亞美打利庇盧大馬路

出自維基百科,自由嘅百科全書
(由新馬路跳轉過來)
跳去: 定向搵嘢
 }}
       
亞美打利庇盧大馬路
(新馬路)

 
       
AVENIDA
DE ALMEIDA RIBEIRO
Avenida de Almeida Ribeiro - 20100923.jpg
亞美打利庇盧大馬路街景

街道資訊
成立年份 1918年
所在堂區 大堂區
開始地點 火船頭街巴素打爾古街 交界
沿途相交
結束地點 殷皇子大馬路南灣大馬路 交界
街道長度 約620

由2010年5月16號開始,澳門交通事務局開始試吓喺星期日同公眾假期,將龍嵩正街營地大街之間嗰忽新馬路作為公交專道,只係畀巴士、的士同特許車輛行[1]

歷史[編輯]

Avenida de Almeida Riberio.png
從民政總署大樓二樓望去新中央酒店
新馬路東面嘅新式大廈
新馬路西面嘅舊式唐樓

早喺19世紀,新馬路區唔係好似宜家咁一大條直路,殷皇子大馬路段同新馬路後半啹都重係成片海,嗰區都係一個偏僻寧靜嘅漁村,中間穿插好多彎彎曲曲、斷斷續續嘅路仔。經過咁多年係咁填海,到咗1918年,政府先將西面嘅彎曲路仔大鵬巷拉直[2],然後再將東面龍嵩街口同大堂街之間嘅山崗剷平打通,再喺東面街口拆咗一間大屋,先整成一條又直又闊嘅路,直接將內港南灣連埋一齊,先至成為澳門一條好重要嘅路。條路開通咗冇耐,市政當局將市政廳至到西面街口[3] 以嗰時葡萄牙最高法院法官亞美打利庇盧嘅名,嚟幫呢條路起名叫做亞美打利庇盧大馬路;而市政廳到東面街口[4] 叫做美副將大馬路,之後因為一條街有兩個名太複雜,搞到尐人唔清唔楚,先至統一將成條路改為亞美打利庇盧大馬路[5]。而澳門人都叫呢條路做「新馬路」,除咗係葡文翻譯出嚟嘅名又橋口又難記之外,亦因為呢條路係新開嘅馬路,所以都叫佢做新馬路。

新馬路西面海邊係內港,由西江沖落嚟嘅泥沙堆成嘅。正因為係泥沙堆成搞到內港地勢係比其他地區低,所以一有颱風嚟就會成日水浸,由內港碼頭去到新塡巷[6] 嗰忽,就實會被水浸住。當中以1874年嗰次最嚴重,有成五千幾人死咗同二千幾艘漁船沉咗,搞到有尐樓都冧埋,洪水泛濫,連市政廳都畀強風吹到爛咗。

新馬路起好之後,好多大型嘅屋都揀係呢度起,各行各業特別係銀行都以呢度為中心,好似澳門嘅第一間銀行大西洋銀行就係1902年喺呢度開門,之係就愈嚟愈來銀行開喺新馬路,宜家大豐銀行永亨銀行中國銀行都喺新馬路開設總行或者分行。另外,博彩業都曾經喺新馬路發展到高峰。1920年代尾,中央酒店[7] 喺新馬路落成,有六層樓高,係當時新馬路最高嘅酒店。至到1930年代,博彩業開始興起冇耐,中央酒店就開設咗「濠興仕女娛樂場」,成為澳門當時最有規模嘅賭場,引咗唔少居民同遊客嚟玩。1940年代,有九層樓高嘅國際酒店喺新馬路西面落成,一度取代中央酒店成為成條馬路最高嘅建築物,直至到中央酒店喺1950年代加建到十一層先被中央酒店攞返成條馬路最高嘅建築物嘅稱譽。

除此之外,新馬路對旅遊業都係好重要嘅,新馬路一路上會經過好多景點,例如民政總署大樓議事亭前地世界文化遺產十月初五街等手信街,都係遊客一定會去嘅地方。1995年,皇宮娛樂場喺內港開幕,更促進咗新馬路西面經濟同旅遊業嘅發展。

新馬路從開闢到宜家,一直都係澳門商業、交通同旅遊業嘅核心地帶。但係從1990年代開始,由於交通、酒店執笠、賭場搬走同城市規劃等因素加埋,營地大街西面開始就慢慢咁衰落。居民就希望隨著十六浦國際酒店項目搞掂後,可以去返當年嘅光采。

建築物特色[編輯]

新馬路兩旁嘅建築物都唔一樣,當中有歐洲式嘅建築,亦有一尐保留咗中國傳統特色嘅建築物,而民政總署大樓西面嘅大部份建築物都係唐樓,而呢尐唐樓保留咗1920年代嘅建築風格,一般得兩到四層,建築物同建築物之間都有一條向街嘅走廊,走廊上有樓底遮住,可以擋雨同太陽,就係廣州俗稱嘅「騎樓底」。相反,民政總署大樓東面好多都係歐洲色彩嘅建築,好似係民政總署大樓澳門郵政局等。隨著時代嘅發展,一尐新嘅高樓大廈亦都係新馬路東面出現,好似係中國銀行大西洋銀行大廈。

景觀問題[編輯]

新馬路西面有好多舊樓同店舖,而呢尐樓往往都冇人打理整修,牆身舖滿晒水渠同電線,有尐重生晒雜草,影響樓宇結構,造成危險[8]

限時嘅新馬路公交專道[編輯]

新馬路係連接內港南灣澳門半島東西方向嘅重要道路,由於佢喺市中心同旅遊點,車流、人流都非常大,所以交通事務局就喺2010年5月16號開始,逢星期日同公眾假期,將營地大街龍嵩正街之間嗰忽新馬路作為「公交專道」,只畀公共巴士的士同特許車輛通行,試吓搞三個月[1][9]

2010年8月12號,交通事務局總結公交專道實施嘅情況,之後決定延長新馬路公交專道措施半年至到2011年2月。另外又喺8月21號開始,喺金碧文娛中心出面開多個巴士站,畀23A571010A1121A埋站,以免16條巴士線喺同一時間嘅永亨銀行出面嘅巴士站埋站上落客,做成交通阻塞,亦同時可以以呢次改動將人帶到新馬路西面[10]

雖然當時「公交專道」設立只係臨時性質,方便喺節假日分流一吓新馬路嘅交通壓力,但係就不停咁延長試用期,交通事務局亦都冇話幾時唔搞,所以「公交專道」就一直試行到宜家。

遊行[編輯]

由於新馬路嘅重要性,而且又直接將內港同南灣連埋一齊,所以新馬路亦都係遊行嘅熱門路線,好似2007年澳門勞動節遊行2007年澳門十一遊行,搞活動嘅組織同遊行嘅人都要求經新馬路行到政府總部。但由於新馬路係澳門半島嘅交通樞紐,加上兩邊珠寶金鋪林立,警方就以交通同安全做理由,一般都唔會畀遊行團體行呢條路。但喺2007年澳門十一遊行,三千架電單車成功衝過警方防線,慢駛入去新馬路,搞到交通癱瘓咗一嗰鐘。

行經景點同十字路口[編輯]

主要景點(由東到西)
主要十字路口(由東至到)
鄰近道路

其他同名(新馬路)嘅路[編輯]

  • 氹仔也都有條新馬路(Avenida Nova),不過後嚟同奧林匹克大馬路合併咗,已經唔係度。
  • 山頂醫院加思欄兵營之間,都有一條叫加思欄後新馬路嘅路仔,葡文名只有「Estrada Nova」兩個字,意思係「新馬路」。

經過呢度嘅巴士[編輯]

西行[編輯]

站嘅冧吧 站名 路線 開呢條線嘅巴士公司 方向
M134 新馬路 3 新時代 關閘
4 新福利 筷子基 循環線。
33 循環線。
6A 澳巴 順景廣場 循環線。
19 循環線。
8A 新時代 青洲 循環線。
18A 澳巴 東方明珠 循環線。
26A 新福利 筷子基北灣
N1A 澳巴 夜間巴士線。
M142 金碧文娛中心 2 澳巴 媽閣
5 新福利
7 澳巴
10 新時代
10A
11 循環線。
21A
N3 澳巴 夜間巴士線。
3A 新時代 司打口

東行[編輯]

站嘅冧吧 站名 路線 開呢條線嘅巴士公司 方向
M135 新馬路/營地大街 2 澳巴 順景廣場
3 新時代 外港碼頭
10A
3A 關閘
5 新福利
10 新時代
18
3X 亞馬喇前地 只喺星期一到六早上繁忙時間出車。
N1B 澳巴 夜間巴士線。
6A 山頂醫院 循環線。
7 祐漢第二街
11 新時代 氹仔 循環線。
33 新福利 循環線。
21A 新時代 黑沙海灘
26A 新福利
N3 澳巴 夜間巴士線。

[編輯]

  1. 1.0 1.1 新馬路公交專道下月中試行
  2. 1918戊午年,《澳門全紀錄》,ISBN 7-208-03252-1
  3. 宜家嘅國際酒店嗰面
  4. 宜家嘅大西洋銀行處
  5. 望廈普濟禪院前面新開嘅路,用美副將大馬路嚟起名,取代當時因為新馬路一忽合併冇咗嘅美副將大馬路
  6. 即係宜家嘅金碧娛樂場。
  7. 原名總統酒店,宜家嘅新中央酒店
  8. 新馬路舊建築失修存隱患 - 澳門日報 2008年10月14號
  9. 交通事務局 - 實施公交專道料可減少兩至三成車輛進入新馬路
  10. 新馬路公交專道延長半年2010-08-12 15:53:50
  11. 每年1月至5月同埋9月至12月期間實施。
  12. 每年6月至8月期間實施。

睇埋[編輯]

出面網頁[編輯]

資料[編輯]