澳門半島
 |
| 地理資料 | |
|---|---|
| 位置 | 澳門北部 |
| 面積 | 9.3平方公里（4平方英里） |
| 政治管轄資料 | |
Macau | |
| 人口統計資料 | |
| 人口 | 522,000 |
澳門半島係澳門嘅一部分，澳門市區嘅所在地。半島北部同中國大陸珠海市香洲區拱北交界。佢南面係氹仔、路氹城同路環，西面係橫琴，東面珠江出口。
澳門半島係澳門最早開發嘅地區，有超過四百年歷史。喺澳門半島嘅澳門歷史城區喺2005年正式被列入世界文化遺產名錄。
地理
[編輯]- 位置：澳門北部
- 面積：9.3平方公里（4平方英里）
- 最高海拔：93米（305英尺）
- 最高點：東望洋山
- 堂區：花地瑪堂區（青洲、筷子基、台山、黑沙環、黑沙環新填海區、祐漢、望廈、新口岸水塘）、聖安多尼堂區（林茂塘區、高士德、雅廉訪、沙梨頭、新橋區、大三巴）、大堂區（新口岸、中區、南灣湖）、望德堂區（東望洋、荷蘭園）、風順堂區（下環、媽閣山、西灣）
澳門半島本來係一個小島，係萬山群島嘅一部分，之後珠江口泥沙沖積令到澳門半島同珠海相連。
澳門半島大部分平地都係填海而成。
澳門半島最北面係關閘，同珠海市拱北連接，東北面同香港大嶼山隔珠江海相望，南面同氹仔相望，西面同珠海市灣仔對望。
山峰
[編輯]澳門半島嘅山分佈零散，兼且全部低過海拔100米：
- 東望洋山（松山）93米（望德堂區）
- 媽閣山 71.6米（風順堂區）
- 西望洋山（主教山）62.7米（風順堂區）
- 望廈山（黑鬼山）60.7米（花地瑪堂區）
- 大炮台山 57.3米（聖安多尼堂區）
- 青洲山 54.5米（花地瑪堂區）
- 馬交石山 48.1米（花地瑪堂區）
交通
[編輯]依家有三條大橋連接澳門半島同氹仔，佢哋係友誼大橋、嘉樂庇總督大橋同西灣大橋。
依家巴士係澳門人主要交通工具。
跨海交通
[編輯]依家外港客運碼頭有定期船同直昇機班次來往港澳碼頭、尖沙咀客運碼頭、屯門碼頭、深圳蛇口等地方。
未來發展
[編輯]澳門輕軌計劃起澳門半島段，第一期會經關閘、黑沙環、外港客運碼頭、新口岸、南灣、媽閣之後過海去氹仔。而第二期計劃經筷子基、沙梨頭、內港一帶。
比賽
[編輯]澳門半島主要街道每年都會用嚟舉辦澳門格蘭披治大賽車。
