南中國海

出自維基百科,自由嘅百科全書
南海嘅示意圖

南海粵拼naam4 hoi2)係指廣東廣西以南嘅大海,西洋各國叫佢做South China Sea,譯做南中國海naam4 zung1 gwok3 hoi2),越南東海dung1 hoi2越南文Biển Đông㴜東),菲律賓叫自己聲稱嘅專屬經濟區嗰部分做西菲律賓海sai1 fei1 leot6 ban1 hoi2他加祿話Dagat Kanlurang Pilipinas)或呂宋海leoi5 sung3 hoi2他加祿話Dagat Luzon)。

定義同地理[編輯]

國際水文局嘅定義中,南海位於東北-西南走向,南部邊界喺南緯3度,位於南蘇門答臘同埋加里曼丹之間,北邊以及東北嘅廣東廣西福建台灣台灣海峽,西邊到菲律賓群島,西南至越南馬來半島,通過巴士海峽蘇祿海馬六甲海峽連接太平洋同埋印度洋。南海係世界第三大嘅陸緣海,只係僅次於珊瑚海同埋阿拉伯海,面積大概有356萬平方公里,平均水深大概1212米,最深處係中部嘅深海平原,達到5567米左右。

南海係太平洋同印度洋之間重要嘅航道,四周大部分都係半島同埋。南海算係低緯度地域,屬於熱帶深海。南海嘅海水表層水溫高嘅時候達到25℃到28℃左右,年溫差3℃到4℃,鹽度係35‰,差平均2米。

周邊國家及地區[編輯]

喺菲律賓巴拉望望過去南海

由北部順時針嘅方向:

流入南海嘅主要河流[編輯]

主要島嶼[編輯]

南海諸島

資源[編輯]

由於南海算係熱帶嘅海洋,好啱珊瑚繁殖,海底高台處形成咗珊瑚島南海諸島東沙群島西沙群島中沙群島南沙群島都算係珊瑚島嶼;水產主要有海龜海參金槍魚紅魚鯊魚大龍蝦梭子魚墨魚魷魚等好多唔同種嘅熱帶海產。南海海底嘅石油天然氣蘊藏非常之豐富,根據初步嘅估算海底石油蘊藏量達200億噸。

主權爭議[編輯]

由於南海嘅資源同戰略價值好高,喺南海周邊嘅國家都宣稱擁有南海嘅部分主權,例如中華人民共和國主張嘅南海九段線。

2014菲律賓喺荷蘭海牙常設仲裁法院提出南海仲裁案,控告中國違反國際法。最後法院判決菲律賓勝訴,但中國唔承認裁決結果。

喺亞洲位置[編輯]