越南

越南社會主義共和國 Cộng hòa Xã hội chủ nghĩa Việt Nam
旗 徽
格言：Độc lập, Tự do, Hạnh phúc 「獨立，自由，幸福」
國歌：《進軍歌》（Tiến Quân Ca）
屬地（實轄）
幅員 國土：346,410平方公里（世界第64名） 水域：6.4%
首都	河內
最大城市	胡志明市
時區	UTC+7
國民
人數	人數：90,388,000人（2012年）（世界第13名） 人口密度：272人/km2（世界第46名）
民族	54個： 京族（越族，86.2%） 岱依族（1.9%） 台語民族（1.7%） 芒族（1.5%） 高棉族（1.4%） 華裔（1.1%） 儂族（1.1%） 苗族（1%） 其餘民族（4.1%）
政制
政制	一黨執政
主要領袖 最高領袖（越共中央總書記）：阮富仲 國家元首（國家主席）：阮春福 政府首腦（政府總理）：范明政
經濟
HDI 0.617（2012年）
中央銀行	越南國家銀行
貨幣	越南盾
資訊
國家代碼	VNM
國際域名縮寫	.vn
國際電話區號	+84

越南國家歌劇院

越南（粵拼：jyut6 naam4；越南文：Việt Nam越南，北方口音：[viət˩ nam˧] 聽；南方口音：[viək˩ nam˧]或者[jiək˩ nam˧]），以前叫安南（on1 naam4*2；南有變調），而今全名叫越南社會主義共和國 jyut6 naam4 se5 wui6*2 zyu2 ji6 gung6 wo4 gwok3（Cộng hòa Xã hội chủ nghĩa Việt Nam共和社會主義越南），係東南亞一個社會主義國家。喺1976年之前嘅南北越時期，越南社會主義共和國嘅前身北越個名叫做越南民主共和國。越南嘅首都係河內。

越南嘅地理位置喺東南亞嘅中南半島東端，東面就係南中國海，北緯 8°30' 至 23°22'，東經 102°10' 至 109°30'。同柬埔寨、老撾同埋中國嘅雲南、廣西接壤，又同中國廣西共享北部灣（以前叫東京灣，「東京」指越南北部紅河三角洲地區）。兩國原先響正海灣中心個白龍尾島劃界，家下以東經 108°03' 作為新嘅邊界。

越南係東南亞國協（ASEAN）成員之一。

歷史

越南史
史前 傳疑時代 （鴻龐 • 甌雒及安陽王）
第一次北屬 前214年──40年
中國秦朝統治 前214年──前207年
趙朝（南越國） 前207年──前111年
中國漢朝統治 前111年──40年
二徵夫人 40年──43年
第二次北屬 43年──541年
中國東漢統治 43年──220年
中國六朝統治 220年──541年 漢末東吳：士燮 東吳：趙嫗起義
前李朝 541年──602年 （趙越王 548年──571年）
第三次北屬 602年──905年
中國隋唐統治 602年──905年 唐：梅黑帝 唐：馮興 唐：楊清
自治時期 905年──938年 唐、後梁：曲家 南漢：楊廷藝 南漢：矯公羨
吳朝 938年──967年 （十二使君之亂 944年──967年）
丁朝 968年──980年
前黎朝 980年──1009年
李朝 1009年──1225年						南 進 11 世 紀 | 18 世 紀
陳朝 1225年──1400年
胡朝 1400年──1407年
第四次北屬 1407年──1427年
中國明朝統治 1407年──1427年 後陳朝（1407年──1413年） 藍山起義
後黎朝 1428年 | 1789年			前期 1428年──1527年
			南北朝（中期） 1527年──1592年
			黎朝 （南朝） 1533年─1592年	莫朝 （北朝） 1527年─1592年
			後期 1592年──1789年 鄭阮紛爭 鄭主（唐外） • 阮主（唐沖）
西山朝 1778年──1802年
阮朝 1802年──1945年 （法屬時期：1887年──1945年） （越南帝國：1945年）
分裂時期 1945年──1975年 兩次印支戰爭 法越戰爭 • 越南戰爭
越南國 1949年─1955年			一 七 線	越南民主共和國 （北越） 1945年─1975年
越南共和國 （南越） 1955年─1975年
南越南共和國 1969年─1975年
越南社會主義共和國 1976年至今
睇埋  越南歷代君主 越南版圖內嘅古國 越南史年表

越南史 （越南舊名）
2879–2524 BC 赤鬼 2524–258 BC 文郎 257–207 BC 甌雒 207–111 BC 南越 111 BC–39 AD 交趾 40–43 嶺南 43–299 交趾 299–544 交州 544–602 萬春 602–679 交州 679–757 安南 757–766 鎮南 766–866 安南 866–967 靜海軍 968–1054 大瞿越 1054–1400 大越 1400–1407 大虞 1407–1427 交趾 1428–1804 大越 1804–1839 越南 1839–1887 大南 1887–1945 東洋/印度支那 ： 北圻/東京 中圻/安南 南圻/交趾支那 1945以後 越南 主模 {{越南史}}

根據多個國家嘅歷史記載，越南嘅歷史可以追溯至4000年前。

公元前3世紀，秦朝侵略越南北部地區（包括依傢廣州一帶）。響前1世紀至10世紀嘅大部份時間，越南係喺中國古代各政權嘅統治之下。968年，丁部領統一境內嘅割據勢力而建國，響李朝建立後，宋朝承認佢嘅主權。響脫離北屬之後嘅歷史中，越南成為藩屬國。

大蒙古國時期，越南陳朝曾擊退蒙古嘅入侵。而蒙古人忽必烈嘅元朝建立之後，越南陳朝嘅陳興道又曾兩次擊退元軍嘅入侵。

嘉慶七年（1802年），阮福映建立阮朝，第二年請清朝冊封做「南越國王」，最終嘉慶帝改以「越南國王」嘅名冊封，阮朝嘅正式國號就係「越南」，取代咗以前嘅名安南，用到依家。

19世紀末，越南成為法國殖民地，直到1954年獲法國承認獨立。但未幾越南分裂成南越同埋北越，兩國打咗十幾年嘅越戰，1976年由北越統一越南。

1977年，越共四大確定咗親蘇聯嘅方針，同中共嘅關係轉趨冷淡。1978年，由於越南政府響前南越地區推行「社會主義改造」，導致大批越南華僑逃離越南。1978年12月25日，越南黎筍政府派25萬越南人民軍部隊入侵柬埔寨，越軍好快就攻入柬埔寨嘅首都金邊，並且係推翻紅色高棉後扶植名為柬埔寨人民共和國嘅親越傀儡政權，但聯合國一直唔承認柬埔寨人民共和國。1979年1月，越南同蘇聯簽訂咗《越蘇友好合作互助條約》，越軍佔領柬埔寨之後，係柬泰邊境地區部署重兵，紅色高棉亦都向泰國邊境逃跑，越軍打到柬泰邊境，令泰國邊境地區人民嘅生命財産遭到嚴重嘅損失。雙方係經過13天嘅戰鬥後講和。1979年，中國為咗分擔柬埔寨被越南攻打嘅壓力入侵越南，史稱中越邊境戰爭，中國人民解放軍係攻入越南北部嘅諒山、高平、老街三個省會之後撤軍回國。之後，中越邊境仍不斷發生衝突，衝突持續咗10年咁耐。1986年，越共換咗領導人之後，開始改變越南嘅經濟政策，佢哋學習市場經濟同埋對外開放投資嘅模式，嗰政策叫做「革新開放」。1989年，中蘇關係實現正常化，同年9月27日，越南從柬埔寨撤軍，中越邊境衝突結束。1991年，越南共產黨派出代表團訪問中國，中越關係實現正常化。1992年，韓越關係實現正常化。

1995年7月，越南同美國建交。

地理

越南全國佔地大約331,688平方公里。地形包括有丘陵嘅茂密森林，平地面積唔超過20%。山地面積佔40%，丘陵佔40%，森林佔42%。

宗教

外來宗教

• 佛教：越南最大嘅宗教。越南佛教係從印度傳入，但響東漢末年，大乘佛教從中國傳入越南，越南人叫佢做「北宗」。10世紀之後，被尊為國教。上座部佛教自泰國同柬埔寨傳入，稱之為「南宗」。目前信大乘佛教嘅佛教徒多啲。
• 天主教：1533年傳入越南，發展迅速，響法國統治時期取得合法地位，目前有大約300幾萬嘅信徒。
• 基督新教：1893年傳入西貢，但遭法國殖民當局禁止。直到1920年，宣道會喺越南打穩基礎。基督新教而家有唔少信徒，主要分佈喺河內、海防、承天、廣南－峴港、波萊古、平順等地。

本土宗教

• 高台教：係1926年吳文昭、黎文忠揉和佛教、基督教、道教、儒教創立嘅本土宗教，全名係「大道三期普渡高台教」。信孔子（人道）、姜太公（神道）、耶穌（聖道）、老子（仙道）、釋迦（佛道），每日6點、12點、18點、24點要焚香誦經。
• 和好教：1939年由黃富楚創立，係佛教嘅變體，但係唔起寺廟，用塊紅布代替神像，供品係鮮花同清水。

政治

越南由越南共產黨一黨執政，國內冇其它合法政黨，越共總書記係黨同國家最高領導人，兼任中央軍事黨委書記，掌握軍權。2001年取消政治局常委之後，黨總書記、國家主席、政府總理同國會主席被視為越共領導層嘅「四大支柱」。

教育

響2000年，越南經已基本實現小學義務教育普及化嘅目標。2001年全面推廣9年義務教育。響2001-2002學年，越南全國大、中、小學學生大約有1,860萬名。全國有2.58萬間三級普通學校，179間高等院校。

出面網頁

• 越南嘅官方網站
• 〈国家概况 — 中华人民共和国外交部〉 (簡體中文). 中華人民共和國外交部.
• 〈越南社會主義共和國 Socialist Republic of Vietnam - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Vietnam - United States Department of State" (英文). 美國國務院.
• 越南喺中央情報局《世界概況》嘅資料 （英文）
• 〈ベトナム社会主義共和国 ｜ 外務省〉 (日文). 日本外務省.
• "Vietnam - Department of Foreign Affairs and Trade" (英文). 澳洲外交貿易部.