福建

  「福建省」跳轉到呢度。想搵中華民國福建省，請睇「福建省 (中華民國)」。

  想搵第二個意思嘅話，請睇福建 (搞清楚)。

福建喺中國嘅東南沿海。西南面係廣東，西面係江西，北面係浙江，東面同台灣島隔海相望。

政治上，福建而家係由中華人民共和國嘅福建省同埋中華民國嘅福建省分治。前者差唔多佔有全個福建嘅大部分地方，尤其係陸地部份，以福州市為省會；而後者就管理金門、烏坵、馬祖等等嘅沿岸島嶼，省政府設喺金門縣嘅金城鎮。

南洋唔少華人祖先都係嚟自福建，尤其係閩南廈門、漳州、泉州等等以及福州、福清、莆田等地方；而喺美國，近年就多咗好多閩東福州移民。喺香港，閩南人多數聚居北角，閩東福州人多數聚居荃灣、西環，平日大家所叫嘅「福建話」，其實都係指閩南話，而閩東福州人講嘅語言叫閩東話，或者福州話。