尼亞拉脫維亞立陶宛波蘭白俄羅斯烏克蘭格魯吉亞阿塞拜疆哈薩克中華人民共和國中國大陸)、蒙古國北韓,其中立陶宛同波蘭只係同俄羅斯外飛地加里寧格勒州接壤。同時俄羅斯重同日本美國加拿大丹麥自治領地格陵蘭冰島瑞典隔海相望。俄羅斯北面同東面分別畀北冰洋太平洋包圍,西北同西南就分別可以經波羅的海黑海大西洋。俄羅斯面積覆蓋超過八分之一地球陸地,包括成個亞洲北部,橫跨9個時區,涵蓋唔同環境同地形。

俄羅斯有世界最大儲量嘅產同能源資源[14],亦係世界最大石油天然氣輸出國[12][13],俄羅斯同時係世界八大工業國之一,擁有世界最多森林儲備同有約世界四分之一嘅淡水[4]

行政區[編輯]

俄羅斯聯邦由83個唔同種類行政分區組成:

  • 22個共和國(республики, "republics"),享有較大自由,通常係少數民族聚居區
  • 46個州(области/oblasts, "provinces")
  • 9個邊疆區(края/krais, "territories")
  • 4個自治區(автономные округа/autonomous okrugs, "autonomous districts")
  • 1個自治州(автономная область/autonomous oblast, "autonomous province")— 猶太自治州
  • 3個聯邦直轄市(города федерального значения, "federal cities")— 莫斯科聖彼德堡
俄羅斯聯邦嘅一級行政區

另外喺2000年5月13號,總統普京簽發命令決定按地域原則響俄羅斯建立7個聯邦區,包括中央聯邦區、西北聯邦區、南方聯邦區、伏爾加河沿岸聯邦區、烏拉爾聯邦區、西伯利亞聯邦區同遠東聯邦區。到2010年1月19號,總統梅德韋傑夫簽發命令決定自南部聯邦區內分出一個新聯邦區-北高加索聯邦區,令到俄羅斯聯邦區增加到8個。

政治[編輯]

內文: 俄羅斯政治

俄羅斯聯邦實行嘅係聯邦制半總統制,以俄羅斯聯邦憲法同法律為基礎,根據立法、司法、行政三權分立又相互制約、相互平衡嘅原則行使職能。

總統係國家元首,任期6年,可以連任一次。2008年修憲前為4年,由人民直接選舉產生。總統擁有相當大嘅行政權力,有權任命包括總理在內嘅高級官員,但必須經國家杜馬批准。總統同時亦係武裝部隊嘅首領以及國家安全會議嘅主席。並可以唔經議會通過直接頒布法令。總統唔可以連任超過一次,但總當選次數冇上限。

根據《俄羅斯聯邦憲法》,俄羅斯聯邦會議係俄羅斯聯邦嘅代表同立法機關,採用兩院制,下議院稱國家杜馬(代表聯邦各主體),上議院稱聯邦委員會(代表聯邦)。

聯邦委員會(上議院)由俄羅斯聯邦諸聯邦主體各派兩名代表組成:一名嚟自國家代表權力機關,一名嚟自國家執行權力機關,主要嘅職能係批准聯邦法律、聯邦主體邊界變更、總統關於戰爭狀態同緊急狀態嘅命令,決定境外駐軍、總統選舉同埋彈劾,中央同地方嘅關係問題等。

國家杜馬(下議院)嘅職權係同意總統對總理嘅任命;決定對總統嘅信任問題;任免審計院主席及半數檢查員;實行大赦;提出罷免俄羅斯聯邦總統嘅指控;通過聯邦法律。

聯邦行政部門[編輯]

俄羅斯有15個部同埋同其他部同級嘅總局,其中有5個部比較特殊,有重要權力嘅部門直接向總統負責,稱為強力部門俄文силовые структуры),分別係:

  • 聯邦內務部
  • 聯邦外交部
  • 聯邦國防部
  • 聯邦司法部
  • 聯邦民防、緊急情況及消除自然災害後果部(簡稱緊急情況部)

其餘10個部就係直屬總理:

  • 聯邦財政部
  • 聯邦衛生與社會發展部
  • 聯邦經濟發展與貿易部
  • 聯邦教育科學部
  • 聯邦工業與能源部
  • 聯邦農業部
  • 聯邦資訊科技與通訊部
  • 聯邦自然資源部
  • 聯邦文化與傳媒部
  • 聯邦交通運輸部

歷史[編輯]

從國家同國際法律嘅角度嚟睇,現代俄羅斯民族國家喺1917年11月7號出現。1991年12月25號改名為「俄羅斯聯邦」,通稱「俄羅斯」或者「俄國」,係蘇聯俄羅斯蘇維埃聯邦社會主義共和國嘅繼任者。

俄羅斯地域喺舊石器時代已經有人類居住。862年諾曼人留里克受斯拉夫人嘅邀請嚟到諾夫哥羅德,建立第一個羅斯公國,留里克王朝就咁樣開始。882年,諾夫哥羅德大公奧列格徵服基輔,建立基輔羅斯公國,去到12世紀中,以基輔為首都,同東斯拉夫人為主體嘅早期國家。基輔羅斯起源於7世紀上半葉,根據史學史嘅觀點,基輔羅斯被認為係3個現代東斯拉夫人國家(白俄羅斯、俄羅斯及烏克蘭)嘅前身。弗拉基米爾一世·斯維亞托斯拉維奇同佢嘅仔雅羅斯拉夫嘅統治時期係基輔嘅黃金時期。當時佢哋接納咗東正教,亦創立咗羅斯法典(Русская правда)。之後,基輔羅斯喺公元13世紀被蒙古人建立嘅欽察汗國佔領。

中世紀後期,俄羅斯人建立咗莫斯科大公國並逐漸發展成為一個大帝國。俄國喺16世紀起開始向亞洲擴張,到17世紀中成為全球固有領土面積最大嘅國家。喺歷代沙皇領導下,俄羅斯帝國喺18世紀開始現代化並到處擴張,成為歐洲列強之一,然而20世紀初開始,沙皇統治日益腐敗,拒絕下放權力畀資產階級,人民對現狀日漸不滿。隨著第一次世界大戰中俄國喺軍事上嘅慘敗,十月革命終於喺1917年爆發。無幾耐,蘇聯共產黨列寧嘅領導下,建立咗全球首個共產政權——蘇維埃社會主義共和國聯盟。喺列寧同斯大林領導下,蘇聯由一個農業國迅速工業化,並且實行農業集體化。第二次世界大戰戰勝納粹德國後,成為冷戰中嘅紅色超級大國。到咗1980年代尾,蘇聯進行咗多項激進嘅改革,但係高度集中嘅政治經濟體制已病入膏肓,斯大林模式亦逐漸僵化,最終喺1991年解體

1991年12月26號,俄羅斯蘇維埃社會主義聯邦共和國最高蘇維埃宣佈,俄羅斯蘇維埃社會主義聯邦共和國改名為俄羅斯聯邦並成為主權國家。自此,俄羅斯聯邦雖然未具有如蘇聯、美國等超級大國嘅地位,但仍被國際承認係極具影響力嘅世界性大國,亦是世界第二軍事強國。解體後,俄國經濟曾一度面臨困境,政治方面亦出現過1993年憲政危機,但目前經濟狀況已經有咗決定性嘅改善。

建國歷史嘅變遷[編輯]

Template:Stack

  1. 基輔羅斯(古羅斯國家,862年至1242年)
  2. 弗拉基米爾-蘇茲達爾大公國(1157年至1389年)
  3. 莫斯科公國(1246年至1389年)
  4. 莫斯科大公國(1389年至1547年)
  5. Flag of Russia.svg 俄羅斯沙皇國(1547年1月16號至1721年1月22號)
  6. Flag of Russia.svg 俄羅斯帝國(1721年1月22號至1917年9月1號)
  7. Flag of Russia.svg 俄羅斯共和國(1917年9月1號至1917年11月7號)
  8. Template:Russian SFSR旗資料蘇維埃俄國;1917年11月7號成立,1922年至1991年屬於蘇聯)
  9. Template:Soviet Union旗資料 蘇維埃社會主義共和國聯盟(1922年12月30號 - 1991年12月26號)
  10.  俄羅斯(1991年12月25號至今)

首都嘅變遷[編輯]

  • 862年至882年:諾夫哥羅德
  • 882年至1243年:基輔
  • 1243年至1389年:弗拉基米爾
  • 1389年至1712年:莫斯科
  • 1712年5月21號至1728年:聖彼得堡
  • 1728年至1732年:莫斯科
  • 1732年至1918年:聖彼得堡(1914年8月18號改名做彼得格勒)
  • 1918年3月12號至今:莫斯科

軍事[編輯]

俄羅斯係傳統軍事強國,沙皇俄國時期強調發展軍力,而蘇聯時期嘅軍事水平達到巔峰,成為世界軍事強國。

參考[編輯]

  1. "The Constitution of the Russian Federation". (Article 1) (用英文寫). 喺2009-06-29搵到. 
  2. http://www.greece.mid.ru/rus/russia/territoria_naselenie.html
  3. http://www.nationsencyclopedia.com/economies/Europe/Russia.html
  4. 4.0 4.1 Library of Congress. "Topography and drainage". 喺26 December 2007搵到.  引用錯誤 Invalid <ref> tag; name "loc" defined multiple times with different content
  5. "Russia". Encyclopædia Britannica. 喺31 January 2008搵到. 
  6. Excerpted from Glenn E. Curtis (ed.) (1998). "Russia: A Country Study: Kievan Rus' and Mongol Periods". Washington, D.C.: Federal Research Division of the Library of Congress. 喺20 July 2007搵到. 
  7. Rein Taagepera (1997). "Expansion and Contraction Patterns of Large Polities: Context for Russia". International Studies Quarterly. 41 (3): 475–504. doi:10.1111/0020-8833.00053. 
  8. Peter Turchin; Thomas D. Hall; Jonathan M. Adams (2006). "East-West Orientation of Historical Empires" (PDF). Journal of World-Systems Research, Vol. 12 (no. 2). 第 219–229頁. (原先內容 (PDF)喺22 February 2007歸檔). 
  9. Jonathan R. Adelman; Cristann Lea Gibson (1 July 1989). Contemporary Soviet Military Affairs: The Legacy of World War II. Unwin Hyman. 第 4頁. ISBN 978-0-04-445031-3. 喺15 June 2012搵到. 
  10. GDP – Million 1990. CIA Factbook. 1991. 喺30 November 2015搵到. 
  11. "Commission of the Russian Federation for UNESCO: Panorama of Russia". Unesco.ru. 喺29 October 2010搵到. 
  12. 12.0 12.1 International Energy Agency – Oil Market Report 18 January 2012. Retrieved 20 February 2012.
  13. 13.0 13.1 Country Comparison :: Natural gas – production. CIA World Factbook. Retrieved 17 February 2012.
  14. "Commission of the Russian Federation for UNESCO: Panorama of Russia". Unesco.ru. 喺29 October 2010搵到.