馬爾代夫

馬爾代夫嘅旗

馬爾代夫嘅位置

馬爾代夫（粵拼：maa5 ji5 doi6 fu3）係一個島國，全名「馬爾代夫共和國」，由1,192個珊瑚礁組成，位置喺印度洋、斯里蘭卡西南面約莫700公里、印度西南面451公里。咁多個島加埋面積有227平方公里，1,192個島入面淨係得202個島有人住，首都係馬累。

歷史

16世紀，馬爾代夫試過畀葡萄牙短暫佔領過一陣。1950年代中期，馬爾代夫成為咗英國嘅保護國。1965年，馬爾代夫搣甩英國統治成功獨立，同年加入聯合國。

氣候

馬爾代夫橫跨赤道，屬於熱帶氣候，全年畀陽光照射，四季唔明顯，一年當中以4月最熱，12月最凍。12月至4月屬於乾季，5月至11月就係濕季。

人口

馬爾代夫總人口將近27萬，四份之一住喺首都馬累。馬爾代夫人通用語言係迪維西文。馬爾代夫人以伊斯蘭教做國教，有好多宗教習俗，譬如禁酒、禁食豬肉、每日禱告五次等等。

經濟

馬爾代夫嘅流通貨幣係馬爾代夫盧比，輔幣係拉里Laaree。有2、5、 10、20、50、100、500盧比等面額銀紙同埋1、5、10、25、50拉里同1盧比銀仔。一般酒店用得美金。

馬爾代夫平均國民生產毛額超過2,000緡美金，經濟富裕程度居南亞國家頭三名。馬爾代夫佔全世界珊瑚礁面積有5%，經濟以漁業為主，1972年，意大利人去到馬爾代夫成立第一個休閒度假村，吸引唔少歐洲人去玩，旅遊業自此大放異彩，成為馬爾代夫主要經濟來源，觀光外匯收入佔國家外匯收入60%以上。馬爾代夫無現代化工業，淨係有小型船舶修造廠、 漁業產品、水果加工、手工藝製作等細囈工業。海島土地又瘦又少，發展唔到農業自給，絕大多數工業產品同生活必需品靠由斯里蘭卡、印度等南亞國入口。主要出口商品係海產同成衣。

2004年印度洋大地震引起嘅海嘯破壞咗馬爾代夫唔少度假村，更摧毀咗唔少本地居民住嘅島，重創當地觀光業。

近年政治

馬爾代夫第三任總統މައުމޫނު ޢަބްދުލް ޤައްޔޫމ獨裁統治咗近30年，2008年總統大選輸畀代表反對派參選嘅納希德而落臺。

2012年2月7號，喺國內爆發警察叛變同埋群眾示威之後，納希德宣布辭職，總統職權移交畀副總統。後來納希德自爆佢喺畀人用槍指住逼落臺。

喺亞洲位置

臺 灣 海 峽 白令海 恆河 白令海峽 哥打華里河 戈壁沙漠 南海 挪威海 新畿內亞 多瑙河 東西伯利亞海 東海 日本海 東北 平原 立借夫海 利拿河 馬麻拉海 馬來半島 湄公河 馬爾代夫 巴倫支海 貝加爾湖 峇里 波羅的海 白海 孟加拉灣 婆羅洲 北冰洋 北海 伏加河 雅魯藏布江 庫頁島 北威拿河 蘇門答臘 蘇拉威西 斯間地那維亞 西奈 星加坡島 細亞細亞 亞丁灣 阿剌伯半島 阿剌伯海 鹹海 黑龍江 亞速海 非洲之角 鶯曼羣島 阿爾泰山 愛琴海 耶尼射河 阿曼灣 鄂河 澳洲 鄂荷次克海 烏拉河 烏拉山脈 幼發拉底河 伊朗高原 印度河 印度次大陸 彥地結卡河 北印度洋 中南半島 日本列島 爪哇 珠江 長江 祁連山 卡拉海 喀喇崑崙 裏海 琴察加半島 高加索 加羅蓮 羣島 哥羅馬河 崑崙 聖誕島 塔克拉瑪干沙漠 泰國灣 北太平洋 天山 北部灣 底格里斯河 帝汶 青藏高原 帕米爾 波斯灣 比初拉河 菲律賓 菲律賓海 朝鮮半島 北海道 紅海 華北 平原 黃河 黃海 黑海 喜馬拉雅山 印度大  平原 興都古舒 臺灣 亞洲主要地理

拎

• "The President's Office".
• "Visit Maldives".
• 〈国家概况 — 中华人民共和国外交部〉 (簡體中文). 中華人民共和國外交部.
• 〈馬爾地夫共和國 Republic of Maldives - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Maldives - United States Department of State" (英文). 美國國務院.
• 馬爾代夫喺中央情報局《世界概況》嘅資料 （英文）
• 〈モルディブ共和国 ｜ 外務省〉 (日文). 日本外務省.
• "Maldives - Department of Foreign Affairs and Trade" (英文). 澳洲外交貿易部.