忽必烈

忽必烈畫像

忽必烈畫像

忽必烈（蒙古話：Хубилай хаан，1215年9月23號—1294年2月18號），全名孛爾只斤忽必烈或者奇渥溫忽必烈，廟號元世祖，係元朝嘅第一個皇帝。

佢係成吉思汗個孫，阿爸係元睿宗。忽必烈專門負責南攻。喺佢治理底下，曾經引進咗一啲漢族人管黃河一帶地方，好似劉秉忠、許衡、姚樞等等。

1259年，忽必烈阿哥、大汗蒙哥（元憲宗）過身。1260年，忽必烈自立做大汗。忽必烈細佬阿里不哥亦都畀人擁立做大汗。兩兄弟爆發內戰，最終阿里不哥喺1264年向忽必烈投降。

1260年，忽必烈封八思巴做國師。

1264年忽必烈做咗皇帝，將首都定喺大都（今日北京）。但四大汗國其中三個，都唔妥忽必烈，決定自己搞獨立。於是忽必烈實際管到嘅，就只有中原同蒙古一帶。

1271年，將國號改做「大元」。

1279年忽必烈滅咗南宋。之後佢繼續攻向海外，試過三次打日本都衰咗。打真臘（今日柬埔寨）最後只可以派使講和。

忽必烈臨老病痛多多，最後喺1294年病死喺宮入面。之後由佢個孫元成宗鐵穆耳繼位。