跳去內容

北角

出自維基百科，自由嘅百科全書
北角
North Point
地方
北角一帶嘅住宅同商業區（2008年）
北角一帶嘅住宅同商業區（2008年）
北角North Point響香港嘅位置
北角North Point
北角
North Point
北角喺香港嘅位置
行政區 香港
地區香港島
區東區
人口（2019年）
 • 地方150,000
 • 市區150,000
時區香港時間（UTC+8）

北角（英文：North Point）喺香港島東區，係香港最早發展嘅地區之一，係香港島最北邊。而家北角包括西北面嘅炮台山，北角站周邊，同埋大半個七姊妹地區，北角連住銅鑼灣嘅發展，開埠時已經有零散人口住埋一齊，清末到民國時期，香港人口由1891年嘅22萬大增到1941年嘅160萬，當中有60-70萬人口都係福建籍嘅，由早期聚居地跑馬地開始向北角擴展，自此北角一帶成為大多數福建籍居民嘅聚居地，因為語言相通，呢一帶第二族群潮州籍人口，而二戰後北角（同埋鰂魚涌）更加成為香港最多福建人嘅地區。喺港鐵喺80年代通車之後，好多人認知嘅北角變咗由油街至渣華道一帶[未記出處或冇根據]。

名源

[編輯]
1945年嘅地圖顯示北角同七姊妹個名互通

清代嘉慶二十四年（1819年）刊行嘅《新安縣志》仲未有北角嘅任何記載，連地名都未出現。北角個名係開埠後先出現。喺英軍佔領港島初期，佢哋派人喺船艦度測量港島北部海岸。當時測量人員用測量點搵出最北邊突出嘅岬角，而命名為 North Point（北角）；同時間，亦都將東西點列做 West Point（西角，即係而家西環一帶）同 East Point（東角，即係而家東角道一帶）[1]。喺1945年嘅地圖顯示，當時政府將英文嘅北角個位置等同中文嘅七姊妹。

全區概況

[編輯]
北角春秧街有「小福建」、「小上海」之稱

福建嘅閩南人係早期到香港嘅群體之一，福建籍人口開埠以嚟除咗喺各省籍人口都有嘅中西區同埋灣仔區聚居之外，開埠以嚟即喺銅鑼灣天后廟一帶經營轉口貿易。民國時期，香港人口暴增，銅鑼灣一帶嘅閩籍人口已經飽和，郭春秧出高價買香港市區邊緣炮台山以東嘅北角（包括鰂魚涌）新填海地，不過銅鑼灣一帶嘅閩籍人口比北角更密集，但係新中國成立之後，幾十萬住喺全國各地嘅福建人南下香港避難，包括中產人仕同商人，又集中移民喺北角（同埋鰂魚涌）、觀塘區部份地方同埋紅磡，北角（同埋鰂魚涌）成為世界上人口最密集嘅地區，而人口又一再向東區私樓區遷移，令福建籍港人佔咗東區私樓人口嘅大多數，東區亦都佔咗總閩南話殘留人口嘅26%，香港有160萬祖籍福建或者係南洋閩籍華僑[2]按人口推算達40萬人，喺抗日戰爭之前，郭春秧曾經出巨資援助日本關東大地震，所以北角區早期就有日本人，直到而家以北角一帶為主嘅東區私樓區亦都係日籍人口喺港嘅主要聚居地，東區日文人口佔總日文人口25%，[3]。銅鑼灣到鰂魚涌一帶有比較相近嘅歷史同人口遷移史，但係北角嘅發展遠比銅鑼灣遲，而維多利亞城同埋銅鑼灣都係開埠以嚟已經得到發展嘅區份，亦有相近嘅歷史，但係因為南洋華僑大量遷居香港[4]，同埋兩區早期亦都有唔少閩籍人口，政黨估算總和都有30萬閩籍人口[5]，而柴灣同埋筲箕灣又同北角一帶嘅歷史有啲唔同[6]，因為冇港鐵相連同埋早期就已經係閩籍人口聚居地，跑馬地同埋大坑嘅閩籍人口比北角更密集，近年部份台籍同埋閩籍投資移民亦會買鰂魚涌太古城直到跑馬地一帶嘅物業，北角同埋鄰近幾個以閩籍人口為多數嘅地區亦有「小福建」之稱。北角人口中有好多戰後移民，亦都有唔少係南洋商家，80年代以後移居香港嘅大陸富商，而銅鑼灣、大坑一帶就更多開埠以嚟嘅移民同埋南洋商家，其他東區已經置業者就以中產為主。

福建閩南人係早期到香港嘅群體之一，而北角喺香港開埠同埋郭春秧開發之後，成為閩南語系華僑（包括潮州[7]、泉州、漳州、廈門、台灣、新加坡、印尼、馬來西亞、菲律賓、歐美）嘅聚居地，而北角自建區以嚟即被稱為「小福建」[8][9]，1919年北角發電廠起好，而北角碼頭係一個多用途嘅地方。香港嘅「小上海」係指九龍色情行業林立嘅上海街一帶[10][11]，1950年代郭春秧過身，個仔遺產繼承人喺北角發展夜總會事業，有華僑巨富嘅支持，短暫成為高級色情娛樂中心，雖然呢區仍然以福建人居多，色情行業嘅客人仍然稱北角同後尾嘅灣仔為「港島小上海」，呢個情況維持到1970年，絕大多數夜總會都執笠。九龍上海街一帶就至今仍然係香港庶民色情中心（參香港人口）。北角亦都係香港早期開發嘅地區之一，東部七姊妹道喺1930年代已經有咗填海區[要更加好嘅來源]。

地理位置

[編輯]

喺殖民地政府統治下嘅北角區亦包括鰂魚涌西部（例如北角官立小學亦都喺鰂魚涌），包括早年市政局選區同埋而家嘅校網，鰂魚涌同樣係以閩籍人口為華人人口嘅大多數。

北角位處香港島，北臨維多利亞港，同土瓜灣馬頭角、同埋啟德新發展區一帶對望，西起油街、東至英皇道同埋民新街交界。區內有港鐵站北角站、部份炮台山站同埋鰂魚涌站。炮台山則係北角一小山丘，該處一帶自古亦隸屬北角區內。電照街以東嘅北角東部，即係七姊妹同埋鰂魚涌西北部，早年曾經被稱為麗池[12]，但係而家只有老一輩居民先會用呢個稱呼。北角西邊盡頭係北角道，英皇道油街交界以東屬北角，包括天后廟道一部份地方，而天后廟道近銅鑼灣天后廟一帶則屬銅鑼灣同炮台山，而海裕街、渣華道同埋英皇道交界以東為鰂魚涌區。北角東面盡頭為香港殯儀館，而鰂魚涌嘅西面盡頭為鰂魚涌公園，東港中心同埋民新街。

不過港鐵將鰂魚涌站設喺鰂魚涌西部，同時間亦都喺七姊妹設有出口，部份香港人誤將七姊妹當成鰂魚涌嘅一部份，但係鰂魚涌喺歷代分區（包括日本人嘅分區）亦都係北角嘅一部份。

港鐵站

[編輯]

北角嘅港鐵站有3座，分別係北角站、炮台山站同埋鰂魚涌站，當中北角站座落喺北角東陲，北角東邊盡頭部份（七姊妹）例如北角政府合署、北角警署、北角海逸酒店同埋七姊妹道，就可以經由鰂魚涌站嘅C出口前往，北角官立小學則鄰近鰂魚涌站嘅A出口；而北角西邊盡頭區域有炮台山站。

經濟

[編輯]

地價

[編輯]

北角亦都係近年住宅地王嘅土地所在地，例如近年嘅北角邨地王[13][14]，單單樓面地價就要1萬元1呎，仲未計建築費同利潤，部份新樓嘅呎價喺3萬以上。

而香港嘅地價以鄰近商業區嘅地價最高，城規會將香港嘅商業區安排喺港島嘅上環、北角、同埋尖沙咀，而中環同埋銅鑼灣東角則大多數為商業區，其餘地皮就商業區同住宅區參半，但係北角同埋銅鑼灣東為商業住宅兩用（即係可以由發展商靈活決定用途）。而香港其餘各區嘅地皮皆只有極少量商業區，所以住宅平均呎價遠低於上環、北角同埋尖沙咀一帶。但係香港唔少富豪主要住喺山頂同埋深水灣一帶嘅低密度大單位。而呢啲地區只准起極低密度住宅同埋鄰近商業區。

經濟

[編輯]

北角處於東區，同銅鑼灣東同係東區最富有嘅地區，而東區有21個選區為公屋林立嘅筲箕灣同埋柴灣，太古到銅鑼灣東只有16個選區，而鰂魚涌同埋太古雖然同北角一樣亦都係好少公屋同居屋，但係家庭收入中位數仍然同北角有啲距離，喺太古以西地區嘅拉高中位數下，東區喺香港嘅家庭月入中位數仍然位處香港最高嘅行列，喺區議會分區創立到2006年，一直排全港頭三位，但係因為東區私樓居民大量遷居將軍澳，東區人口同埋收入不停減少，而西貢區人口同埋收入不停上升，喺2006年追平南區，更加喺2011年略為超過東區，東區喺2011年只係排第5[15]。

人口

[編輯]
繼園街亦都稱為繼園山，該處嘅唐樓群喺1950年代末至1960年代初起好，2021年開始清拆

北角嘅主要開發商則為東南亞福建巨富郭春秧，後尾就比較分散，但係最大嘅投資者為同為閩南民系嘅李嘉誠，李嘉誠喺事業早期就喺北角成立長江工業有限公司，發展塑膠花、玩具生產等。城市花園、和富中心、城市花園酒店、北角海逸酒店同埋港島海逸君綽酒店都係由李嘉誠起嘅，而油街地王（即係而家維港頌同埋歷山酒店位置）亦都係由李嘉誠投得。

1949年前，郭春秧過身，個仔郭雙鰲等成為遺產繼承人，對上海嘅夜生活極感興趣，於是首先邀請上海資本同埋上海嘅管理人員喺北角打理麗池夜總會，然後再巨資開辦月園遊樂場同埋夜總會，亦都由上海人打理。上海最富有嘅人士移咗去香港或者台灣。當時呢區開咗好多夜總會，希望喺香港發現娛樂事業，目的係吸引當時嘅東南亞富豪旅遊，香港人甚至大量新來港嘅廣府富有人士消費，同埋上海夜總會服務員，都聚集喺北角，喺1948年後，國民黨各軍閥嘅戰況轉差，當時嘅香港亦都好可能會好似上海租界咁樣俾中國政府收回，最富有嘅都移咗去台灣、新加坡、東南亞各國。之後喺1960年代，因為北角同埋銅鑼灣主題公園同埋夜總會過多，做成惡性競爭，過量難民湧入令香港人消費意慾大減，夜總會相繼倒閉，加上東南亞政局動盪，比較富有嘅福建華僑同埋早前移走嘅福建人又返到呢區同埋附近嘅鰂魚涌一帶，部份就去咗同為福建人聚居嘅上環一帶。

呢區嘅華人來源包括（福建、台灣、新加坡、印尼、馬來西亞、菲律賓、歐美、比較少量嘅潮州[7]）呢區亦都有好多用潮州話嘅廣東潮州人住，高永文、馬時亨亦都喺北角長大，其他福建民系嘅人大多喺上環一帶，而2010年前嘅福建社團總會亦都設喺上環，因為北角大多只係代表咗閩南同埋閩南嘅分支潮汕，北角最初只係多數華僑嘅聚居地，更多早期港嘅福建人大多喺中西區長大，陳克勤就係中西區長大嘅福建人。

收入

[編輯]

北角家庭嘅住戶收入方面普遍高過中上環，中上環同埋半山區只有北角60-70%嘅收入，例如北角半山（寶馬山選區）：96,740[16] 非半山嘅地區例如北角西面嘅炮台山[17]同埋城市花園[18]有50,000-52,000， 而中環半山（半山東選區）：70,000[19]，而中環[20]同埋上環[21]都只係32,000-36,000，此外，北角以東嘅家庭收入亦都比灣仔市區（唔包括銅鑼灣、大坑、跑馬地）同埋上環以西高出好多，以全區8個相連區議會分區計係香港最高嘅，其餘最高之一嘅跑馬地則有55,000[22]。鰂魚涌嘅收入則略為低過北角，比柴灣同埋筲箕灣高出好多。

北角嘅家庭住戶收入中位數為全港最高之一。根據最新嘅小規模統計區研究，2006年人口普查中嘅香港家庭月入中位數為17250，而北角最窮嘅地區都係20,000-30,000，富有嘅地區，例如寶馬山花園則有75,000。[23]北角（包括北半山）嘅富有區同埋舊區嘅家庭收入中位數皆同跑馬地（包括東半山）嘅新舊區相若，遠高過灣仔市區（唔包括銅鑼灣、大坑、跑馬地）嘅絕大多數地區只得10,000-20,000。呢區只有1座公屋，冇居屋，99%人口都係住私樓，幾乎冇相對貧困嘅公屋同埋居屋人口，遠高過全港平均51.5%私樓人口，同埋29.6%嘅公屋人口同埋17%居屋人口[24]，區內唔少有過千萬豪宅。銅鑼灣、大坑、跑馬地一帶自開埠以即以係閩籍人口為大多數。

分區

[編輯]

因為銅鑼灣站設喺銅鑼灣西部，因為灣仔同埋北角都比較少休閒設施，區議會將銅鑼灣嘅休閒設施分別劃俾東區同埋灣仔區，即係銅鑼灣東、南、北屬東區，銅鑼灣中屬灣仔區，城規會將以休閒設施為主同埋人口較少嘅銅鑼灣地區同埋人口密集又比較少休閒設施嘅北角歸入北角（同埋銅鑼灣東）規劃區，沿海同埋沿維園被劃成海景住宅區，中間則為商住兩用區域，大多數地區設一百米高限，成個規劃區包括維多利亞公園、鄰近灣仔嘅警官俱樂部同埋屬灣仔區嘅大坑東部，近十年部份新聞記者同埋地產經紀成日錯誤將維園[25]、皇仁書院同埋大坑例如勵德邨[26]、浣紗花園[27]同埋雍藝軒[28]一帶按銅鑼灣站或者北角（同埋銅鑼灣東）規劃區嘅區名將北角嘅地名擴至維園同埋大坑，但係官方嘅北角範圍則喺北角道以東。

北角同閩籍人口

[編輯]
内文：香港人口

早期閩籍人口嘅變遷

[編輯]

香港開埠嗰陣，北角得好少人口，而家嘅土地好多都係為咗賣地而填海得嚟嘅。香港島喺1881年嘅建成區只係喺維多利亞城，而經濟中心集中喺中環，九龍嘅人口同港島區差唔多，而新界就絕大多數係農村，呢個時候香港大多數都係流動人口，廣東人喺香港打工之後就返去廣州（例如省港大罷工）同埋江門（四邑），而福建人就經香港做同南洋嘅中轉站，因為香港以勞動人口為主，所以香港好多人口嚟自廣州同埋四邑，油尖旺區絕大多數係廣東人。香港島亦都有唔少係閩籍商家，集中喺中上環同埋灣仔（下環），不過呢啲地區亦都有唔少廣東人。銅鑼灣區（包括大坑）、跑馬地一帶亦都係香港早期嘅發展區，香港喺開埠初期就不停喺銅鑼灣填海，因為有天后廟，主要係閩籍人口聚居，亦都係南洋閩籍人口移居南洋前嘅其中一個主要聚居地，銅鑼灣係建成區嘅邊界，喺銅鑼灣盡頭有炮台山作為維多利亞城嘅防衛建設。隨著銅鑼灣區嘅發展，鄰近銅鑼灣區嘅北角區喺香港開埠早期亦都發展起嚟，1891年香港人口只有22萬，而1941年人口上升到160萬，香港各地區嘅人口都高速增長，而北角同埋鄰近北角嘅港島九龍地區嘅人口增長又以福建籍人口為主。東區嘅人口都係自北角（同埋鰂魚涌）一帶擴展起嚟，初期人口主要亦都係福建人同埋福建原居漁民，因為港島嘅建成區只到北角（同埋鰂魚涌），東區東部同埋南區喺逃港潮中亦都有唔少逃避共產黨嘅難民聚集，所以東區東部嘅福建籍人口唔佔壓倒性嘅比例，而北角喺香港早期已經係福建人密集嘅區份，喺民國人口急增同埋抗日戰爭時期，北角已經有非常多嘅人口，鄰近北角嘅九龍城區、觀塘區同埋東區東部亦都開始有唔少福建人聚居。

銅鑼灣東角、大坑、跑馬地業主直到而家大多數都係福建籍，至今銅鑼灣東角仍然係福建同鄉會最密集嘅地區[29]，比北角略為多，銅鑼灣東部亦都有創會過百年嘅福建體育會，有完整嘅福建籍人口社區，灣仔亦都有香港莆仙同鄉聯合會，香港永靖同鄉會等福建同鄉會，但係比北角同埋銅鑼灣少，佢哋好多亦都冇賣咗自己嘅物業，新樓起好之後子女一直喺區內置業，六十年代語文開始統一同埋港鐵通車之後先開始有部份廣府人遷入，但係仍然以遷入交通方便嘅天后一帶比較多，大坑、跑馬地因為位置比較深入，外區遷入嘅人口比有港鐵相連全港嘅炮台山、北角一帶更少，區內業主大多冇賣咗自己嘅物業，所以仍然以福建籍為主要多數，不過近好多俾人收購唐樓嘅人因為買唔起同區新樓，好多都遷入西貢區嘅新樓。銅鑼灣東角、天后、大坑、跑馬地一帶係民國移民、南洋華僑集中嘅區份，同炮台山一帶嘅閩籍人口亦都有交流，炮台山一帶嘅閩籍人口唔少係由大坑一帶喺港鐵通車之後因為交通更方便而遷入嘅，所以炮台山站一帶有唔少喺港鐵通車前後落成嘅樓宇。銅鑼灣、大坑、跑馬地喺戰前一直係香港閩南文化嘅中心，自發展成為港島消費中心之後先遷入炮台山一帶，福建社團聯會亦都喺炮台山站附近[30]。早期福建籍人口聚居中心喺銅鑼灣天后廟，附近亦都有南洋華僑起嘅著名建築虎豹別墅，虎豹別墅附近人口全部係福建籍人口，虎豹別墅開放俾公眾參觀，因為其他區份人口好少專程上山，所以喺虎豹別墅一帶聯誼嘅以附近閩籍人口為主要多數。

因為銅鑼灣東角、天后、大坑、跑馬地喺香港開埠以後即係福建人集中嘅區份，所以早期香港歷史上銅鑼灣一帶嘅閩籍移民史比北角更有代表性，北角就只係僅次於銅鑼灣成為第二具代表性嘅世界各地閩籍移民史地區。但係而家銅鑼灣東角成咗世界性嘅消費中心，工作人口、消費人口、商家嚟自全港，一般跑馬地、大坑、北角同埋鰂魚涌先至俾人視為香港閩籍人口嘅高度密集區，加上東區私樓區、以巴士、船相連銅鑼灣、北角嘅紅磡一帶以港鐵相連嘅將軍澳、觀塘亦都有其中一部份地區，亦都係閩籍人口集中區，根據2011年人口普查各區議會分區語文數據嘅推算，達44%嘅閩籍人口，推算總共七十萬人口，東區閩籍人口密集，語文數據顯示，閩南話人口喺潮州話十倍以上、四邑話二十倍以上，香港26%閩籍人口住喺東區，同埋灣仔區總和亦都有五十萬以上，達120萬，北角周邊嘅閩籍人口已達全港160萬嘅75%，其餘嘅語文數據各省籍同埋香港各區議會語文人口數據詳細列喺香港人口條目。

北角(同埋鰂魚涌)喺戰後移民潮之後成為閩籍人口喺大坑一帶嘅伸延，其餘人口都喺鄰近北角嘅九龍周邊地區聚居，而成為地理上居住嘅中心，而家北角仍然係大部份閩籍人口喺港居住地理上嘅中心，不過有部份嘅新移民會俾人遷入其他地區嘅公屋入面，但係語文數據顯示，呢啲人口只佔總人口嘅非常少嘅比例。

清末同埋民國

[編輯]

香港早期嘅打工團體同樣係以廣州同埋四邑為主，潮州人只係更少數，清末1881年香港人口由16萬上升到1916年嘅53萬，香港嘅人口同埋建成區擴展咗三倍，而北角同埋東區亦都得到咗高速嘅發展。到抗戰前香港人口一直上升到160萬，因為大陸嘅戰亂唔安，非常多嘅閩籍人口同埋南洋華僑將親屬同埋融資中心轉到香港，非常多嘅人口聚居喺灣仔區同埋東區一帶，而成為灣仔區同埋東區嘅最大族群，但係亦都有其他族群，而廣府人就大多沿油尖旺區一直開發深水埗區，深水埗區亦都係香港最早開發嘅區份之一，南洋富豪同埋富商例如胡文虎、顏福偉就聚居銅鑼灣、大坑、跑馬地一帶，富豪嘅巨大消費能力令銅鑼灣成為一個高級消費場所，銅鑼灣、大坑、跑馬地同時以閩籍人口為壓倒性主要多數，呢個時候北角主要為福建人、台灣同埋印尼華僑同埋郭春秧系嘅閩籍人口，亦都有唔少富有嘅人口，更多華僑喺銅鑼灣、大坑、跑馬地一帶，北角有一定數量嘅人口，隨著日本進攻福建沿海前後，北角人口暴增，喺共產黨奪權後，極大量閩籍人口同埋商家逃離福建同埋大陸各大城市，香港嘅閩籍人口達到高峰嘅總人口30-40%，聚居喺中西區上環、西環、堅尼地城、灣仔、跑馬地、銅鑼灣、北角（包括鰂魚涌）、觀塘區沿海、九龍城區紅磡、何文田、九龍塘一帶。而灣仔市區（唔包括銅鑼灣、跑馬地、大坑）就喺大量嘅廣府人南下而令閩粵互存，但係閩籍富豪聚居嘅銅鑼灣一帶仍然主要以閩籍人口為主，二戰後，上海人主要到達深水埗區，隨著大量廣府同埋四邑人嘅內地同鄉大量遷入深水埗區，唔少上海人遷出深水埗區，好多都由繁盛喧鬧嘅九龍遷入新界新市鎮，但係都以附近嘅荃灣區同埋葵青區為主，三區各有1200-1600名上海話人口，遠高過港島上海話人口嘅總和，亦都係上海人最多嘅五區嘅其中三個，深水埗至今仲有好多地道嘅廉價上海菜館，例如上海萬家村小館、寶哥上海味館、金銀島上海飽、君滬鍋貼大王、誠記小籠包拉麵、為食軒等。北角有少量嘅上海籍人口，但係潮州人仍然比上海人多，閩籍人口亦都喺潮州人5倍以上同埋上海人嘅8倍以上。

北角歷史上嘅區份劃分（包括日本人嘅區份、市政局選舉、而家嘅校網）亦都包括鰂魚涌嘅範圍。民國時期，北角嘅人口已經非常密集，而北角嘅人口又以晉江人為絕大多數，所以戰後抵港嘅人口好多都唔係住喺北角區，而係住喺北角周邊嘅地區，而因為北角喺民國時期已經係高度發展區，唔少晉江人嘅親屬亦都嚟到北角，令北角同埋鰂魚涌成為世界上人口最密集嘅地區，而唔少福建人亦都住喺筲箕灣同埋柴灣一帶，東區歷史上都係福建人密集嘅區份，原居民都以閩南漁民為主，彼此語言、文化相通，亦都有相同信仰，但係隨著逃港潮人口大量進入筲箕灣同埋柴灣一帶，港英政府大量起公屋俾漁民同埋當年嘅逃港者住，因為公屋人口係全港分配嘅結果，筲箕灣同埋柴灣一帶亦都有嚟自全港嘅人口。

南洋移民潮

[編輯]

香港嘅戰後移民係以廣東人同埋福建人為主嘅，戰後香港220萬人中，大約有80萬係福建人，而而家香港有160萬福建人，雖然有唔少戰後已經移居海外，但係亦有80萬係淨增長嘅人口，包括係新生人口，南洋華僑同埋戰後移民或者南洋華僑嘅親屬或者其後代，加上戰後抵港嘅福建人亦都有唔少同南洋有關，香港亦都係南洋同埋中國嘅中轉站，佢哋大量聚居喺港島區，港島區自今應該有數十萬閩僑，令閩籍喺香港島人口嘅比例更加加重，政黨估計灣仔區同埋中西區有30萬閩籍華人[31]，而根據語文數據，東區佔全閩籍人口嘅26%，即係大約40萬，亦都有相當數量亦都聚居喺南區。其餘嘅富商何文田同埋九龍塘一帶。閩籍嘅發展商，為咗確保有一定嘅客路，好多都喺閩籍人口密集嘅地區發展物業，嘉里建設例如中西區發展住宅同埋超過一百億購買何文田地皮，李嘉誠亦都自稱為半個福建人，佢早期發現咗閩籍人口因為喺南洋一帶有大量匯款，加上住屋需求而嚟嘅商機，喺維港兩岸嘅黃埔花園，城市花園、和富中心嘅人口都以閩籍人口為主要大多數。北角（包括鰂魚涌）曾經係世界上人口最密集嘅地區，鰂魚涌太古城一帶嘅私樓區亦都大多由北角遷入。

九龍區嘅紅磡、九龍塘同埋何文田一帶亦都係九龍區嘅小福建，人口亦都以閩籍為主，根據語文數據，九龍城區有15萬閩籍華人，佔全區嘅40%人口。而油尖旺區同埋深水埗區亦都只有15000人，佔全區3%以下人口。紅磡有船直到北角，有過海巴到銅鑼灣，交通亦都唔比東區其他地方差。

銅鑼灣、天后、大坑、跑馬地、渣甸山一帶至今仍然以閩籍人口為大多數，區內比較高價嘅單位亦都係閩籍富商其中一個聚居地。新界就除咗葵青區同埋荃灣區有亦都有唔少閩籍華人之外，其他新界地區好少閩籍華人，但係近嚟大量遷入西貢區。

九龍塘同埋何文田嘅舊區本嚟有唔少逃港者（廣東籍富商密集嘅地區喺同埋各路富商雲集嘅山頂、南區．亦都有好多喺廣東人為主要大多數嘅深水埗區同埋油尖旺區），負擔唔起港島豪宅嘅閩籍南洋富商一般會買九龍塘同埋何文田一帶嘅豪宅，令福建人聚居地深入九龍。

新移居嘅南洋華僑，除咗喺大坑、跑馬地一帶住之外，亦都好鍾意喺北角區住，北角半山亦都有閩僑中學，而原北角區嘅居民好多都住喺太古城一帶嘅物業而將唐樓租俾比較後嚟港嘅內地移民，不過當年北角相同類型嘅樓價亦都遠比太古城高。

北角有好多嘅戰後移民、南洋華僑、近新移民，好多族群聚集。銅鑼灣一帶嘅南洋華僑比北角多，但係銅鑼灣一帶仍然有唔少開埠到民國時期嘅移民同埋戰後移民。銅鑼灣自開埠以嚟即係閩籍人口聚集，比北角嘅小福建歷史更長。因為銅鑼灣東角開發成各商家族群嘅商業區，只識閩南話嘅南洋華僑唔少嚟港嗰陣會去北角嘅酒店，但係亦都有更多嘅南洋華僑嘅親屬喺銅鑼灣、大坑一帶。

親屬移民潮

[編輯]

香港嘅閩籍相當一部份係南洋華僑同埋戰前戰後移民申請落嚟嘅，港島區嘅跑馬地、大坑、北角同埋鰂魚涌舊樓區亦都有吸收親屬移民，但係更多嘅遷入九龍觀塘區同埋九龍城區一帶。加上鰂魚涌太古城等新建屋苑嘅興建，部份北角唐樓區嘅閩籍或者閩籍嘅後代唔少都遷入太古城一帶，所以而家北角人口亦都有部份係比較後嘅移民。上海逃港者亦都同福建相約或者更多，除咗進入深水埗區、油尖旺區之外，亦有少部份進入北角區，多數喺春秧街同埋北角站一帶，比較富有嘅逃港者，例如著名作家倪匡至今仍然住北角站一帶[32]。東區嘅柴灣同埋筲箕灣亦都係逃港者密集嘅區份，所以除咗私樓區以外，區內亦都有唔少廣東籍人口。新光戲院一帶亦都有嚟自廣州等地嘅逃港者，令北角區喺70、80年代同全港各唔少建成區（例如當年惠英紅住喺灣仔）一樣都有親屬逃港者，不過呢啲逃港者都有工作，而唔係住喺木屋區。木屋區絕大多數喺太古城以外。南洋華僑同埋戰後移民大多聚居喺北角區價格比較高嘅住宅中，而舊樓同埋唐樓嘅居住者有部份係仲未上公屋嘅新移民。北角區有唔少過千萬嘅住宅，亦都有部份整潔度比較低嘅內地旅客。閩籍同埋南洋富商大多喺南區、山頂，其次就喺由胡文虎等南洋華僑首先開始住嘅大坑同埋渣甸山一帶同埋郭春秧等人住嘅北角，北角區內有唔少豪宅，閩籍富豪嚟港好多去中環、銅鑼灣同埋北角嘅酒店，去北角嘅又以唔太識廣州話同埋有親屬喺區內嘅商家或者搵同鄉組織協助為主。因為閩籍富商多聚居喺銅鑼灣同埋北角而唔係鰂魚涌，炮台山站一帶有好多福建組織，例如福建社團聯會。但係北角區總體嚟講大多係私樓區，區內貧窮嘅人口唔少係東區嘅公屋區閩籍人口嚟北角販賣物品。近三十年嘅親屬移民潮人口仍然遠高過偷渡潮抵港嘅閩籍人口。

隨著70年代末期，太古城同埋炮台山站一帶新樓嘅興建，好多閩籍人口由已經老化嘅樓宇遷入當年嘅新樓，而將唐樓賣俾同鄉，所以北角嘅唐樓一帶亦都有部份80年代嚟港以至近抵港嘅人口，但係北角所有區議會分區收入都高過30000，而灣仔市區5個就有3個只係略為高過20000，灣仔市區唐樓人口有更多收入比北角唐樓更低嘅人士，亦都同數十年前灣仔唐樓人口唔同。

北角嘅上海人只係集中喺北角站同埋春秧街一帶，即係堡壘選區同埋錦屏選區（包括著名作家倪匡），而北角半山自開埠以嚟即係南洋華僑密集嘅區份，山上有閩僑中學同埋培僑中學，但係有部份上海夜總會員工得到財富之後，亦有少部份移居半山，而炮台山站嘅炮台山選區同埋城市花園選區，係銅鑼灣一帶閩籍人口嘅伸延，自開埠至今都以福建人為主，近30年亦有部份廣府人換樓客遷入，自開埠以嚟皆同上海人無關。

70年代語文統一後

[編輯]

語文統一之後，亦有廣府人（大多嚟自灣仔市區）移入閩籍富商聚居地大坑、跑馬地半山、銅鑼灣半山、北角半山、天后、炮台山一帶，不過呢啲地方人口仍然以福建籍為主，跑馬地、大坑、銅鑼灣、北角同埋鰂魚涌仍然有唔少50歲以上以閩南話為母語或者閩粵互用嘅人士，中華基督教會香港閩南堂總堂亦都設喺跑馬地，分堂就喺香港仔同埋北角，增加對老一輩嘅福建籍人口嘅親切感。儘管佢哋嘅下一代近嚟遷出北角，但係北角區人口一直以福建籍為主要多數。

東區私樓人口大多亦都係閩籍人士，但係50歲以下人士絕大多數都以廣州話為母語，福建話（閩南話）人口一直下降，隨著老一輩閩南人嘅死去，近十年內福建話（閩南話）又減咗一半，但係自戰後一直係第二位。區內除咗中老年人，同埋新界嘅客家人集中嘅地區北區、大埔區、屯門區，西環潮州人、九龍東混合移民地區後代一樣，因為青年人口比中老年嘅多，加上好大多數都轉用粵語傾偈，香港所有地區都係廣州話嘅社區。

新光戲院係推廣粵語文化嘅中心，新光戲院周邊喺七十年代之後亦都吸引唔少廣府人聚居，近十年已經年老嘅廣府人下一代開始遷出新光戲院一帶，令新光戲院曾經掀起倒閉潮，引嚟唔少福建籍嘅新移民聚居喺新光戲院一帶，惟新光戲院最終喺2025年正式結業。所以七十年代起北角站一帶係廣府人、上海人、福建人嘅混居地，但係北角站嘅廣府人比潮州人同埋上海人都少。

雖然北角俾人稱為小福建，但係北角站一帶實際上係幾個族群嘅混居地，反而北角西部同埋銅鑼灣、鰂魚涌一帶係福建人嘅密集區，好多老一輩嘅福建人，例如東區區議會主席，鰂魚涌居民協會會長黃建彬，因為長期生活喺福建人為主嘅區份，日常生活更加多咁使用閩南話，至今嘅廣州話仍然帶有幾重嘅福建口音[33]。

北角一帶嘅人口主要係嚟自南洋、福建、台灣嘅閩籍人口互相通婚，但係廣府人、上海人、潮州人同埋福建人通婚嘅亦都唔少。北角同埋鰂魚涌區內嘅食店主要由潮州人經營，包括福建社團聯會成日聚會嘅百樂潮州酒家。鰂魚涌區（包括太古城一帶），雖然建區歷史唔夠達百年嘅北角，但係因為冇新光戲院等設施同埋春秧街一帶嘅上海籍人口，閩籍人口比北角更密集。

地鐵通車後

[編輯]

因為北角有地鐵通車，跑馬地、大坑一帶嘅閩籍人口亦有遷入交通更方便嘅北角，加上銅鑼灣商業區嘅開發，令光污染、聲音污染嚴重，同埋唐樓俾大量收購而改建成商場，唔少人亦都搬入炮台山同埋天后鄰近維園一帶嘅地區。

早期發展

[編輯]
1915年香港島北岸地圖，已經有北角（North Point）地名
電車準備駛入北角春秧街街市（市場）
北角道行人天橋掛上慶祝閩南神明保生大帝誕辰橫額

香港開埠前嘅北角區歷史可以話係一片混沌，清代嘉慶二十四年（ 西元一八一九年 ）刊行嘅〈 新安縣志 ＞冇北角區嘅任何記載.

1880年，英軍喺北角設立炮台，開始咗北角有文字記載嘅歷史。呢個炮台亦都係炮台山區地名，同埋炮台山道街名嘅由來。當時北角並冇民居，但係由於水深岸高，所以吸引咗輪船公司同埋倉庫碼頭嘅興建，而皇家香港遊艇會初期嘅總部亦都喺1900年代喺北角成立。

80年代改革開放後

[編輯]

80年代改革開放之後，好多內地富商移居香港，有部份富商亦都好鍾意喺跑馬地、大坑、北角同埋鰂魚涌一帶置業，包括藝人林峰，住喺北角半山，估計財產有20億，令跑馬地、大坑、北角等區嘅樓價進一步提高[34]，好多內地閩籍富商都喺閩籍人口同樣密集嘅禮頓山一帶住，唔一定喺北角區住，令禮頓山實用呎價高達3萬以上，為全港最高之一。

七、八十年代新樓建成潮

[編輯]

七、八十年代有天后區、炮台山區一帶有好多新樓落成，唔少銅鑼灣區、跑馬地區、大坑區比較富有嘅唐樓住客同埋子女遷入，銅鑼灣、跑馬地、大坑一帶係以閩籍人口為大多數，而換樓客亦有嚟自區份已經非常老化嘅灣仔廣東同埋福建籍人口，但係北角人口仍然以福建籍為主要多數。北角區喺七、八十年代因為舊樓老化，有好多換樓需求，有好多新樓落成，直到而家北角亦都比北角以東嘅呎價高出好多。

90年代以後

[編輯]

因為北角區嘅地理位置喺東區嚟講係最優異嘅，鄰近商業中心炮台山、天后、銅鑼灣、維多利亞公園、中央圖書館，又有名校例如皇仁書院、張祝珊英文中學，90年代開始越嚟越多其他區份人口（特別係九龍、新界）遷入北角區，唔一定係福建籍嘅，形成一個多元社區，但係銅鑼灣區、跑馬地、大坑直到太古城一帶嘅人口仍然以福建籍為主要多數。

而家嘅社區

[編輯]

雖然北角絕大多數係私樓區，但係北角站一帶同埋東區唔少地區嘅亦都有唔少比較貧窮嘅內地旅客同埋新移民，但係只係佔北角區部份嘅人口，而北角站以外其他地方就冇受到影響，但係北角區嘅富人好多都聚居喺私隱度嘅北角半山或者沿海酒店林立同埋新樓一帶，北角區只有15萬人口，而香港有160萬閩籍人口，只有部份閩籍人口同埋北角有關。加上劉偉章同埋蔡素玉議員熱衷幫助閩籍嘅新移民，亦有新移民住喺北角站一帶，特別喺蔡素玉嘅選區，北角站旁邊亦有豪宅JAVA ROAD 98，唔一定係新移民。但係北角比絕大多數閩籍人口聚居地，例如九龍、東區其他地方呎價高出好多。

北角亦都係香港島嘅上海人密集區，因為早期因郭春秧後人移民香港嘅關係，大多亦都喺春秧街一帶，春秧街亦都有唔少上海小販，春秧街一帶有完整嘅上海社區，雖然東區嘅閩南話籍人口有上海籍人口嘅10倍，但係好多港島嘅上海人口亦都住喺春秧街一帶，根據香港人口普查，香港嘅上海/吳越人口只有閩南話籍嘅1/4人口，東區亦都係第二多上海人嘅社區，東區之中亦都有唔少喺北角區，有部份亦都喺鰂魚涌區，但係更多都喺北角區春秧街一帶，包括逃港潮抵港嘅倪匡[32]，但係深水埗區、葵青區、荃灣區一帶為上海人嘅密集區係第三、四、五多上海人嘅地區，總和為東區嘅1.5倍。東區有2282上海話人口，佔總18496人上海話人口嘅12.3%，估算達4萬人，當中日喺北角嘅人口又集中喺春秧街一帶，附近有唔少唐樓人口以上海人為主，但係上海人喺港嘅總數只有好少。

東區有20497閩南話人口估算達30萬人，佔全港閩籍華人人口嘅26%，其餘福建籍人亦都達10萬人，總共有40萬人，佔全區人口66%，喺北角同埋鰂魚涌嘅比率更高好多，東區一直到鰂魚涌嘅人口又大多以閩籍為主，東區柴灣同埋筲箕灣嘅私樓區華人亦都以閩籍為主，北角、鰂魚涌嘅人口都開始老化，閩籍人口嘅第三代多數喺柴灣同埋筲箕灣嘅私樓區成長，北角嘅福建中學亦都遷入小西灣。

隨著區份老化，大坑、跑馬地、北角同埋鰂魚涌嘅唐樓陸續俾人收購，加上換樓者唔想搬入舊樓，佢哋大量購買以港鐵站相連鰂魚涌同埋北角嘅西貢區將軍澳新樓，令西貢區有6819名閩南話人口，按推算亦都達10萬人，大多由大坑、北角、鰂魚涌一帶遷入，比本來聚居西貢區嘅客家人（3885）人口仲多咗一倍，佢哋亦都係西貢區新樓嘅主要買家，北角、鰂魚涌一帶嘅小福建社區已經好多遷入西貢區，將軍澳新樓係近十年福建籍新移民置業嘅地區，成日有內地福建人喺將軍澳買樓嘅新聞[35]。但係北角區仍然有唔少非常富有嘅華僑，同埋比較富有嘅中產，內地新移民形成一個多元化嘅社群。

人口流動

[編輯]

香港有160萬閩籍人口，原維多利亞城係各省籍商家聚集，而閩籍人口最先聚居喺銅鑼灣、大坑、跑馬地一帶，再擴張到北角，再以北角為中心擴張到紅磡、觀塘區，又以北角為中心擴張到以港鐵直達北角嘅西貢區同埋觀塘區等地，成為該區人口嘅其中一部份，而家非常集中喺銅鑼灣、跑馬地到鰂魚涌同埋紅磡到何文田、九龍塘一帶，亦都係呢啲區份人口嘅大多數係閩籍。呢個同廣府人先聚居喺尖沙咀，再擴張到深水埗，而家深水埗鄰近幾區（包括擴展市區）皆以廣府人為主，而近大陸嘅地區例如北區、大埔區、屯門區就仍然以客家人為主，因為逃港潮抵港嘅人口遠高過原居民，所以新界嘅人口亦都以逃港潮抵港人口同埋市區換樓客為主，新界人口亦都佔全港人口近半。

因為北角區有好多商業機構同埋政府設施，亦都吸引咗一定外區人士遷入，但係而家人口仍然以福建籍為主。

區內歷史同發展

[編輯]
北角春秧街街市
北角道行人天橋掛上慶祝閩南神明保生大帝誕辰橫額
渣華道
[編輯]

「渣華」一詞本來係爪哇島嘅別稱。1933年，電氣道以東嘅新馬路起好，就用呢條街道上專營同荷蘭殖民地爪哇客運同貿易嘅渣華輪船公司嚟定名，所以有「渣華道」。渣華輪船公司亦都喺北角設立辦事處，接待唔少荷蘭殖民地印尼爪哇等地嘅華僑往返同埋貿易。爪哇道嘅名係嚟自郭春秧所起嘅「爪哇運糖碼頭」。

發電廠
[編輯]

1919年香港電燈公司閂咗灣仔發電廠，喺北角（而家城市花園西側一帶）起全新嘅北角發電廠，嚟應付需求大增嘅電力供應系統。

春秧街
[編輯]

1921年，當地開始起糖廠，不過因為省港大罷工影響，東南亞福建籍富商郭春秧將新填海得到嘅春秧街一帶土地改為發展住宅區，喺呢件事之前，北角已經有好多福建閩南商人聚居。新填海地沿海春秧街住宅區變成當年唔少福建人貿易嚟港嘅聚居地。而家仲係有好多福建閩南人住，春秧街市集仲可以買到福建食品。

糖水道
[編輯]

同春秧街一樣同糖王郭春秧嘅糖廠有好密切嘅關係。喺1920年代，富商郭春秧曾經計劃喺北角一帶起糖廠，但係後嚟計劃告吹，原有用地就改做住宅區。該地區即係而家春秧街同埋糖水道一帶。

英皇道
[編輯]

1935年，英皇道通車，帶旺該區嘅發展，令北角成為新興工業區。

閩南語片製作地
[編輯]

香港銅鑼灣、北角、跑馬地一帶亦都曾經係全世界閩南語（香港嘅閩南話亦都成日俾人叫做廈語）電影嘅主要生產基地。喺上世紀四十年代末至六十年代中，香港拍咗超過兩百部嘅廈語電影，主要發行去南洋嘅菲律賓、馬來亞、新加坡、印尼、泰國、越南、緬甸等地同埋台灣,喺中國大陸就只係喺閩南地區同埋上海、香港嘅閩南社區中播影。以一九五八年為例，當年首映嘅廈語片中，港產廈語片竟然多達七十部，而當年嘅港產國語片只有五十七部。[36][37][38][38][39]六七暴動後香港化運動後，香港各個方言都俾人大力禁止，包括新界嘅客家話、圍頭話，港九嘅潮州話、閩南話、閩東話、四邑話、順德話、東莞話等，所有廈語片都停止製作，香港有好多出名嘅廈語電影員，例如莊雪芳、凌波[40]、鷺紅同埋鷺芬等。

日戰人口變化

[編輯]

香港人口自1931年嘅849,800上升到1941年嘅1,600,000，當中又自日軍進攻福建沿海前後，大量福建人南下香港，因為原維多利亞城同埋銅鑼灣、大坑一帶已經有咗一定嘅人口組成，而且已經有一定嘅開發，幾十萬福建人南下令東區、紅磡、觀塘等地人口不停增長，增長又比其他建成區多好多，而廣東人亦都大量南下香港，油尖旺區係早期廣東人嘅聚居地，佢哋大多聚居喺深水埗區、黃大仙區以至新界鄰近九龍嘅地區、九龍城、鄰近黃大仙區嘅觀塘區等地。

日戰嗰陣，北角嘅人口急速增長，當中唔少係南洋華僑嘅親屬，因為南洋華僑大量援助抗日，北角成為日軍攻佔香港嘅主戰場，大量閩籍人口嘅房屋、財產遭到大量破壞，隨著日本歸鄉政策同埋閩籍人口自願歸鄉同埋部份外逃歐美，北角嘅人口又再大減，但係戰後佢哋又返到北角，共產黨奪權後更加多福建人南逃香港，當中唔少嚟到東區，東區人口又再劇增，自開埠到而家都係閩籍人口為主嘅地區，加上逃港潮抵達柴灣一帶嘅人口，東區嘅人口已經有全港島嘅一半。

二戰後發展

[編輯]

五十年代

[編輯]
月園遊樂場同埋引入上海夜生活[41]
[編輯]
月園遊樂場同埋夜總會
[編輯]

當時全球華人最富有之一嘅北角大地主福建富商郭春秧啱啱過身，遺產由幾位仔繼承，郭雙鰲等一改郭春秧保守嘅風格，因為家族富甲天下，而且上海當時嘅色情行業世界聞名，郭雙鰲等認為有利可圖，就利用爸爸嘅遺產引入唔少上海娛樂事業嘅舞小姐同埋有經驗嘅管理人員，又再引入一批為呢啲夜總會員工服務嘅上海市民，令呢區有唔少上海人，但係人口亦都遠不及福建人，而地主仍然係福建人，戰後香港嘅上海人好多都到咗九龍住，而根據語文數據，至今深水埗區一帶仍然係香港上海人嘅密集區，東區亦都有全港10%嘅上海人口。因為郭春秧富甲天下，喺中國各大城市，台灣，日本，東南亞亦都有大量嘅事業，資金極多，好快就起好當時遠東空前偉大之遊戲園夜總會，佔地187,000方呎，使咗港幣600幾萬港元起，單係磚石同埋混凝土已經使咗80萬港元，建築期6個月，最初三個月每日1,000名建築工人；最後三個月每日2,000名建築工人。營運嗰陣需要350至400位職員。喺1949年12月22日（星期四）嘅下晝3時，而且請到中國政治大人物前中華民國總理：許世英先生主持開幕典禮。[42]

麗池夜總會
[編輯]

郭春秧後人喺開辦夜總會之前首先請嚟有經驗嘅商人試探市場，麗池花園夜總會原定喺1947年9月5日開幕，創辦人係籍貫浙江慈谿李裁法，佢係上海白相人出身（白相人即係油頭粉面、西裝革履、呃飲呃食嘅紳士流氓），資金就嚟自廣州富有人家嘅老婆。創辦當時月園之前全港最豪華嘅夜總會，需要大量資本，李裁法本身唔係大財主，但係佢得到廣州市長陳策嘅照顧，喺廣州市政府擔任閒職。之後因為搭上咗一個富商嘅寵妾，得罪咗嗰個富商，被迫離開廣州。嗰個女人叫李裁法先去香港，冇幾耐佢擺脫咗富商，攞咗一大筆錢嚟同佢相聚。李裁法利用佢嘅錢，用300萬開辦香港最豪華嘅麗池花園夜總會，用30萬開辦別墅式嘅青山酒店 ，係月園遊樂場之前香港最大嘅夜總會。 [43]喺1959年7月2日，佢突然俾香港政府列為「不受歡迎人物」，限令喺四十八小時內自由出境，否則就會俾人拘捕。佢選擇逃到台灣，佢因為咁曾經兩次入獄。當時嘅香港人亦都唔知原因，只係知佢曾經從事唔受英國政府歡迎或者唔合法嘅交易[44]麗池夜總會原址喺而家北角官立小學對面。

麗池喺1945年香港重光嗰陣俾英國皇家空軍徵用，成為「麗池空軍俱樂部」，香港中華泳團同埋英國空軍為咗籌款賑濟難民同埋救助傷殘嘅軍人，喺1946年6月聯合舉辦「香港小姐競選」慈善籌款活動，喺麗池上演香港史上第一屆香港小姐競選，當屆嘅冠軍係李蘭。[45]

夜總會破產、舞小姐遷出
[編輯]

郭雙麒同埋佢嘅寡嫂陳卿雲喺1952年初，向高等法院要求收束禎祥公司，郭家大哥郭雙鰲反對收束公司，雙方冇辦法庭外和解，於是破產聆訊喺1952年11月喺高院破產庭展開。話說1952年高院接到郭雙麒同埋陳卿雲收束禎祥嘅申請之後，即刻下令徹查月園帳目，發覺月園3年嚟虧損累累，欠債300幾萬元，於是喺7月派執達吏封園，由於園內員工有350-400人之眾，所以協助封園嘅警方好似大敵當前咁。同年11月郭雙麒一方嘅律師喺庭上透露，原來禎祥公司已經將月園以250萬元賣咗俾富商李世華，改名『大世界遊樂場』，重新開門營業。後尾因為業務持續收縮，1954年7月執笠。先行改建成10幾間北角道同埋30幾間渣華街嘅住宅樓房出售；同年10月政府宣佈，將該處新開闢嘅一條碼路叫做月園街，並起成樓高五層大廈，成為一個住宅區。

熙和街

同時俾人封嘅天宮夜總會，喺停業兩個半月之後，喺1952年10月17日重開，原來有一間資本雄厚嘅智安公司租用該夜總會，並同前總經理孫履平合作經營，又請得返原來嘅茜沙大樂隊繼續演出 。但係冇幾耐後天宮夜總會最後都係以執笠告終。到1955年，夜總會舊址已經改建為13棟5層高嘅住宅樓宇，叫做天宮台。發展出一條橫街熙和街（Hei Woo Street）。政府喺1998年取消回收呢條私家街，因為樓宇露台外伸問題，避免引致市民向政府索償同埋影響政府維修道路嘅問題。所以今日呢條街仍然係一條私家街。

當時郭雙鰲等為咗建設世界級而係遠東第一遊樂場同埋夜總會，服務成本極高，門票收入好難支付開支，最後連埋隔離嘅夜總會一齊執笠，北角色情行業直到1970年完全終結，而原來嘅色情場所工作人員就遷去油尖旺區，有部份亦都遷入色情場所林立嘅灣仔駱克道一帶，直到1990年代，灣仔發展商業區，色情行業式微，灣仔港島小上海時代亦都告終結，香港嘅主要色情娛樂場所都喺油尖旺區，根據語文數據，油尖旺區仍然有大量嘅上海人，油尖旺區主要嘅人口係廣東人，唔係因為上海人遷出，油尖旺區先至係以廣東人為主，東區人口一直以福建人為主，油尖旺區人口一直以廣東人為主，而東區北角同埋鰂魚涌一直係福建人近百年遷居香港同埋南洋嘅非常重要一站，色情行業從業員只佔總人口嘅一少部份。北角嘅人口由1920年代大量發展起嚟嘅時候即係以福建人為壓倒性大多數，第二族群潮州人嘅數量一直都喺上海人之上，有好多潮州籍名人例如馬時亨亦都喺北角長大，夜總會工作人員嘅遷出只係佔北角整體人口嘅一少部份，根據語文數據，而家東區嘅閩籍人口一直係第二族群潮州人嘅十倍，亦都係上海人十倍以上。根據語文數據，東區仍然係港島上海人嘅主要聚居地，佔近半嘅港島上海人口，大約全港10%嘅上海人口，而且東區嘅上海人口略少過潮州人，東區嘅上海籍人口亦有閩南籍嘅10%。

上海（江浙）移民生活
[編輯]

因為夜總會引嚟大量嘅上海人口，上海人喺呢區開設各式各樣嘅上海商店，例如理髮店等。因為香港上海開埠時間差唔多，而上海喺開埠嗰陣人口唔多，上海人當中，特別係富有人士，其實有唔同籍貫嘅人，除咗浙江人、江蘇人之外最多就係福建人，亦都有廣東人。而勞工，因為工資同全國睇齊，就主要由鄰近江浙兩省輸入，同英國喺香港請嘅勞工主要由廣東省輸入一樣。當時由上海嚟北角有一大班福建人。

初初嚟香港最初住喺板間房嘅上海人唔少後尾亦都成為咗傳媒界嘅知名人士，例如曹仁超，佢亦都有唔少文章講述當年嘅貧苦生活，[46]，亦都因為北角50年代有大量嘅板間房，香港第一間設備完善嘅公屋北角邨喺1957-1958年陸續落成，亦都設喺北角東部，獨立廚房同埋廁所，更加有露台同埋梗房間隔，並設有升降機；同1953年落成嘅九龍徙置區相比，北角邨係「公屋中嘅豪宅」。[47]

六十年代起

[編輯]
東南亞華僑
[編輯]

而呢件事之後，東南亞政局動盪，香港政局平穩，唔少福建人回流香港，亦都有大量由中國內地先移民東南亞嘅福建商人移居香港，而隨著1950年代公屋嘅興建，喺板間房嘅上海人上樓或者搬返去上海人最密集嘅上海街一帶，同埋有部份左派嘅上海人發動六七暴動之後，令區內嘅福建華僑損失嚴重，而唔肯再將物業租俾上海嘅福建外嘅各省籍人，而能力比較低嘅東南亞福建人就聚居喺北角旁邊嘅鰂魚涌一帶（中心係而家太古站，西灣河站同埋鰂魚涌站係邊界），係北角閩南人嘅社區嘅伸展。呢段時間係香港人口大增嘅時期，廣府人原來喺1945年香港總人口50萬人中佔大約十萬，同閩南人口差唔多，後嚟大量難民潮同埋偷渡潮令廣府人口逼滿九龍，1970年400萬人口中嘅廣府人口超過200萬，政府推廣粵語，北角地區嘅文化受到嚴重影響，從呢個時候出生以後嘅閩南人多數改用粵語，而呢區變成廣府文化為主導，只有少少老一輩仲保留閩南文化。

酒店
[編輯]

因為世界上富有華人大多數係福建人（參閩南民系），而當中又以閩南泉州人佔多數，當中嚟旅遊或者探親嗰陣唔少會選擇住喺北角區，而且喺地理位置更近主要旅遊區嘅灣仔同埋銅鑼灣東部仲好少以至冇酒店嘅時候，北角喺幾十年前已經酒店林立，，30年來比較出名嘅有而家四星級嘅城市花園酒店，近嚟就係五星級嘅海逸君綽酒店，北角主要嘅優勢係有大量嘅閩南籍社區同埋海外親屬，隨著大陸改革開放，嚟港觀光嘅人有更多嘅各省籍人，灣仔同埋銅鑼灣東部住宅區喺近十幾年亦都大量起酒店。

變返住宅／商業混用區
[編輯]

北角區內而家仍然有唔少上海人，但係更大量嘅上海平民喺50同埋60年代由板間房搬上設施更齊備嘅公屋。北角嘅上海人已經遠遠不及福建人喇。喺香港嘅上海人其實有更大量嘅中產同埋基層，留低喺北角嘅上海人以比較富有人士為主，比較窮就移居九龍。而因為福建人生活保守、慳家，集中金錢喺置業同埋子女教育嘅問題上（香港學位有限，唔少人到加拿大、澳洲等地留學），極少消費喺上海人嘅色情娛樂場所，喺北角夜總會嘅人主要嚟自外區。而當時上海人為香港帶嚟受頗受部份香港人歡迎嘅色情行業，橫越成個灣仔嘅駱克道[48]同埋喺九龍多個地區更加有大量上海人開設嘅色情店舖。由於經營色情行業嘅上海人西移灣仔，令中環到銅鑼灣嘅客人更快到達，北角喺60年代開始嘅色情區成份越嚟越少，變做一個住宅區，而灣仔駱克道同埋九龍就變做不夜城。

商業活動
[編輯]

而家北角街上以地產，家居生活為主，老一輩閩南女性唔少好慳家，唔講求包裝只在乎最後以最低價格得到同樣貨品，所以有啲街道就用便宜貨品做招徠，店舖裝修極簡單什至冇裝修，令貨物能夠平咁賣出去，但係閩南男性就比較豪爽，呢區亦都有唔少昂貴店舖。雖然呢區租金高企，春秧街、馬寶道都係便宜市場，尤其係相對隔籬嘅銅鑼灣，物價平好多。區內好多閩南人都經營小本生意，區內唔少貨品都比大型商場平啲少少，小本經營反而令大型商場競爭唔到，係港島重要商業區中少見，北角同埋銅鑼灣東有一半地方可以作發展商決定嘅商業／住宅混合用途，區內大型商場最主要係港運城商場等，區內可以起商業建築嘅地唔少係寫字樓，住宅同埋酒店。而喺鰂魚涌，商業區只有2-3%地方。

地區老化同埋遷移
[編輯]

北角出現區內人口老化情況，近30年內福建籍喺港出世成長嘅年輕一輩都唔少搬入鰂魚涌嘅太古一帶住，亦都以廣州話為日常用語，好多都唔識講，什至聽唔明閩南話，生活文化又同年老一輩有啲唔同。香港亦都有唔少福建人本來負擔唔起北角嘅租金，後尾有咗錢，由新界或者九龍搬入，例如蒙嘉慧等。唔少八十年代由大陸抵港嘅福建人亦都住喺北角寶馬山半山，例如明星林峰，寶馬山半山一帶好多都係福建籍嘅貿易商人。

商業同埋炒樓
[編輯]

北角區好多住宅，而閩南人大多鍾意自己經營自己嘅生意，所以呢區好多小商店，除此之外，唔少比較富有商業頭腦嘅人鍾意喺呢區炒樓，唔少人衣服簡樸但係過億身家[49] 。北角區亦都係最多華僑喺港置業嘅地區，嘉華國際主席呂志和喺投北角邨地皮嗰陣亦都指出香港以往樓市都依靠華僑嚟港買樓，包括內地投資者，其購買對本港樓市支持大，屬於主流。[50]

重要政府部門
[編輯]

城規會將北角近半以上嘅土地設為可以由發展商決定用途嘅住宅／商業混用區，除此之外仲有單獨強制嘅商業區，住宅區同埋政府部門區（多數喺北角地價比較低嘅東部海旁），包括政府合署、海關同埋廉政公署等重要政府部門。香港亦都有唔少祖籍福建嘅中產後代加入政府，例如廉政公署最高負責人廉政專員白韞六亦都係祖籍福建嘅香港人，但係商人後代好少會加入政府。

近來發展

[編輯]
語言同埋文化
[編輯]

北角喺70年代之前更加成日以閩南話中嘅泉州晉江話[51]作通用語，同閩南人嘅漳州話同埋潮州話已經有啲唔同，但係好似廣東嘅廣州人成日將廣州人叫做廣東人，同埋將廣州話叫做廣東話一樣，泉州人將泉州話叫做福建話同埋叫自己為福建人。但係福建其他非閩南地區嘅人多數唔太能夠同泉州話溝通。中共建政後遷入嘅上海人亦都為北角帶嚟上海嘅語言同埋文化。但係喺偷渡潮大量廣府人遷入九龍同埋六七暴動之後，香港政府喺全港推廣粵語廣州話作為通用語，令到1970年後出世嘅北角泉州人，同埋福建人（包括大量嘅台灣人、新加坡人、東南亞華僑）同埋潮州人後代大多數改用粵語廣州話溝通，北角喺1970年嘅閩南語使用人口越嚟越少，所以而家北角只有少部份老一輩人以泉州話溝通，有部份老一輩人同埋李嘉誠一樣講粵語廣州話嗰陣帶閩南腔，而50歲以下嘅人更加多使用粵語廣州話溝通。有部份後生只識閩語而唔識粵語廣州話嘅人，多數係福建新娘同埋新郎。

1970年代，推廣粵語風氣極盛，因為北角係香港閩南文化最盛行嘅地方，國共內戰由大陸廣州一帶大量遷入嘅廣府人得到港英政府資助推廣粵語而買入離海比較遠嘅舊樓群，建立新光戲院，推廣廣府粵劇文化，唔少偷渡潮大量湧入九龍東一帶嘅廣府人亦都成日過海睇戲娛樂，新光戲院一帶亦都住咗一定數量嘅廣府人。新光戲院設喺北角本來亦都係為咗更快咁推廣粵語到閩南人嘅老一輩，但係閩南嘅老一輩更加重視勤力返工工作而唔係文化發展，而且新光戲院係以大陸嘅廣州話演出，老一輩閩南華僑興趣唔大，新光戲院反而引嚟香港各地廣府人嚟睇粵劇。

日本人聚居地
[編輯]

因為60-80年代，銅鑼灣、北角同埋鰂魚涌一帶唔少係二戰後遷居香港嘅福建籍資本家，香港其他地區唔少本來係難民，消費力喺80-90年代先至開始急速增長，新一代亦都非常鍾意日本文化，吸引咗大量日本百貨嘅創業，喺銅鑼灣、北角同埋鰂魚涌一帶亦都係日本人喺港嘅主要聚居地，銅鑼灣、太古城有好多日資百貨，北角就有日本人學校。東區日本話人口有2778人，佔喺港總日語人口25%。

北角規劃區
[編輯]

因為銅鑼灣西面商業區要高度發展，為咗避免過度發展會影響到東面住宅區嘅發展，告士打道以西銅鑼灣東部包括維園，同埋屬灣仔區嘅大坑東部浣紗街直到李陞大坑小學同埋屬東區嘅大坑上林，都屬H8北角（同埋銅鑼灣東）規劃區，不過喺政府其他行政上，銅鑼灣東同埋北角（炮台山站直到鰂魚涌站C出口）各自設有自己嘅社區中心、街市、街坊福利會，同埋屬灣仔區嘅維園選區部份，除咗大坑西部之外冇任何住宅區，而北角（同埋銅鑼灣東）規劃區就係90%全部住宅或者住宅/商業區，而銅鑼灣規劃區亦都唔包括波斯富街以西例如時代廣場部份（禮頓道以南同埋加路連山屬跑馬地規劃區）。因為H8北角（同埋銅鑼灣東）規劃區包含一半銅鑼灣地區，範圍超過銅鑼灣西嘅商業規劃區四倍，係全港最大嘅規劃區之一。北角規劃區嘅北角市區部份同埋銅鑼灣東及大坑東住宅區相似，都係以甲類住宅同埋住宅/商業兩者皆可為主。

2007年6月，城市規劃委員會喺北角全區絕大多數嘅商業同埋住宅用地加入高限，由100米（約30層高）至140米（約40至45層）唔等，嚟保護維多利亞港對岸睇到嘅香港山脊線。除咗已經獲批嘅少數項目，北角同埋銅鑼灣東部將唔再有摩天大廈落成。另外，呢次城規會設立嘅高限範圍，限制住宅區為主嘅北角（同埋銅鑼灣東）規劃區，東起民新街，亦都即係模範邨附近，亦都即係成個北角，西至告士打道（包括成個維園）同埋大坑東區勵德邨、上林一帶，同埋灣仔區嘅大坑東浣紗街至勵德邨下嘅李陞大坑學校。但係唔包括灣仔區銅鑼灣東嘅一啲部份，例如銅鑼灣避風塘同埋銅鑼灣消防局[52]

報館遷移
[編輯]

2012年元旦同埋同年8月27日，北角站附近報館香港商報同埋信報財經新聞由於港島電費嚴重高昂、同埋設備唔夠用，而搬去九龍東牛頭角站附近繼續經營。香港大公報就喺2018年搬去田灣興偉中心。唯獨經濟日報集團就仍然喺區內嘅柯達大廈。

酒店
[編輯]

隨著呢區大量起酒店，加上區內商住大廈設有數十間服務鄉親為主嘅賓館，呢區多咗好多中國內地同埋外國旅客，但係旅客仍然少過尖沙咀、灣仔、中環同埋銅鑼灣。

其他事件

[編輯]
僑冠大廈，1966至1970年間係香港最高大樓

隨著1957年北角邨落成同埋1958年北角碼頭啟用，北角更加繁盛。

1966年樓高28層，由僑光置業策劃起嘅僑冠大廈落成，成為當時港九地區最高嘅住宅大廈。1972年新都城大廈開幕，成為香港島最大嘅百貨公司之一。

1979年原址為電車工人宿舍嘅大型屋苑健威花園竣工。1996年，原址為中華汽車有限公司車廠嘅大型屋苑港運城竣工。

2003年北角邨被清拆，地皮臨時作為露天停車場。2007年9月，房委會轄下嘅策劃小組委員會通過，無條件將北角邨舊址用地交還政府，以供日後發展。

2009年5月，北角明園西街住宅項目呎價創下區內歷史新高。

2012年，新鴻基地產投得前北角邨地皮。

2014年中旬，瑞士最大藝術學府－瑞士蘇黎世藝術大學（Zurich University of the Arts），透過投資推廣署喺北角堡壘街開設首家香港藝文空間Connecting Space Hong Kong，佔地二千呎，等世界各地唔同藝術工作者進行實驗性創作，並不時舉辦社區藝術活動，等街坊鄰里隨意入內畫畫、種植、傾偈同埋創作等。

區內重要地點

[編輯]

大專院校

[編輯]

中學

[編輯]

小學

[編輯]

國際學校

[編輯]

私人屋苑

[編輯]
1962年落成嘅五洲大廈
皇都戲院（已評為一級歷史建築）

酒店

[編輯]

商業大廈

[編輯]
嘉華國際中心

商場同埋購物中心

[編輯]
城市中心商場

戲院同埋文化設施

[編輯]
瑞士蘇黎世藝術大學喺香港開設嘅藝文空間Connecting Space Hong Kong
  • ACX Cinemas (暫停營業）
  • Connecting Space Hong Kong (Zurich University of the Arts)

政府部門辦事處同埋辦公大樓

[編輯]

市政設施

[編輯]
渣華道街市同埋熟食中心

公共交通設施

[編輯]
北角站

其他

[編輯]

交通

[編輯]

主要交通幹道

[編輯]

公共交通

[編輯]
交通路線列表
港鐵
巴士

2|2A|8H|8X|10|18|18P|18X|19P|23|23X|27|33X|38|41A|42|42C|63|65|77|77A|81|81A|82|85|85A|99|722|N8X|N72、X9

專線小巴

33、49M、56、65、69

紅色公共小巴
渡海小輪

區議會議席分佈

[編輯]

為咗方便比較，以下列表以油街以東至海裕街、渣華道、英皇道、民新街以北為範圍。

年度／範圍2000－20032004－20072008－20112012－20152016－20162020－20232024－2027
健康西街以東
丹拿選區
太北選區
北角道以東、英皇道、健康西街以西
和富、部分堡壘及部分健康村選區
明園西街以東、英皇道、健康西街以西，天后廟道以北
錦屏選區、丹拿選區及部分堡壘選區
天后廟道以南
寶馬山選區
油街以東、英皇道、北角道以西
城市花園選區及部分C19和富選區
炮台山以東、英皇道、明園西街以西，天后廟道以北
部分炮台山選區及部分堡壘選區

註：以上主要範圍尚有其他細微調整（包括編號），請參閱有關區議會選舉選區分界地圖及條目。

相關條目

[編輯]

參考資料

[編輯]
  1. ↑ 樂怡生活 (2018-02-21)。〈香港島街名考察（五）：七姐妹同北角〉。原著喺2022-05-18歸檔。喺2018-08-27搵到。
  2. ↑ 〈十屆全國政協閩籍港澳委員增至36人〉。66163.com。原著喺2016-03-05歸檔。喺2013-02-04搵到。
  3. ↑ 東區，下方日本人學校等，人口普查語文組成
  4. ↑ 維多利亞城嘅歷史
  5. ↑ 〈存檔副本〉 (PDF)。原著 (PDF)喺2012-09-01歸檔。喺2013-04-19搵到。
  6. ↑ 逃港潮同埋閩籍移民史
  7. 1 2 〈存檔副本〉。原著喺2014-01-09歸檔。喺2012-05-20搵到。 包括高永文、馬時亨等
  8. ↑ Template:Cite av media
  9. ↑ Template:Cite av media
  10. ↑ "Yahoo". Yahoo.{{cite web}}: CS1 maint: url-status (link)
  11. ↑ 〈存檔副本〉。原著喺2012-06-03歸檔。喺2012-05-22搵到。
  12. ↑ 及參看香港電視劇《中四丁班》第一集陳敏兒飾演嘅老師同學生嘅對話。
  13. ↑ 〈北角地王勢煲起樓價〉。on.cc。原著喺2012-04-14歸檔。喺2012-04-14搵到。
  14. ↑ 東周刊。〈Eastweek.com.hk 東周網【東周刊官方網站】 - 理財 - 樓市長短鏡 - 北角地王爭奪戰 彤叔10年夢未圓〉。《Eastweek.com.hk 東周網【東周刊官方網站】》。原著喺2011-11-30歸檔。喺2012-04-14搵到。
  15. ↑ 詳見香港人口
  16. ↑ 〈2011年人口普查 - 東區區議會寶馬山選區（C15）統計便覽〉。census2011.gov.hk。原著喺2013-05-07歸檔。喺2012-07-02搵到。
  17. ↑ 〈2011年人口普查 - 東區區議會炮台山選區（C17）統計便覽〉。census2011.gov.hk。原著喺2018-10-13歸檔。喺2012-07-02搵到。
  18. ↑ 〈2011年人口普查 - 東區區議會城市花園選區（C19）統計便覽〉。census2011.gov.hk。原著喺2014-01-09歸檔。喺2012-07-02搵到。
  19. ↑ 〈2011年人口普查 - 中西區區議會半山東選區 (A02) 統計便覽〉。census2011.gov.hk。原著喺2014-08-22歸檔。喺2012-07-02搵到。
  20. ↑ 〈2011年人口普查 - 中西區區議會中環選區（A01）統計便覽〉。census2011.gov.hk。原著喺2014-01-09歸檔。喺2012-07-02搵到。
  21. ↑ 〈2011年人口普查 - 中西區區議會上環選區（A12）統計便覽〉。census2011.gov.hk。原著喺2014-01-09歸檔。喺2012-07-02搵到。
  22. ↑ 〈2011年人口普查 - 灣仔區議會跑馬地選區 （B08）統計便覽〉。census2011.gov.hk。原著喺2019-05-18歸檔。喺2012-07-02搵到。
  23. ↑ 香港統計處，小規模規劃區詳細報告
  24. ↑ 〈2001年、2006年及2011年按房屋類型劃分的人口（E101）〉。census2011.gov.hk。原著喺2013-10-19歸檔。喺2012-04-25搵到。
  25. ↑ 新聞:北角維園年宵市場棚架被吹毀
  26. ↑ 〈存檔副本〉。原著喺2013-12-03歸檔。喺2013-05-27搵到。
  27. ↑ 〈存檔副本〉。原著喺2013-12-02歸檔。喺2013-05-22搵到。
  28. ↑ 〈存檔副本〉。原著喺2013-12-03歸檔。喺2013-05-22搵到。
  29. ↑ 福建地區旅港同鄉會一覽 - 南陳宗親網
  30. ↑ 〈政情：重劃東區 福建幫執生〉。on.cc。原著喺2013-05-19歸檔。喺2013-04-24搵到。
  31. ↑ 〈民記造勢 港島推「曾李配」〉。《文匯報》。原著喺2020-03-23歸檔。喺2013-03-03搵到。
  32. 1 2 〈倪匡：我看過《小時代》 看不懂〉。sina.com。原著喺2014-01-09歸檔。喺2013-08-30搵到。
  33. ↑ 〈存檔副本〉。原著喺2013-11-13歸檔。喺2013-08-30搵到。
  34. ↑ 東周刊。〈Eastweek.com.hk 東周網【東周刊官方網站】 - 娛樂圈 - 娛樂追擊 - 廈門直擊　林峯20億家族生意大揭秘〉。《Eastweek.com.hk 東周網【東周刊官方網站】》。原著喺2015-05-28歸檔。喺2013-04-13搵到。
  35. ↑ 〈福建富戶掃領凱7單位〉。on.cc。原著喺2012-01-15歸檔。喺2013-08-30搵到。
  36. ↑ 混沌。"Just Getting By"。1in99percent.blogspot.com。原著喺2014-01-09歸檔。喺2012-04-20搵到。
  37. ↑ 〈亞洲週刊〉。《亞洲週刊》。原著喺2019-05-14歸檔。喺2020-10-02搵到。
  38. 1 2 〈文化互聯網 Culture Web〉。rthk.hk。原著喺2012-05-17歸檔。喺2012-05-17搵到。
  39. ↑ 〈存檔副本〉。原著喺2020-03-23歸檔。喺2012-05-30搵到。
  40. ↑ 〈凌波是人們最熟悉的「梁兄」-侨友网-全球最大的侨友家园〉。qiao-you.com。原著喺2015-04-03歸檔。喺2013-01-28搵到。
  41. ↑ 〈【北京北角】有法國第一艷舞 五十年代北角歡場你估唔到〉。原著喺2015-11-12歸檔。喺2015-11-09搵到。
  42. ↑ "Yahoo". Yahoo.{{cite web}}: CS1 maint: url-status (link)
  43. ↑ "Yahoo". Yahoo.{{cite web}}: CS1 maint: url-status (link)
  44. ↑ "Yahoo". Yahoo.{{cite web}}: CS1 maint: url-status (link)
  45. ↑ 〈昨日麗池盛會 選出香港小姐〉。《香港工商日報》 (中文)。1946-06-24。原著喺2022-08-30歸檔。喺2022-08-26搵到。
  46. ↑ 〈頭條日報 頭條網 - 曹仁超 窮到怕〉。
  47. ↑ 〈何處是吾家〉。hkipcc.org.hk。原著喺2016-01-06歸檔。喺2012-06-13搵到。
  48. ↑ 〈從燈紅酒綠到多元灣仔〉。《香港獨立媒體網》。原著喺2014-01-09歸檔。喺2012-04-16搵到。
  49. ↑ 〈精英投資：買天台戶　種花如種金〉。《Apple Daily 蘋果日報》。
  50. ↑ 〈嘉華(00173)呂志和：有興趣入標北角地王〉。《Yahoo財經香港》。2012-05-30。原著喺2021-08-18歸檔。喺2012-06-20搵到。
  51. ↑ 〈開放與傳播〉。66163.com。原著喺2014-01-09歸檔。喺2012-05-29搵到。
  52. ↑ 城規會分區及圖則

出面網頁

[編輯]
由「https://zh-yue.wikipedia.org/w/index.php?title=北角&oldid=2377238」收