黑沙環

出自維基百科,自由嘅百科全書
 呢篇文講嘅唔係黑沙海灘
黑沙灣

黑沙環粵拼haak1 sa1 waan4葡文Areia Preta)響澳門半島東北部,亦係澳門半島人口最多嘅一笪地方,有好多工業同住宅區,亦係澳門半島人口最多嘅社區,行政上歸花地瑪堂區

範圍[編輯]

黑沙環係由東南邊嘅友誼大橋開始,到西北邊就住關閘。而中葡友好紀念物嘅其中一座就喺黑沙環東方明珠度,而東方明珠對出去嘅海面,係日後港珠澳大橋澳門嘅接駁位。

因為黑沙環係響澳門主權移交前三十年發展嘅舊區,而澳葡政府過往簡單規劃而造成黑沙環相對於其他澳門地區有大幾倍嘅地,所以好易搞亂咗黑沙環嘅邊界,所以下面大概講出準確嘅邊界同鄰近城區:

連接位[編輯]

邊界[編輯]

黑沙環填海區[編輯]

澳門新城區規劃入面,黑沙環嘅填海位就劃做「黑沙環填海區」,其他地方就劃造「傳統黑沙環區」(台山望廈祐漢之間嘅地方,即係高利亞海軍上將大馬路黑沙環新街以東嘅地方)。

細分黑沙環填海區[編輯]

黑沙環衛生中心

對比澳門其他地區嚟比黑沙環嘅地方係好大,所以居民通常都以大廈嚟細分,下面大廈名就係細分黑沙環填海區嘅名。

大廈群樓主要響下邊三條主要平行嘅馬路度,按方向可分為做左中右三個大廈群樓(由發展時間次序去排):

  1. 左邊大廈群樓:慕拉士大馬路漁翁街(黑沙環)
  2. 中部大廈群樓:黑沙環新街
  3. 右邊大廈群樓:黑沙環中街(又叫「東方明珠區」)

慕拉士大馬路同漁翁街(黑沙環)大廈群樓[編輯]

慕拉士大馬路漁翁街(黑沙環)沿途嘅大廈群樓(由東到西去排):

黑沙環新街大廈群樓[編輯]

係九十年代起嘅私人樓同澳葡政府起落嘅公共房屋,不過只有御景灣係例外,因為九十年代一直都係爛地,一直到賭權開放之後地價升先新起出嚟。

由於黑沙環新街大廈群樓全部都係火柴盒式規劃,所以全部大廈群樓都係隔咗條馬路互相對望。

裕華大廈 金海山花園 廣華新邨(社會房屋) 御景灣
黑沙環新街
建華大廈 海濱花園 東華新邨(經濟房屋) 南華新邨(經濟房屋)

黑沙環中街大廈群樓(東方明珠區)[編輯]

黑沙環中街出口以北嘅大廈群樓(即係寰宇天下海明居君悅灣海天居,以起去時間去排)都係賭權開放之後地價升值十倍先郁手起嘅豪宅級大廈群樓,寰宇天下係呢區係最早郁嘅大廈,響2005年左右起好就即刻放盤。[1]呢啲豪宅都以附近嘅東方明珠(中葡友好紀念物)嚟叫法,響賣樓入面成日用到「東方明珠區」嘅概念,所以東方明珠區係一個高尚住宅區。

但係東方明珠區最大笪地,即係澳門政府叫嘅P地段,原本響1993年係批畀保利達集團起紡織城,要佢響四年入面起好一座建築面積有成六萬七千八百九十六平方米嘅紡織城。但係保利達分別響1997同1998年兩次同澳葡政府申請延期發展,理由係想將織布廠變成生產成衣,加上當時新頒布《防火安全規章》要改則,無咁大地方放大型紡織機之類嘅理由。所以澳葡政府審議新發展計劃之後同意延期去到2000年12月26號,但係呢間紡織城就一直冇起,2006年特區政府放生海一居土地,而且重連帶P地段都放生,由工廠用地變住宅用地,即係發展商宜家叫嘅海天居,但係由於發展商嫌賺唔夠,多次就街影條例向工務局遞交環評,之後先批准發施工準照畀佢開工,由於之前嘅行政程序拖咗好耐,搞到施工時間唔夠,跟住喺呢段間期立法會通過咗新土地法,防止行政長官立亂放生閒置地,所以廿五年臨時批地期響2015年12月到期,政府就響2016年收返呢幅地[2]

T地段(海上居) 君悅灣 海天居
黑沙環中街
黑沙環衛生中心 澳門浸信學校中學部 寰宇天下 海明居
黑沙環中街
廣福安花園 廣福祥花園 保利達花園

重要建築[編輯]

黑沙環消防行動站
新口岸水塘
黑沙環黃營均兒童圖書館係澳門兒童圖書館

學校[編輯]

基礎設施[編輯]

政府[編輯]

文化娛樂[編輯]

公園[編輯]

紀念物[編輯]

傳媒[編輯]

名嘅問題[編輯]

響澳門,遊客通常將黑沙海灘錯誤咁叫做「黑沙灣」。

港式標示習慣[編輯]

受旅遊地圖同手冊嘅影響,加上香港好多海灘都用「XX灣」嚟改名,唔少遊客,特別係香港遊客都會好自然咁將路環嘅黑沙海灘叫做「黑沙灣」,響溝通上同本地居民發生誤會,搞亂咗黑沙環同唔存在嘅「黑沙灣」。直到而家香港部份電視台(例如係無綫)響2016年報導澳門有關新聞重仍然用字幕同叫「黑沙灣」嚟叫呢度,正確寫法同讀法都係「黑沙環」先啱。

如果要去黑沙海灘,應該搭1521A26A號到黑沙海灘度落車。

粵語發音問題[編輯]

「環」(粵拼:waan4)、「灣」(粵拼:waan1)兩個字響粵語入面聲韻母都一樣,只有音調唔同。但係本身發第一聲嘅「灣」,粵語都有例外變做第四聲,讀「環」(好似係:南灣西灣等),咁就更容易搞亂。值得一提,以往曾經有巴士站牌[3]寫做「黑沙灣」,宜家已經改返。

正確用法[編輯]

澳門市民通常都係將響路環黑沙海灘叫做「黑沙」又或者係叫「黑沙海灘」。

事實上,由澳門政府地圖繪製暨地籍局出版嘅正式地圖入面,一向都將嗰度寫做「黑沙海灘」,而冇所謂「黑沙灣」呢個叫法。

誤會流傳[編輯]

呢個誤會只會發生響識粵語嘅人度(例如大陸廣東省香港人),所以影響面應只限於粵語人群;但係受旅遊地圖同埋手冊嘅標示影響,呢個錯誤流傳到其他非粵語嘅中國人之中,會叫黑沙海灘做「黑沙灣」(又因黑沙環有黑沙二字而出現混淆)。

喺香港地名入面可以揾到「環」字嘅例子(好似係「上環」等地),可能係黑沙海灘太出名而且又響海邊所以引起同「灣」字嘅聯想,所以部分香港人就冇諗到呢個問題。如果係澳門市民就馬上知道呢個問題存在(但係新移民都會成日犯呢種錯誤)。

[編輯]

  1. 門寰宇天下銷情熱 蘋果日報 2005-10-1. 原著喺2020-03-15歸檔. 喺2016-04-14搵到.
  2. (繁體中文)紡織城變豪宅 赤手空拳拼出保利達地產王國
  3. 嗰個站牌寫做「黑沙灣第五街」