唐樓

出自維基百科,自由嘅百科全書
Jump to navigation Jump to search
196 0年代香港唐樓嘅售樓說明書;佢上面講出咗一般唐樓嘅特色:「樓高六層,一梯兩伙。門戶獨立,四面單邊。」(香港歷史博物館藏品)

唐樓(粵拼:Tong4 lau4;英文:Tong lau)係一種,冇𨋢,唔計天臺最多八層高。唐樓嘅結構以棟樓四邊同埋靠嚟支撐。同打後先出現嘅洋樓唔同,唐樓多數係商住混用,地下多數用嚟做舖頭,樓上攞來住。唔少唐樓對住街都有騎樓

唐樓個名嚟自洋樓出現嘅年代(19 世紀後半橛)。嗰時啲粵人以為建築風格主要分兩種-唐式同西式-所以唐人啲建築(無論係粵式、閩南式、海派定係北方)都一律嗌做「唐式」,而西人啲建築(無論係英國法國定係東歐)都一律嗌做「洋式」。

香港唐樓[編輯]

香港政府未大量咁起公共房屋之前,除咗寮屋嘅居民外,幾乎所有香港人都係住喺唐樓嗰度。唐樓早喺 19 世紀中後橛開始喺香港嗰度出現。嗰陣時啲唐樓樓高兩至三層,闊十五呎(大約 4.5 米),用青磚砌出嚟(呢點同古典粵式建築好似),而屋頂係用結構同埋瓦片組成嘅斜頂,唐樓側面就有啲木樓梯嚟連接各層。當中部份嘅唐樓更加有成兩呎闊嘅鐵造騎樓。

19 世紀尾開始,香港嘅唐樓普遍有三至四層,每層高四米,闊五米。喺設計方面,騎樓用磚砌嘅支柱嚟撐住,並跨出唐樓前面嘅行人路。因為呢種設計係喺廣州開始嘅,所以當時啲人俗稱佢做「廣州式騎樓」。到咗 1930 年代,混凝土取代咗磚成為唐樓嘅主要建築材料。而家重存在嘅唐樓,尤其係喺九龍嘅,都係用混凝土起嘅。

二戰之後,香港嘅人口升得好勁,房屋短缺。唔少唐樓都畀人攞嚟整分租。通常分租嘅唐樓會由其中一位住客「包租」-畀人嗌做「包租公」或者「包租婆」。包租嗰個人向業主每個月交固定嘅租金,同時亦都負責交水電。唐樓嘅單位再有得劃分做房嚟分租,通常最少分做「騎樓房」(亦有個名叫「頭房」,面積大啲同光線充足)、中間房、尾房;好多時更加會喺廚房或者廁所度整啲「閣仔」(閣樓)出租。亦都有將個單位細分做「床位」。正因為咁,根據香港法例第 123F 章《建築物(規劃)規例》嘅第 46 條,唐樓嘅定義係「任何建築物,而喺佢住嘅部分有任何起居室擬供或改裝以供多過一個租客或分租客使用」,而呢條法例到家陣重有效。

隨住市區嘅急速發展,香港部分嘅唐樓經已畀人拆咗重建,但係大部分都重係分佈喺以下各個地方,而且都經過翻新嚟延長使用期:

市區重建局近年保留咗灣仔莊士敦道、茂蘿街同埋巴路士街多棟嘅唐樓,並計劃喺修葺之後做文化用途。喺灣仔石水渠街 72 至 74 號,喺 1922 年起嘅幾棟唐樓,因為畀人油成藍色,而有藍屋嘅花名,亦都畀政府列咗做歷史建築物。喺旺角荔枝角道,由九巴創辦人之一雷亮喺 1931 年起嘅唐樓雷生春,就喺 2003 年 10 月 7 日由九巴家族後人捐贈畀香港政府,並計劃改建做博物館

喺 2010 年 1 月 29 日下晝1 點 43 分左右,發生咗馬頭圍道冧唐樓事故,喺馬頭圍道 45 號 J 一座 5 層高嘅唐樓成座冧咗,造成 4 個人死亡,係香港二戰之後嘅少有同類事件,令到政府同社會都開始關注全港同類大約五廿年樓齡嘅唐樓嘅安全問題。

澳門唐樓[編輯]

澳門市區重保存咗唔少唐樓,喺議事亭前地新馬路一帶嘅唐樓,依然保留咗廿世紀初期嘅風格,部份唐樓嘅上層就經改裝之後畀人攞嚟做商業用途。

睇埋[編輯]

出面網頁[編輯]

  1. 堅尼地城唐樓集結
  2. "400萬以下有貨西環細價樓回報逾3.5厘 西港島綫年底竣工". 原著喺2017年3月17號歸檔. 喺2017年10月8號搵到.
  3. 西營盤唐樓變太空艙 月租4000元包家電
  4. "唐樓癡公開投資秘笈 翻新吸豪客 回報17厘". 原著喺2017年10月7號歸檔. 喺2017年10月8號搵到.
  5. 百年唐樓遺蹟隱身中環鬧市 團體斥古蹟辦忽視歷史價值
  6. 灣仔87年轉角唐樓面臨清拆 街坊感可惜:呢類唐樓買少見少
  7. 銅鑼灣唐樓劏房 呎租58逼新盤價 170呎月租9800 外籍客承租
  8. 跑馬地唐樓高價落釘
  9. 戰前唐樓拒重建 大坑兩家人
  10. 回流香港客815萬購北角唐樓
  11. 太古洽購鰂魚涌三唐樓
  12. "長綫放租博收購 西灣河唐樓300多萬有貨 重建掀尋寶熱". 原著喺2017年3月18號歸檔. 喺2017年10月8號搵到.
  13. 筲箕灣唐樓升值百五倍
  14. 柴灣滿華樓 2房百萬上車
  15. 港島唐樓價 跌破200萬元
  16. 田灣街唐樓劏房失火母抱子危坐外牆獲救
  17. 鴨脷洲大街單幢樓執平貨
  18. "離島去到悶 轉場赤柱獨享天台BBQ嘆海景". 原著喺2017年3月19號歸檔. 喺2017年10月8號搵到.
  19. "尖沙咀唐樓叫價6億". 原著喺2011年5月29號歸檔. 喺2017年10月8號搵到.
  20. 區內多戰前唐樓 議員料研究有助保育
  21. 旺角唐樓水表離奇被盜 警拘39歲無業漢
  22. 市建局收大角咀唐樓 呎價$13,614史上最高
  23. 250呎深水埗唐樓大改造屏風加強空間感
  24. 舊商號消失 頂層圍欄被拆 轉角唐樓 翻新失特色
  25. 石硤尾唐樓起火 男住客吸入濃煙不適
  26. 收購值四百億紅磡唐樓 離奇火燭兼漏水
  27. 重建土瓜灣唐樓戶主歡迎冀102歲母不用行樓梯
  28. 市建局重建馬頭圍唐樓 供逾400單位
  29. 何文田唐樓 強拍底價4.13億
  30. 九龍城400萬上車盤絕少
  31. 黃大仙唐樓賣200萬
  32. 炒家掃新蒲崗唐樓
  33. 樂富唐樓回報38厘
  34. 慈雲山唐樓售215萬
  35. 牛池灣村
  36. 一樓一古:觀塘月華街 180級富貴樓梯
  37. 唐樓遇竊 失平板電腦及現金
  38. 茶果嶺 淳樸樂土
  39. 葵涌唐樓劏房疑遭縱火 住客抱B疏散
  40. 荃灣市區(唐樓)環境研究及展望
  41. 焦點故事:屯門私樓 170萬上車
  42. 元朗盤大賤賣33萬平過深圳樓
  43. 大圍唐樓套房租七千五
  44. 阿婆也劏房 收租2.8萬
  45. 粉嶺 聯和墟唐樓180萬起
  46. 上水唐樓兩年冧價30%
  47. 禁區沙頭角墟
  48. 西貢唐樓 賣本地好土產
  49. 大澳被評級的歷史建築物
  50. 長洲舊樓石屎剝落 飛墮行人路
  51. "明報周刊 更換水管的煩惱 2386期封面故事". 原著喺2017年4月28號歸檔. 喺2017年10月8號搵到.