鰂魚涌

出自維基百科,自由嘅百科全書
跳去導覽 跳去搵嘢
從九龍望向鰂魚涌
從山上望向鰂魚涌
從柏架山道俯瞰位於山麓嘅住宅區

鰂魚涌英文Quarry Bay)位於香港島東區。喺香港歷史嘅分區之中,鰂魚涌係北角嘅一部份,包括早期分區、市政局分區以及校網分區。但根據規劃署劃分而家已獨立發展,不過部分人仍講北角係舊稱呼。鰂魚涌嘅西部前稱麗池,因已結業嘅麗池夜總會而得名。

鰂魚涌原本係條,南向北流入連埋維多利亞港一個海灣。以前太古洋行睇中呢帶雖然遠離人煙,又近維港,水路交通方便,後面又有水源,啱起工廠同住人,所以響度大興土木,有糖廠、有汽水廠、有曾經輝煌嘅太古船塢。鰂魚涌英文名Quarry Bay,就係因為呢度曾經係石塘,用來採石。後尾太古將船塢搬走,變成今日太古城。而糖廠就變成太古坊

歷史[編輯]

鰂魚涌濱海街一帶嘅唐樓於1961年建成時因鄰近海邊,為防範水漲而興建高地台

淸代嘉慶二十四年刊行嘅《新安縣誌》仲未有鰂魚涌呢個地名,估計嗰陣時本區人煙幾稀少。港府喺開埠以來集中資源發展商業中心中環以及喺南洋商家聚居嘅銅鑼灣(如新加坡首富嘅信和廣場)。戰後嘅1950年代,由於出現中國可能收回香港嘅不確定性,好多東南亞企業遷出香港,但有唔少喺1960、1970年代陸續回流。隨住戰後銅鑼灣以及北角人口已達到飽和,區內嘅需求帶動起原屬北角東部嘅鰂魚涌建立起一個全新嘅商業及住宅區。因為北角以及鰂魚涌有大量閩籍商人同中產聚居,區內有唔少閩籍商家嘅企業,包括南洋首富郭鶴年嘉里中心亦設喺鰂魚涌,開始帶動苦力聚居嘅鰂魚涌發展成港島第三個商業中心,而區內居民以早期北角居民以及佢哋後代為主,包括商人以及中產,以及早期因郭春秧而聚居喺北角嘅日本人。

經濟階層[編輯]

二戰後香港人口大增,而喺逃港潮因逃避國共內戰而由中國大陸抵港而至今仍留喺香港嘅人口同埋後代,成為香港人口嘅主要成份,但隨住香港社會越來越富庶,佔全港近半數嘅逃港人口,雖然第一代居於木屋區,但佢哋嘅部份下一代亦成為香港中產,亦有能力喺港島置業,更有成為富有人仕,特別喺九十年代中後期開始亦有部份中產因為喺附近做嘢而遷入北角以及鰂魚涌區。鰂魚涌既有數百萬至過千萬嘅住宅,人口結構同中環半山差唔多,既有商人,亦有中產聚居,但收入略比中環半山低,太古城東嘅收入中位數為62,370[1],太古城西嘅收入中位數為60,040[2],為半山東區(即70,000)嘅90%[3],收入比中上環灣仔市區(如軒尼詩25000[4])更高,但比銅鑼灣、北角以及渣甸山、北角半山一帶低,區內亦有唔少新加坡、台灣、南洋以及歐美閩僑以及來自全港嘅中產居住,而原來區內嘅咕喱則遷入筲箕灣嘅公屋之中。

人口籍貫[編輯]

香港嘅閩籍人口達130萬,根據人口普查嘅語文數據,當中25%居於東區,即30-40萬人口,亦係銅鑼灣、北角以及鰂魚涌人口嘅主要成份,但絕大多數50歲以下嘅閩籍港人以至日本人都改以廣州話溝通,香港人口亦接近90%以廣州話為日常生活語言,但區內唔少老一輩,如鰂魚涌居民協會會長以及前東區區議會主席黃建彬廣州話就帶有濃烈嘅福建口音,區內閩籍下一代同深水埗區一帶由廣州抵港人口嘅廣州話冇分別,唔少閩籍嘅專業人仕,包括佔全港各界25%嘅政協,以及佔全港高達幾十名嘅閩籍教授[5],當中唔少都係北角居民嘅下一代,聚居喺本區,附近嘅嘉亨灣一帶嘅中產私樓區亦係鰂魚涌嘅擴展,雖屬筲箕灣,但亦屬鰂魚涌。鰂魚涌嘅人口主要來自北角人口以及企業嘅擴展,除咗喺呢啲企業做嘢外,因為地理位置上遠離廣府人聚居嘅深水埗區一帶以至其餘族群聚居地,外區中產較少遷入,好多閩籍富豪亦經常喺鰂魚涌返工[6]。唔少以閩南話為母語嘅台灣人以及新加坡人亦好鍾意喺鰂魚涌置業,區內都有啲價格較低嘅住宅,都有筲箕灣以及柴灣人口嘅第二代置業。

發展為港島東商業區[編輯]

相對核心商業區嘅中上環,鰂魚涌早期係一個偏遠嘅商業區,但鰂魚涌地理位置鄰近北角,近年來吸引唔少企業進駐。

傳統[編輯]

2018年鰂魚涌傳統組纖燒豬會其中一名成員接受訪問時講述燒豬會呢一傳統,燒豬會規定最多只可以有22個會員,亦以老人哋居多,而每年土地誕,燒豬會都會拜神[7]

命名[編輯]

鰂魚涌得名於早期溪流中甚多鰂魚[8]。又因19世紀七姊妹一帶設有花崗岩礦場,後以海運輸出而得英文名稱Quarry Bay(採石灣/石礦灣/打石灣)之名。然而呢啲溪流同海灣都喺填海工程後消失嗮,轉型成為商住區。

1883年太古洋行於鰂魚涌設立太古船塢太古糖廠及香港汽水廠,令鰂魚涌成為當時香港最龐大工業區。同年太古公司亦於鰂魚涌旁康山設有水塘,為各廠房供應淡水。1892年太古興建全港首個吊車系統,接駁鰂魚涌至柏架山,以接載太古員工同附近居民,直至1932年停駛[9]。到咗1959年,為配合英皇道擴闊工程,鰂魚涌嘅溪流被覆蓋,變成咗暗渠。

1970年代後期,太古公司各廠房陸續停業。太古水塘原址變成咗康景花園;太古船塢原址就起咗大型私人屋苑太古城。至於太古糖廠位置,而家就變成咗太古坊商業區,而汽水廠就變成康蕙花園

地理位置[編輯]

鰂魚涌嘅具體位置,西起英皇道渣華道交界,東至英皇道同康山道交界靠近康山道天橋。然而好多時市民或會以區內著名地點如麗池、太古坊等地標作指示。

鰂魚涌嘅範圍隨着時代嘅變遷亦有所唔同,而且喺政府嘅規劃圖及學校網,鰂魚涌一帶嘅地區一直都歸入北角嘅範圍。因此現時鰂魚涌站旁嘅北角官立小學亦因而為名。自從地鐵港島綫開通之後,鰂魚涌嘅範圍不斷西移,而原本屬於鰂魚涌嘅東部,就被稱為「太古城」。但現時香港郵政局內嘅分區,呢個地區仍然係鰂魚涌嘅一部份。至於筲箕灣道開始嘅地帶,過去一直都被認為係西灣河嘅一部份,但喺2005年地政署提交嘅「鰂魚涌分區發展大綱」及現時,就包括嘉亨灣所在嘅地段。呢個問題嘅成因,相信係由於過去嘅都市規劃,都以市政局嘅選區劃界作標準,而當時成個東區只被分為「銅鑼灣」、「北角」及「筲箕灣」三部份,「鰂魚涌」同「柴灣」係到咗比較後期先至出現嘅分區。但直到而家,香港嘅學校網喺東區依然係分成「北角及鰂魚涌」(14區)同「筲箕灣及柴灣」(16區,原屬第15區嘅筲箕灣於2007年併入第16區)。

人口移民史[編輯]

鰂魚涌益昌大廈(又稱怪獸大廈)人口極度密集,「U型」嘅設計吸引唔少攝影愛好者以至國際知名導演到場為電影取景拍攝

鰂魚涌主要為工業同住宅區,但喺1990年代起出現咗越來越多嘅商業大廈。鰂魚涌同北角以及銅鑼灣一樣主要以閩籍人口為主,但比北角以及銅鑼灣嘅閩籍人口較遲抵港,以民國以前來港嘅閩籍人口大多居住喺灣仔區以及中西區[10],好多南洋富商喺1950-1980亦遷入灣仔區以及中西區嘅半山區、南區以及九龍城區,唔一定喺跑馬地到鰂魚涌一帶[11]。銅鑼灣、北角同鰂魚涌亦係日本人嘅主要聚居地,東區佔總日語人口嘅25%,但人數遠少於福建籍人士,語文統一後各省籍人士亦有進入鰂魚涌居住,睇埋東區語言殘留人口[12]。呢一帶嘅人口分佈同東區以外嘅大坑、跑馬地、渣甸山一帶差唔多,華人同樣係以閩籍為主,亦有好多日本人居住。呢啲區份都係喺維多利亞城邊沿或以外,本來為人口好少,喺民國時期大量閩籍人口因為喺銅鑼灣天后廟一帶聚居而發展起來嘅,鰂魚涌一帶嘅人口大多由北角遷居。至今閩籍以及閩僑後代最集中嘅地方係跑馬地以及大坑一帶,基督教會香港閩南堂總堂亦設喺跑馬地,分堂京設喺北角同香港仔,喺語文未統一嘅年代,虎豹別墅附近社區都係新加坡福建無異,但呢批人來港較早,鰂魚涌一帶則來港較遲。

社區環境[編輯]

太古城係區內嘅大型私人屋苑
鰂魚涌嘅商住樓宇
港島東中心露天廣場「太古公園」

鰂魚涌附近有大型商場康怡廣場太古城中心,亦有大型百貨AEON STYLE,購物非常方便。鰂魚涌美食亦多不勝數,尤其太古坊商業區及太古城大型屋苑,有多間食肆。鰂魚涌公園亦係居民常到嘅休憩地方,葛量洪號滅火輪展覽館亦置於園內。

私人屋苑[編輯]

商住樓宇[編輯]

文娛康樂設施[編輯]

交通[編輯]

鰂魚涌喺香港島嘅交通可以話非常便捷,除咗因為該區有多條巴士路綫及兩條港鐵路綫經過以外,喺康山嘅屋苑仲有4條小巴路綫。

主要交通幹道[編輯]

公共交通[編輯]

港鐵鰂魚涌站曾係香港最深嘅車站
交通路線一覽
港鐵
電車
巴士

Template:港島巴士簡單一覽 Template:過海隧道巴士簡單一覽 Template:大嶼山巴士簡單一覽

小巴
  • 綠色專線小巴
  • 紅色公共小巴

著名藝人[編輯]

區議會議席分佈[編輯]

為方便比較,以下一覽以海裕街渣華道英皇道民新街以南至柴灣道康山支路以西為範圍。

年度/範圍 2000-2003 2004-2007 2008-2011 2012-2015 2016-2019!2020-2023
英皇道康山支路以西、英皇道華蘭路太古城範圍)
英皇道康山支路以西、英皇道柏架山道康山南豐新邨等範圍)
華蘭路以東、海裕街渣華道英皇道民新街以南(鰂魚涌站A、B出口等範圍)
鰂魚涌選區、部分柏架山選區及部分健康村選區

註:以上主要範圍重有其他細微調整(包括編號),請參閱有關區議會選舉選區分界地圖及文章。

睇埋[編輯]

參考資料[編輯]

  1. 2011年人口普查 - 東區區議會太古城東選區 (C02) 統計便覽. www.census2011.gov.hk. 原著喺2021-03-10歸檔. 喺2020-04-18搵到.
  2. 2011年人口普查 - 東區區議會太古城西選區 (C01) 統計便覽. www.census2011.gov.hk. 原著喺2021-03-10歸檔. 喺2020-04-18搵到.
  3. 2011年人口普查 - 中西區區議會半山東選區 (A02) 統計便覽. www.census2011.gov.hk. 原著喺2021-03-23歸檔. 喺2020-04-18搵到.
  4. 2011年人口普查 - 灣仔區議會軒尼詩選區 (B01) 統計便覽. www.census2011.gov.hk. 原著喺2021-02-03歸檔. 喺2020-04-18搵到.
  5. . paper.takungpao.com. 原著喺2020-08-06歸檔. 喺2013-11-19搵到.
  6. 121625551334730. . . 原著喺2021-05-26歸檔. 喺2020-04-18搵到.{{cite web}}: CS1 maint: numeric names: 作者名單 (link)
  7. 魚涌有個燒豬會 保平安習俗恐無人繼承. 原著喺2018-03-21歸檔. 喺2018-03-21搵到.
  8. 說文解字》:「從魚則聲。鯽,鰂或從即」
  9. 陳嘉文 (2015年5月2號). 知巷聞﹕鰂魚涌發迹時 百年前有吊車!. . 原著喺2017-04-08歸檔. 喺2015-05-03搵到.
  10. 記造勢 港島推李配 - 香港文匯報. paper.wenweipo.com. 原著喺2020-03-23歸檔. 喺2013-04-10搵到.
  11. 香港人口,人口語文數據
  12. 睇埋東區以及2011人口普查數據-語言部份