港珠澳大橋

出自維基百科,自由嘅百科全書
港珠澳大橋西段
港珠澳大橋路線圖

 港珠澳大橋粵拼gong2 zyu1 ou3 daai6 kiu4英文Hong Kong-Zhuhai-Macao Bridge葡文Ponte Hong Kong-Zhuhai-Macau)係連接香港大嶼山澳門半島廣東省珠海市嘅大型跨海大橋。喺2009年12月15號動工,2018年5月23號竣工,同年嘅10月23號搞咗個開通儀式,跟住喺第日(24號)朝早9點通車;條橋嘅設計壽命係120年。條橋嘅跨海隧道部分係而家世界上最長嘅沉管式隧道、同全世界跨海距離最長嘅橋隧組合公路。港珠澳大橋通車之後,來往香港、珠海、澳門三地嘅行車時間減到少過一個鐘,比起以前嚟講快咗好多,而且唔需要經過深圳東莞虎門[1]

概要[編輯]

條橋差唔多50公里咁長,主橋全長大概29.6公里。大橋用咗橋隧結合嘅結構,總共有一條大概6.7公里長嘅海底隧道同四個人工島[2]。當中海上面嘅橋隧主體工程(粵港分界線去到珠海同澳門口岸嗰段)由粵港澳三個地方一齊畀錢起,當中嘅香港段(由香港國際機場人工島去到粵港分界線)由香港嗰邊起,而三地嘅口岸同連接線就由三地各自去起[3]港珠澳大橋管理局係由香港特別行政區政府、廣東省人民政府同澳門特別行政區政府一齊開嘅局,主要負責大橋主體部分嘅建設、營運、維修同管理[4]

自從大橋通車,來往港珠澳嘅時間減到唔使一個鐘,啱啱好可以組成一個「一小時生活圈」去推動粵港澳大灣區發展。對於深圳嚟講,雖然佢唔可以直接受惠,但係由西岸過咗橋之後可以行香港嘅高速公路,例如深港西部通道深圳。香港政府話呢條大橋重可以推動香港嘅物流業[5],幫手推動「一帶一路」嘅政策。

大橋係中國新嘅地標建築之一,英國衛報》將佢叫做「現代世界七大奇蹟」之一[1][6]新華社報導話兩個人工島淨係用咗221日就起好,創造咗喺外海起島嘅「中國速度」,並且破咗世界工程記錄,同埋令到工期減咗多過2年。大橋實現咗綠色施工,新華社重將條橋形容做「中國甚至當今世界上面規模最大、標準最高同最具挑戰性嘅跨海橋樑工程,被譽為世界橋樑界嘅「珠穆朗瑪峰[7]

工程融資[編輯]

港珠澳大橋原計劃採用公開招標形式,即民間興建營運後轉移模式(英文縮寫:BOT)嘅方案交畀私人財團出資興建。大橋主體工程造價預計要762億人民幣,差額由三地政府按以下比例補貼埋:香港佔50.2%、中國大陸佔35.1%、澳門佔14.7%,但實際補貼金額視乎招標結果。私人財團得營運座大橋50年,運營陣亦得收埋過橋費,預計36年半可以回本[8]

其後,初時有指大橋唔會用BOT方式融資,改做3地政府全資興建[9]。最終喺2008年8月5號,三地政府就融質問題達成咗共識,主體工程造價385.4億[10],其中北京決定出資投入項目建設,連埋廣東省出資,中國大陸合共出資70億元人民幣,港方出資67.5億人民幣,澳方出資19.8億人民幣,剩低嘅約200多億用貸款方式集資[11][12]。2009年5月22號香港立法會通過撥款港幣90億4,650萬蚊(按時日價計)作主橋嘅詳細設計同建造工程[13][14],預計分7年找數。

香港運輸及房屋局局長鄭汝樺喺2011年10月話,受環保評估官司影響,香港段嘅工程受阻延,為咗追上進度,需要壓縮工程,估計造價因此會上升65億港元[15]。2011年11月18號,立法會財務委員會通過咗建造港珠澳大橋香港段嘅485億港元撥款,工程會喺2011年12月14號開始[16]。到2016年追加撥款通過後,港府已就港珠澳橋、屯門至赤鱲角連接路工程「斬件式」獲撥咗合共1177億港元,當中唔少屬超支撥款嚟[17]

招標工作[編輯]

港珠澳大橋前期工作協調小組辦公室共接獲3個聯營嘅投標書,各個聯合體分別由4-5間境內外資深橋樑設計諮詢公司組成,合共15間公司參與競投。經專家評選後,揀定中交公路規劃設計院有限公司聯營為第一中標候選人。

個聯營嘅其他成員包括丹麥科威國際諮詢公司同埋上海市隧道工程軌道交通設計研究院,會主要負責海底隧道嘅設計工作;中交第四航務工程勘察設計院,主要負責人工島設計工作;香港奧雅納工程顧問公司會連同公規院一齊負責橋樑工程設計,同時奧雅納公司會承擔港珠澳大橋香港段工程嘅初步設計。個聯營舊時參與過杭州灣跨海大橋、香港昂船洲大橋深圳灣公路大橋等嘅設計工作。

主橋(含海底隧道)工程總承建商亦係中國交建,同設計公司中標結果比;其中,海底隧道部分由天津分公司負責起。

歷史[編輯]

提議起[編輯]

睇埋:伶仃洋大橋

興建大橋連接香港珠海嘅計劃構想最初喺1983年由香港合和集團董事局主席胡應湘珠海市提出,嗰時稱為「伶仃洋大橋」[18],預計會連埋香港同珠海,由香港新界屯門爛角咀(今龍鼓灘發電廠[19],經過內伶仃島淇澳島,到達珠海市金鼎。珠海甚至經已喺佢境內起咗大橋嘅一部份,即今日喺珠海北頂頭嘅淇澳大橋;呢個構思喺中國大陸嘅舊版地圖仲見得到。胡應湘所構思嘅跨海大橋會打通香港西部同珠海,跟住再連埋番禺順德中山南海等埞,捉珠江三角洲嘅海運、河運、陸運同空運集埋一齊,會令香港成為珠三角嘅物流中心。不過,嗰時港英政府對起呢條跨海大橋冇乜興趣,個構思最屘就噉不了了之[20]

跟尾香港青嶼幹線通咗車,加上新嘅香港國際機場位於大嶼山,胡應湘又提出咗香港應善用青馬大橋等新落咗成嘅基礎建設;將座大橋嘅香港起點改咗為大嶼山,原伶仃洋大橋嘅計劃就噉擱置;並且逐步南移,加咗 澳門(單Y方案)同深圳(雙Y方案)入去。

2002年11月,時任中國國務院總理朱鎔基訪港[21],明確表示支持興建港珠澳大橋嘅計劃[22]。2003年開始,香港政府積極研究建設跨海大橋。喺嗰年1月發表嘅《施政報告》入便,時任行政長官董建華提出咗興建連接香港及澳門圭埋珠三角西部嘅大橋[23]。佢指出粵港兩地特別係同珠江三角洲有特殊嘅地理同人文關係,歷經廿幾年發展實際上已經形成咗一個互相依靠、功能齊全嘅大型經濟區,而單個城市嘅力量相對單薄,應加強同區內城市嘅優勢互補,進而提升香港喺成個地區嘅競爭力同地位[24]

呢項大型建設計劃經過草擬與協商後,最後喺2005年俾定咗係單Y方案,並且俾定名為「港珠澳大橋」[25]。連接深圳嘅路段就改由深港西部通道連接。

經過多個月協商,喺2007年2月達成協議,各地政府部門設置自己嘅入境口岸,即「三地三檢」[26];由於採用「三地三檢」而唔係「一地三檢」,唔使起原來計劃面積達2.62平方公里嘅人工島,所以主橋工程總預算由500億大幅減至大約300億,政治爭議亦少過西九龍站內地口岸區

建設[編輯]

2007年5月初,開始喺海底進行勘探工程。

2009年3月13號,粵港澳三地政府早過原定計劃兩個星期喺珠海簽訂大橋主體工程初步設計合約[27]。10月28號,國務院總理溫家寶主持召開第85次國務院常務會議中文國務院常務會議,通過咗港珠澳大橋嘅可行性報告[28]。12月15號,珠澳口岸人工島填海工程開工儀式喺珠海情侶南路東延長線一段舉行[29]港珠澳大橋管理局中文港珠澳大橋管理局揭牌儀式同其他合同簽約儀式亦一併舉行,時任中共中央政治局常委國務院副總理中文中華人民共和國國務院副總理李克強出席並主持咗儀式[30]。2011年12月14號,香港段工程正式動工[31][32][33]

2014年4月15號,開始整體吊裝一段鋼製橋面,近3000噸重,超130米長,大概33米闊。同時挑戰中國海上橋段吊裝最大、技術最難嘅記錄[34]

2016年9月27號,港珠澳大橋主體橋樑正式貫通[35]。2017年5月2號,最後一節隧道接頭完成咗對接,標誌住主體工程嘅全線貫通。2017年7月7號,港珠澳大橋隧道段貫通,標誌住大橋主橋(中國大陸段)全線貫通[36]。2017年11月15號,110千伏人工島輸變電工程完工投產[37],通信、照明同監控等系統開始有電力供應[38]。2017年12月25號,座大橋首次進行亮燈測試,橋塔亮起紅、綠、藍同紫四種顏色[39]。2018年2月6號,港珠澳大橋工程主體工程交付驗收[40]

2018年9月28至30號,三地舉行咗聯合試運行。2018年10月23號,喺珠海公路口岸舉行咗開通儀式。中共中央總書記國家主席習近平作為主禮嘉賓出席咗通車儀式並宣佈大橋正式開通[41][42]中共中央政治局常委國務院副總理韓正致辭,中共中央政治局委員、國務院副總理劉鶴中共中央政治局委員、中央辦公廳主任丁薛祥黨和國家領導人中央政策研究室常務副主任江金權全國政協副主席董建華何厚鏵梁振英廣東省委書記李希,廣東省委副書記兼廣東省長馬興瑞香港特首林鄭月娥澳門特首崔世安亦有出席儀式[43][44][45]。2018年10月24號朝早9點正式通車[46][47]

設計[編輯]

整體設計[編輯]

由澳門至深圳蛇口客船上拍攝嘅青洲航道橋主橋(2018年3月)

港珠澳大橋主體工程耗資約327億人民幣,整體工程估計約700億文[未記出處或冇根據]。大橋全長49,968米,主體工程「海中橋隧」35,578米長、包括5,664米海底隧道,設計壽命為120年,頂得住8度地震、16級颱風。喺珠江口伶仃洋南北兩便分別有兩個離岸人工島,之間使海底隧道駁埋。大橋初期計畫嘅起點係香港大嶼山石灣[48],但最終方案改為喺香港國際機場東部海面起人工島唻設立口岸,經過大澳以北海面並𨂾過珠江口,經過珠江口中心嘅海底隧道,最後抵達珠海及澳門口岸(珠澳口岸),分成兩端連接珠海拱北澳門東方明珠[49][50]

港珠澳大橋落成後,由香港揸車去珠海及澳門,路程會由4至5個鐘大幅縮減至約30分鐘。至2035年,預計每日有5萬至6萬架車以及23萬至25萬人次。人工島上除咗檢查大樓外,亦會包括無人駕駛列車,港珠澳大橋嘅旅客去到香港嘅檢查大樓唔使入境,可以透過人條無人駕駛列車直達香港國際機場客運大樓。對於無法過境嘅車,口岸附近會設立停車場,另外亦有公共巴士接駁[49]

人工島同海底隧道[編輯]

睇埋:港珠澳大橋香港口岸同埋珠澳口岸人工島
已經完工嘅東出入口人工島(2018年5月)
港珠澳大橋香港口岸人工島地盤(2018年1月)

港珠澳大橋設有嘅4大人工島(香港口岸、珠澳口岸及海底隧道東、西出入口人工島)具有標誌性同相關性,將會伙景觀設計考慮嘅重點。

喺珠海拱北灣南側、澳門新城區A區東面嘅珠澳口岸人工島係大橋主體工程同珠海及澳門兩地嘅銜接中心。兩地對關口岸同埋大橋收費站都設喺島上,投資達133.5億人民幣。設計採用咗砂、泥及土三種材料作為回填料。人工島地面標高5米;填海後、經過地基處理加固後,交工面標高4.5米,防得珠江口300年一遇嘅洪潮。港珠澳大橋建成後,基於澳門道路網嘅交通承受能力限制,香港車輛會唔駛得入澳門。到時人工島上會有兩座大型停車場,其中超過5,500個停車位係畀境外車輛使用,另外有2,000個停車位設喺離境通道前,主要畀澳門車輛使用。[51]

香港口岸設喺香港離島區赤鱲角東部嘅人工島上,作為港珠澳大橋香港段嘅出入境管制站。人工島造價估計超過100億文[未記出處或冇根據],連同連接嘅公路,預計整個港珠澳大橋香港連接線工程開支超過200億文。

海底隧道東、西出入口人工島使「鋼圓筒建島」做填海,快過傳統方式填海近2年。海底隧道西出入口人工島成為集交通、管理、服務、救援為一體嘅綜合營運中心;而海底隧道東出入口人工島就設有海上觀景平台,同時設有中華白海豚觀賞區[52][49],但邇啲喺大橋開通初期暫時唔開放住。

2010年,開始填海建造隧道人工島。2011年9月11號,隧道西人工島主體嘅結構工程完成;同年12月7號,隧道東人工島嘅主體結構工程完成[53]。同年12月21號,人工島嘅主體外圍結構工程完成,東人工島度跟住抽水同填沙,之後進行隧道工程。整體結構完成後,就可放入預製管道。2015年9月底兩個人工島嘅所有工程都會扂澌[54][55]

穿越深圳港廣州港進港航道嘅海底沉管隧道喺最初原計劃係要引入荷蘭技術嘅,荷蘭公司要求15億人民幣做專利費,令大橋島隧工程總工程師林鳴始料不及。中方提出以3億文代價,唔需要全部專利,只需荷蘭公司教識中方工程啲最危險、最無把握嘅部分。結果,計劃最終擱置咗,荷蘭公司藉機使歌曲暗示中國嘅自行興建,要中方自求多福。經過四年研究,沉管對接技術有咗新突破,而港珠澳大橋隧道嘅最後一節,只使咗一日咁滯就錔扂[56]

2013年5月3號,第一節隧道沉管工程開始,巨型沉管從位於香港以南嘅珠海桂山島嘅製造基地運去大橋喺海上嘅工程施展位置,沉管隧道由33條沉管節錔成,每節37米闊[57][58]。2017年5月2號,最後一節隧道接頭錔扂,標誌住主體工程嘅全線貫通。

橋樑[編輯]

青洲航道橋橋面

橋樑總長約23公里,按照六車道高速公路嘅標準建設,設計行車速度係100公里每小時。橋樑工程於2012年6月全面展開,劃分為5個工程合約進行施工。橋樑由非通航孔橋同埋通航孔橋相連組成,通航孔橋共有3座斜拉橋,自東向西依次為:青洲航道橋、江海直達航道橋、九州航道橋[59]

其中,青洲航道橋主跨458米,係3座斜拉橋中最長[59],採用雙塔雙索面鋼箱梁斜拉橋,全橋採用半漂浮體系,索塔採用雙柱門形框架塔,塔高163米,共設有14對斜拉索。橋下通航等級為1萬噸級,淨空高度42米,有效通航闊度318米。於2016年4月12號合龍[60][61]。整體造型及斷面形式除咗滿足抗風及抗震等要求外,充分到考慮景觀效果。估算興建費用為9億5千2百萬蚊,每平方米造價達31,300元,係大橋所有區段橋樑之中最貴。

而江海直達航道橋主跨516米(2x258m),索塔採用3個海豚狀嘅框架塔;九州航道橋主跨268米,索塔採用2個風帆狀嘅框架塔,塔高120米。

橋面[編輯]

港珠澳大橋車道

香港段橋面嘅行車線採用右上左落(靠右行)安排,有別於香港本地嘅左上右落(靠左行)嘅習慣。香港運輸及房屋局副秘書長(運輸)羅翠薇解釋呢噉安排嘅原因係大橋同香港連接路嘅交接點係一段時速100公里嘅快速公路,採用右上左落嘅行車安排係啱嘅,並能有效同順暢噉安排轉線,同時保障駕駛者同乘客嘅安全。橋面上有清晰界線,提示駕駛者就嚟進入嘅範圍屬於邊埞;路面亦有指示,任駕駛人士順暢自然噉轉換到另一個駕駛模式,聽司機好適應[62][63]

如大橋上發生咗意外,會依屬地原則處理。如車輛處喺中國大陸水域上嘅橋段,就要遵守中華人民共和國法律;如果意外發生喺香港橋段,就採用香港法律[64][65]。港珠澳三地政府設通報機制應對突發事故[64]。大橋上亦設有緊急通訊設備,包括閉路電視[62]

香港連接線[編輯]

內文:港珠澳大橋香港連接線
睇埋:屯門至赤鱲角連接路
港珠澳大橋跨沙螺灣段(2018年9月18號)

港珠澳大橋香港連接線毗鄰全球最繁忙機場之一嘅香港國際機場,由沿機場東岸1.6公里長嘅地面道路、1公里長嘅觀景山隧道同大概9.4公里長嘅高架橋組成。高架橋設計成180米嘅特大跨度,遠離北大嶼山生態敏感地區嘅同時,亦同機場南跑道埋政府飛行服務隊總部保持住距離,減少工程同車輛行駛對機場及飛行服務隊運作同附近碼頭嘅影響[66]。北大嶼山段俾設計成離水面同陸地較高嘅高架橋直接跨過沙螺灣,免得觸及極具保育價值嘅沙螺灣古蹟遺址一柵[67]

珠海連接線[編輯]

內文:港珠澳大橋珠海連接線

港珠澳大橋珠海連接線於2012年7月動工;東起自珠澳口岸人工島,喺拱北口岸同澳門關閘之間地底蜎過,經高架橋到達南屏,再喺竹仙洞水庫旁山中蜎過,西行去到洪灣,同西部沿海高速公路月環至南屏支線延長線連接,路線總長13.43公里[68]

2017年4月10號,珠海連接線最後一項控制性工程之拱北隧道全隧貫通,標誌住港珠澳大橋珠海連接線主體工程實現全線貫通[69]

亦有另一條雙線雙程大橋(有單車徑/行人路兩用路徑)連接情侶南路,條橋原本係建設口岸人工島時嘅連接路,已開放。

利用狀況[編輯]

可行走大橋嘅車輛[編輯]

現時可以行走港珠澳大橋嘅車有:粵港兩地車牌嘅車、港澳兩地車牌嘅車、擁有澳門配額嘅港籍單牌車、辦理一次性配額申請嘅車以及粵港澳三地政府商議可經港珠澳大橋嘅其它車輛。

2018年5月28號,香港方面開始接受「封閉道路通行許可證」申請,持有使用大橋嘅兩地牌或中港車牌私家車配額人士可以向運輸署申請[70]。2018年6月13號,澳門方面開始接受跨境私家車配額申請,個人及公司配額各300個,申請者要係澳門永久性居民[71][72][73]

行車方向[編輯]

港珠澳大橋將以中國大陸右上左落為行車方向,有別於港澳兩地左上右落嘅習慣 [62]。有民眾質疑港珠澳三地有兩地以左上右落為標準,點解要遷就一地而使用右上左落,官員指該路段位於廣東省水域,所以施行中國大陸法律,包括行車方向、汽車保險等規例,然而早已落成嘅深港西部通道落馬洲大橋等位於廣東省水域路段亦採用左上右落,有關說法備受質疑。香港政府更為此修例制定該路段以相反方向行駛,惹起爭議。

收費標準[編輯]

2009年時任香港運輸及房屋局局長鄭汝樺話,按融資安排三地政府希望儘量調低過橋嘅收費。如私家車每程估計收100元人民幣,貨車為200元,甚至更低。但強調最終嘅收費標準喺收費通車前3個月至確定並公佈[49]

2017年12月21號,廣東省發展改革委召開港珠澳大橋收費標準聽證會。

聽證方案一:私家車、出租車150元/車次,穿梭巴士、過境巴士450元/車次,貨櫃車115元/車次,普通貨車60元/車次。

聽證方案二:私家車、出租車150元/車次,穿梭巴士450元/車次,過境巴士200元/車次,貨櫃車115元/車次,普通貨車60元/車次[74]

兩個方案嘅區別在於過境巴士嘅收費標準。

至於粵港澳三地政府早前聯合公開招標大橋口岸穿梭巴士服務,文件指穿梭巴士收費每程大橋通行費預計達200至450元人民幣,即約234至526港元,以穿梭巴士每車45名乘客計算,每名乘客要畀5至12港元通行費。確切收費將由三地政府審視獲選營辦商嘅建議車費再作核定,但投入營運嘅頭12個月不得調整票價[75]

2018年8月23號,經廣東省人民政府批覆同意,港珠澳大橋收費站車輛通行費收費標準確定為:

車輛類別 通行費
細型客車(私家車、出租車) 150元/車次
大型客車(過境巴士) 200元/車次
大型客車(穿梭巴士) 300元/車次
普通貨車 60元/車次
貨櫃車 115元/車次

收費方式採用咗國標ETC同香港快易通等電子不停車收費同埋人工收費兩種方式。收費標準以人民幣收據,非現金收據以人民幣嚟計價。未攜帶人民幣以及未裝有ETC同快易通嘅車淨係可以去人工繳費車道用銀行卡(包括銀聯、萬事達同VISA卡)、支付寶、微信等非現金支付方式畀錢[76]

接駁交通[編輯]

旅客可由各區乘搭本地公共交通服務到三地口岸,轉港珠澳大橋穿梭巴士中文港珠澳大橋穿梭巴士。另外設有途經大橋嘅跨境直通巴士中文跨境巴士

本地公共交通服務[編輯]

香港口岸[編輯]

想知多啲:港珠澳大橋香港口岸#接駁交通

港珠澳大橋香港口岸設有港珠澳大橋香港口岸公共運輸交匯處中文港珠澳大橋香港口岸公共運輸交匯處,有9條現有嘅「A」線機場巴士改經港珠澳大橋香港口岸,1條「A」線機場巴士及14條夜間專營巴士路線以香港口岸作總站,另外新設3條「B」線專營巴士路線以及一條專線小巴。

珠澳口岸[編輯]

想知多啲:珠澳口岸人工島#接駁交通

澳門邊檢大樓設有邊檢大樓巴士總站中文港珠澳大橋邊檢大樓 (巴士總站)澳巴新福利分別開設101X中文澳門巴士101X路線同埋102X中文澳門巴士102X路線兩條巴士線,其中101X線係24小時服務。珠海公路口岸會有市內公交車、口岸專線巴士及珠海機場快線提供接駁服務。

穿梭巴士[編輯]

內文:港珠澳大橋穿梭巴士
港珠澳大橋穿梭巴士用嘅猛獅A95(ND363F)駛出紅磡碼頭粵港直通巴士露天車廠,俗稱「金巴」

廣東港珠澳大橋穿梭巴士有限公司將會經營港珠澳大橋穿梭巴士服務,穿梭巴士路線分為兩條:

跨境直通巴士[編輯]

旅客可直接由香港、澳門或珠江口西部城市市區乘搭跨境直通巴士中文跨境巴士,直接經大橋前往目的地市區,但要喺口岸落車辦理出入境手續。

有運輸業界話喺開通五日前至得悉,跨境直通車服務嘅巴士公司指由於準備唔切,通車初期未能調動巴士,會減少班次。而網上售票系統亦未能及時運作。政務司司長張建宗話一直跟業界保持溝通,有需要會提供協助[77]

效益[編輯]

由於三地關係千絲萬縷,三地學者同專家試圖先從民間層面研究同揾出最符合三地長遠發展嘅建橋方案。港珠澳大橋唔只涉及香港內部商業大集團嘅利益,而且重牽涉到粵港澳三地政府嘅未來發展規劃及長遠利益。

大橋建成後,由香港來往珠海、澳門、廣東沿海城市只需要幾十分鐘,比原本經虎門大橋廣深兩高速公路可以大幅縮減3個鐘。有研究顯示;香港四大支柱行業——金融業、貿易物流業、工商專業及支援業、旅遊業,將可擴展市場至珠三角西部地區;呢個區域經濟亦會影響廣西海南雲南貴州四川等省份。大橋嘅落實興建同啟用將為香港、澳門及珠三角地區造就更多建築及運輸行業嘅職位。[未記出處或冇根據]

不過根據運輸及房屋局嘅數字,大橋開通逾一個月,平均每日車流只有3000幾架次,當中近六成半係穿梭巴士及過境巴士,但貨櫃車使用率唔夠1%,有一日全日只有一架貨櫃車行經大橋。有業界人士認為由於珠海口岸缺乏報關公司協助,令業界唔願意用大橋[78]

香港[編輯]

隨住北京政府表態支持興建大橋,香港政府對計劃由最初嘅冷淡到後來嘅支持。大橋建成後,將會方便香港工業家到達粵港澳大灣區西岸投資開設工廠,亦對日益衰退嘅貨運業帶來好處[79],惟民間意見不一,包括環境保護問題,由於大橋連接北大嶼山公路嘅高架橋支線計劃通過東涌北岸沿海一帶,對北大嶼山新市鎮沿海一帶屋苑,包括海堤灣畔藍天海岸映灣園以及東涌東新發展區嘅居民帶來相當大影響,包括空氣污染等等,同時通車後所帶來嘅交通方便同東涌市區嘅急速發展,亦令呢啲屋苑嘅樓價大幅升值,近幾年來呢啲屋苑平均呎價不斷創新高,基本上已經超過港元一萬蚊以上[80]

2018年10月23號,港珠澳大橋開通儀式上,香港行政長官林鄭月娥強調以「明日大嶼願景」配合大灣區發展[81]

香港政府喺2008年提交立法會嘅文件指出,當時估算大橋車流量喺通車初期每日有9,200-14,000架次,其中3,650至3,900架次係往來香港至澳門;至2035年,日總車流量可達到35,700至49,200架次,其中10,200至10,550架次係往來香港至澳門。載客流量方面,可從通車初期每日37,000往來澳門人次,增至2035年80,000往來澳門人次[82]

2016年,三地政府重新評估後,估計2030年大橋日車流量有29,000架次,客流量12.6萬人,2037年兩個數字分別42,000架次及17.5萬人,比2008年首次評估低四分一,港府將下跌歸咎於深中通道同埋跨境道路運輸業萎縮[83][84]

2018年10月28號,港珠澳大橋通車後首個週日雖然創下7.8萬出入境人次高峰,人流量超出政府預期。但港、澳口岸都出現逾千人名排隊「金巴」嘅情況,有旅客話等咗超過一個鐘至上到車。運輸及房屋局長陳帆話現時每個鐘有90班穿梭巴士已「足以應付」。營辦商話乘客人數超出預期,承認現有車隊應付唔到現時需要,未來亦考慮買更多巴士,增加客運量[85]。11月4號,更創出出入境旅客數超過十萬人次嘅紀錄,有大批旅客批評經港珠澳大橋入境香港,令過境巴士安排大失預算。不過有旅遊業人士話有關旅行團並猜向旅遊業議會登記及未有安排本地旅行社接待[86]

澳門[編輯]

大橋建成後,將會加強澳門已經極為發達嘅博彩業,對於計劃,澳門政府表示全力支持,並且認為來往香港同澳門嘅交通時間可以大幅減省,方便交通。然而亦係因為同樣理由,客流可能會唔選擇喺澳門住宿,故此對澳門嘅酒店業存在潛藏嘅負面影響[未記出處或冇根據]

廣東省[編輯]

自從1997年虎門大橋通車之後,珠江口兩岸一直冇新嘅大橋動工,面對日益增多的車流量,虎門大橋早已不勝負荷,塞車成為常態。然而由於港珠澳大橋嘅提出,令深中通道虎門二橋都被延緩。直到2008年,《珠三角改革發展規劃綱要(2008-2020)》國務院批覆後,虎門二橋、深中通道至得以陸續開始建設[87]

港珠澳大橋建成後,能夠方便香港同大灣區西岸城市嘅聯繫,方便香港商人到達大灣區西岸投資實業,從而平衡珠三角東西兩岸發展。另外一方面,廣州市作為廣東嘅省會,一直係廣東省嘅政治、經濟及文化中心,以及係最重要嘅交通樞紐。由於大橋捨棄雙Y方案,深圳將會無法從港珠澳大橋計劃獲得任何直接收益,有人認為珠江西岸嘅貨物將會因為交通便利,而大量分流到香港。但由於當初同深圳共用嘅雙Y方案被否決,深圳決定興建深中通道,連接深圳同中山,港珠澳大橋嘅效益無可避免被分薄[88][89]。深圳政協亦喺2018年10月18號喺《關於做好交通供給側改革,進一步完善我市交通體系的提案》中提到遠期規劃中嘅港珠澳大橋深圳支線用於連接深圳,惟現時已可以經由深港西部通道連接深圳。

問題[編輯]

挑戰環境影響評估報告[編輯]

2008年,環保組織綠色力量發表《港珠澳大橋及北大嶼發展對蝴蝶熱點-䃟頭之影響》。報告提到生態評估末反映現實情況,又舉出香港過往環評報告做得差,調查時間唔夠。又指,香港係「蝴蝶天堂」比其他國家如日本、英國有更多蝴蝶,全香港有240種蝴蝶,東涌就佔87種,認為必須重視。[90]

2010年1月,一位東涌老婦由法律援助下,向香港高等法院提出司法覆核,挑戰《港珠澳大橋香港段環評報告(AEIAR-145/2009)[91]。2011年4月18號,高院判決香港環境保護署署長敗訴,指環評報告未有比較大橋興建前後空氣污染程度變化,違反《環境影響評估條例》要求同立法宗旨,決定撤銷對工程批出環境許可證[92]

2011年9月27號,高院上訴庭判決環保署署長上訴得直。港府表示由於司法覆核延誤至造價上升,須改變施工方法同要趕工,香港段工程再加價65億元[93]

後知司法介入令工程延誤係錯誤講法:

  • 公民黨余若薇指,法庭無向政府頒發工程禁制令;亦一早有報導指,政府首次敗訴時因為「工程要同大陸協調,同埋需要就大嶼山北邊大小磨刀進行額外海岸公園初步研究」先令到大橋工程延誤[94]
  • 2011年2月,港府已向立法會提交報告,大橋延誤15個月施工原因係:「大陸顧問需要較長時間對物理模型做出調整」;而大橋香港口岸方面,詳細設計同工地勘測工作延誤5個月,原因係「需要額外時間進行香港口岸國際概念設計比賽,然後再就上蓋建築進行詳細設計」,唔關司法事[95]

污染問題[編輯]

增加香港污染[編輯]

  • 空氣污染 -- 由政府新聞處環境保護署資料,東涌新市鎮空氣質素變差。2018年大橋開通後,東涌監測站錄得PM2.5PM10分別上升39%同49%,其中PM2.5含量超出世衞安全標準[96]。雖然東涌空氣一直都好差,不過政府話通車前空氣質素合乎標準,包括吸入懸浮粒子(PM10)、微細懸浮粒子(PM2.5)、二氧化氮二氧化硫一氧化碳方面。2013年至2017年,空氣污染明顯減幅達26%至38%[97]。另外,《香港01》報導指出大橋通車令東涌臭氧增加,而變成全香港最嚴重地區,批評無做好評估[98]
  • 都市污染 -- 好多大陸人用港珠澳大橋南下,令口岸附近地區多好多遊客聚集同亂拋垃圾,引起新固體廢物污染光污染噪音問題。旅議會同意污染改善問題上要對遊客「加強教育」[99]。《戶外燈光約章》受到環境諮詢委員會委員、立法會議員容海恩等人嘅質疑[100][101]。而家香港係全球光污染最嚴重嘅國際城市,光害集中香港市區[102]。但係大橋完工後人工島同東涌嘅高樓大廈等建設將令光害日益增加,長久影響島上原始生態[103]

中華白海豚減少 政府報告無公開[編輯]

《珠江口伶仃洋中華白海豚種群動態的長期監測》報告指,經過大橋施工,中華白海豚數量明顯減少,原本有1200條,而家得返900條。同大橋重疊伶仃洋南區,2017至18年度僅錄得301條中華白海豚,同2015至16年度431條;2005至06年度450條比較,明顯下降[104]

工程開始幾年內令一帶水質污染達707次超標[105]。《人民日報》一篇叫「大橋通三地 協作添動力」報道,斷言大橋環保措施「史無前例」,係環境「零污染」、白海豚「零傷亡」。文章得到中聯辦轉載到中華人民共和國政府網站入面[106][107]。但係,黨媒外有指中國大陸研究所監測報告顯示,大橋完工後,連中國大陸水域中華白海豚數目,下跌兩成至不足1000條。事實同官方講法有出入,官方冇公開科學報告。大橋管理局副局長余烈出席紀錄電影《港珠澳大橋》首映禮時,拒絕回應反駁[108]。而行政總監韋東慶聲言,中華白海豚數目多過以前,但有關言論引起環團批評係亂講[109]

香港海豚保育學會英文Hong Kong Dolphin Conservation Society研究指,2012至17年間,白海豚整體數量由80條減少到47條,跌幅高達40%。人工島填海更對海豚構成嚴重影響,大嶼山東北水域3年內冇白海豚出沒[110][111]。而《珠江口伶仃洋中華白海豚種群動態的長期監測》報告中指出中華白海豚數量明顯減少,中國大陸水域經過大橋施工,由原來的1200條下跌至900條。而伶仃洋南區大橋部份,2017至18年度僅錄得301條中華白海豚,同2015至16年度431;2005至06年度450條比較,亦分別下跌30%同33%[112]

世界自然基金會(WWF)香港分會海洋保育副總監李美華指,港珠澳工程幾乎全面覆蓋中華白海豚棲息地。白海豚所居珠江口鹹淡水交界,香港族群分佈大嶼山東北沙洲同龍鼓洲、人工島旁大小磨刀洲大嶼山西面大澳都係港珠澳工程範圍。工程造成填海污染同工程船噪音等問題,令白海豚由大嶼山東北面遷至西面,更進一步遷居大嶼山西南面高速船航道附近,情況極惡劣[113]

海水污染爭議[編輯]

2015年時,港府收到投訴指港珠澳工程地盤排放污水後,環保署到場未有發現[114]。2017年4月,大橋人工島曾流出黃泥水[115]。同年7月31號,大橋趕工再漏油污,政府冇捉到人[116]。8月,有記錄片顯示,大橋工地附近水域有油污,可能同工程船有關[117]不過,以前大陸涉事南方水域就已經有微膠粒化工化合物問題,受過批評[118][119][120]。而今次大橋工程造成新污染,加深原有問題。

成日超支[編輯]

香港段大橋原定2016年底完工,但就成日延誤同超支。造價由本來762億港元大幅超支至2017年時1,177億港元[121]

混凝土壓力報告造假[編輯]

2017年5月16號,香港廉政公署展開「綠田園」行動,拘捕混凝土測試承辦商「嘉科工程顧問有限公司」兩名高層人員同19名職員,指班友涉嫌借大橋工程貪污,向土木工程拓展署呈交虛假混凝土壓力測試報告。19名前實驗室職員被廉署落案起訴。其中,被告嘉科工程顧問前工地實驗室技術員黃國堯(61歲),已承認兩項「使用虛假文書罪」,判坐監八個月[122][123]

大量工傷同工人死[編輯]

大橋工程動工後,就成日有嚴重傷亡報告。直到2017年3月,工程共搞死10個人,600人受傷,外界形容為「血淚大橋」[124]同「一橋功成白骨枯」[125]。立法會議員同工會質疑政府無能監管,未嚴格按法例懲罰違例僱主,同無做好職業安全健康工作。通車前,有工業傷亡權益會人員、部分立法會議員,同建築地盤職工總會代表到現場點哀同獻花,同提議起返紀念碑,肯定同尊重「新雷鋒精神」,等大家重視職安問題。引指1970年代港英政府都為萬宜水庫五位殉職工人,起紀念碑[125][126][127]

大橋工人死亡名單[編輯]

  • 2012年10月25號10點半,人工島地盤工人用「鋼圓筒建島」方式填海時,有一臨時工作台突然下墜2米並疑有工料倒下,墜落硬物撞倒工人,當場壓斃1名58歲工人,另外14人受傷,當中兩人危殆,兩人嚴重[128]
  • 2014年7月23號,躉船上有一名男工人搬運喉管時,墮海身亡[128]
  • 2014年9月9號,躉船上再一名男工人處理淤泥時,墮海身亡[129]
  • 2014年10月19號凌晨2點19分,赤鱲角機場南路入面有一名地盤男工離地15米工作時工作台墮下,令佢跌死[130]
  • 2014年12月12號,香港口岸人工島上有一名挖泥機手開工操作挖泥機,地盤地面疑因風浪大而搖擺,連人帶機一齊墮海,過一晚後由消防蛙人發現已死[131]
  • 2015年4月7號,去興建中海底隧道工程地盤有吊鈎連鋼纜鬆脫而墮下,擊殺一名機械工程公司股東[131]
  • 2016年4月23號,人工島橋躉有人墜海身亡,死者係35歲泰籍外勞,佢身上安全帶連圍欄由15米高地方急墜[132]
  • 2017年3月29號,港珠澳大橋下一個懸掛式工作台帆布索帶突然斷裂,三名台上南亞裔工人隨工作台飛墮入海,帆布索帶同時飛彈橋面面,抽擊另兩名南亞工,令兩人跌入大海[133]
  • 2017年5月5號傍晚6時,赤鱲角人工島上有一名36歲工人維修發電機時,懷疑旁邊油桶搶火引發火災,事主手腳燒傷,情況危殆[134]
  • 2017年5月25號上午9點28分,人工島B1區一名35歲男工人從高處墮下,送院時清醒之後危殆[135][136]

節目探討[編輯]

2017年8月7號,香港電台節目《鏗鏘集》用「工傷之後」為題材,描述港珠澳大橋工業意外入面,部份工人同家屬受到司法過程,政府部門緩慢處理手法困擾,受到難受同辛苦。反問當時承辦商同政府點解一拖再拖。節目重探討邊個責任。節目播出後,港台網站個《鏗鏘集》專欄有介紹「工傷之後」[137]

行車方向[編輯]

港珠澳大橋用中國大陸右上左落行車方向,同港澳兩地左上右落習慣唔同 [62]。有民眾質疑港珠澳三地有兩地以左上右落標準,點解要遷就一地用右上左落,大陸官員話因為大陸水域,故施行中國大陸法律,包括行車方向、汽車保險等規例。然而,早已落成深港西部通道落馬洲大橋等同樣位於中國廣東省水域路段亦採用左上右落,有關說法備受質疑。香港政府更事後修例,制定該路段用相反方向行駛,惹起爭議。


人工島防波堤疑出現飄移同沉降[編輯]

港珠澳大橋東人工島(2017年5月)
隧道東人工島由大石組成防波堤部分範圍邊緣參差不齊,看似被海水「沖散」(2018年7月)

香港口岸人工島填海地被報章報道出現飄移同沉降[138][139]

2018年4月3號,「UAVHongKong 香港無人機航拍會」facebook群組[140]入面有人分享航拍照片,發現隧道人工島由大石組成防波堤部分範圍邊緣參差不齊,疑被海水「沖散」。

第二日,大橋管理局發聲明,認為相片可能係「觀感上、視覺上錯覺」,係刻意隨意擺放[141]。《文滙報》直指《蘋果日報》造謠,質疑拍攝相片網友非工程界專業人士[142]。同月6日,香港特首林鄭月娥指:工程穩妥係一件具科學驗證事情,要有專家論證,勿用個別照片質疑設計[143]。同月9號,路政署表示此人工島設計係用三百年一遇[144][145]水位同風浪作為標準。同月10號,路政署長鍾錦華會見傳媒解釋事件,強調防波堤同「定點隨機安放」弱波石現况係脗合施工圖,無需修補,強調防波堤設計科學、合理同安全。不過,工程師質疑講法,同時批評政府未有提供施工圖、水流數據等資料,無法說服市民解答疑團[146] [147]

東涌旅客過載影響民生[編輯]

東涌站外面搭B6巴士線嘅人潮
睇埋:光復東涌

自港珠澳大橋開通後,大批旅客每逢周未周日到香港大嶼山東涌一帶玩,平日旅客都絡繹不絕。而市中心B6巴士總站下晝開始有過千人等車,人龍排到成百米,要等40分鐘以上。區內居民抱怨旅客迫爆、大聲、影響生活、要求將巴士站遠離民居。而幾個商場人流相當多,食市冇位,大排長龍,洗手間衞生情況亦變得惡劣。居民指部分貨品俾旅客極速搶購一空,嚴重影響民生,認為東涌已「淪陷[148][149]

2018年11月9號,香港運輸局局長陳帆希望抵港旅客坐A線巴士或者B5,唔好集中東涌入面[150]。同時,香港口岸旅遊巴士泊車位預約期限由提前三日縮短至每週五下午五點前,以期望旅遊巴多到人工島口岸而唔係東涌落客[151]。 大橋開通令多日都出現中國大陸遊客「塞爆」東涌現象,行政長官林鄭月娥到立法會答問大會上話,已同港珠澳大橋穿梭巴士公司商討用預約服務分散時間,用B5線同增加旅遊巴,將旅客分流到欣澳。旅客可以經由欣澳站轉乘港鐵到市區[152]

違法中國旅行團[編輯]

根據香港法例,訪港旅行團要有香港登記本地領隊。不過,多數大陸一日團係無牌經營,大陸領隊涉做「黑工」。立法會議員質疑黑工領隊係違反《旅行代理商條例》。商務及經濟發展局長邱騰華表示關注違規旅行團情况,會同廣東省港澳辦提出[153]。廣東省文化旅遊廳答覆港府並下達指令,如有發現訪港旅行團,無遵守香港法例情況,將會依法處理[154]

參考[編輯]

  1. 1.0 1.1 . . 原著喺2020-03-28歸檔. 喺2018-06-08搵到.
  2. . www.gdi.gov.mo. 原著喺2017-12-27歸檔. 喺2017-12-27搵到.
  3. 橋簡介 - 港珠澳大橋管理局. www.hzmb.org. 原著喺2017-12-27歸檔. 喺2017-12-27搵到.
  4. . 港珠澳大橋管理局. 原著喺2018-06-12歸檔. 喺2018-06-07搵到.
  5. https://www.beltandroad.gov.hk/work_tc.html 一帶一路.香港]
  6. "Megastructures: seven wonders of the modern world near completion". The Guardian (英文).
  7. 珠澳大橋創造外海築島"中國速度". 華網. 2017-12-24. 原先內容歸檔喺2018-01-10. 喺2018-01-10搵到.
  8. 運輸及房屋局局長談港珠澳大橋 互聯網檔案館歸檔,歸檔日期2016年3月4號,.,香港特區政府新聞公報,2008年2月28號
  9. 2008年7月30號,《東方日報》,港珠澳橋三地政府全資建
  10. 珠澳大橋最新進展 港珠澳大橋效果圖 港珠澳大橋簡介. Bm.szhk.com. 原先內容歸檔喺2017-11-08. 喺2017-06-02搵到.
  11. 務小組委員會討論文件 PWSC(2009-10)17 (PDF). 原著 (PDF)喺2017-12-27歸檔. 喺2017-06-02搵到.
  12. 2008年8月5號,ON.CC即時新聞
  13. 珠澳大橋 - 主橋撥款資助 (PDF). . 2009-05-06. 原著 (PDF)喺2010-08-16歸檔. 喺2010-03-29搵到.
  14. 務委員會2009年5月22日(星期五)下午4時30分舉行的會議決定的紀錄. . 原著喺2010-01-30歸檔. 喺2010-03-29搵到.
  15. 港珠澳橋造價勁增65億 互聯網檔案館歸檔,歸檔日期2016年5月6號,. 《星島日報》 2011年10月27號
  16. 港立法會通過485億港元興建港珠澳大橋撥款. News.qq.com. 原著喺2017-12-11歸檔. 喺2017-06-02搵到.
  17. 黃雅盈, 甄挺良,. 珠澳大橋千億工程超支無底洞 港府或需再付50億港元公帑填氹. 港01. 喺2017-12-27搵到.{{cite web}}: CS1 maint: extra punctuation (link)
  18.  西廿. Southcn.com. 2003-08-07. 原先內容歸檔喺2012-06-20. 喺2017-06-02搵到.
  19. 5. 后海灣海岸公路. . 原先內容歸檔喺2015-04-02. 喺2011-11-03搵到.
  20. 史檔facebook專頁 (2018-05-01). (中文). {{cite web}}: |author= has generic name (help)
  21. . 果日報. 2002-09-21. 原先內容歸檔喺2018-10-22. 喺2018-10-22搵到.
  22. . 彙報. 2002-11-22. 原先內容歸檔喺2018-10-22. 喺2018-10-22搵到.
  23. 西. 2003年香港政府施政報告. 2003年1月. 原先內容歸檔喺2018-06-14. 喺2018-06-03搵到.
  24. 快珠三角經濟融合 方向和目標. 2003年香港政府施政報告. 2003年1月. 原先內容歸檔喺2018-06-14. 喺2018-06-03搵到.
  25. . Ghdi.com.cn. 原先內容歸檔喺2016-06-05. 喺2017-06-02搵到.
  26. . 大紀元時報. 2007-02-02. 原先內容歸檔喺2018-07-10. 喺2018-06-03搵到.
  27. . News.sina.com.hk. 原著喺2011-02-27歸檔. 喺2017-06-02搵到.
  28. . 香港特別行政區政府新聞公報. 2009-10-28. 原先內容歸檔喺2018-06-21. 喺2018-10-20搵到.
  29. . 澳門特別行政區政府 建設發展辦公室. 2009-12-15. 原先內容歸檔喺2018-07-10. 喺2018-06-03搵到.
  30. . . 中央政府門戶網站. 2009-12-15. 原先內容歸檔喺2018-07-10. 喺2018-06-03搵到.
  31. . 原著喺2012年11月2號歸檔. 喺2018年12月23號搵到. 《星島日報》 2011年12月15號
  32. . . 2011-12-15.{{cite news}}: CS1 maint: url-status (link)
  33. . . 2011-12-15. 原著喺2012-01-13歸檔.
  34. 珠澳大橋將整體吊裝3000噸鋼製橋面. 中國日報網. 2014-04-15. 原先內容歸檔喺2014-05-02. 喺2014-05-01搵到.
  35. 珠澳大橋主體橋樑貫通:全球最長 抗八級地震. 騰訊網. 2016-09-28. 原先內容歸檔喺2016-09-28. 喺2016-09-28搵到.
  36. 時8年!港珠澳大橋主體工程今全線貫通. 香港經濟日報中國頻道. 2017-07-07. 原先內容歸檔喺2017-11-21. 喺2017-07-07搵到.
  37. 珠澳大橋正式通電!35千伏高壓線穿6.7公里海底隧道. . 2017-11-17. 原著喺2017-12-11歸檔. 喺2017-12-10搵到.
  38.  . . 2017-12-10. 原先內容歸檔喺2017-12-11. 喺2017-12-10搵到.
  39. . . 2017-12-26. 原先內容歸檔喺2018-01-11. 喺2018-01-10搵到.
  40. 珠澳大橋主體工程將於2月6日交付驗收. . 2018-02-04. 原先內容歸檔喺2018-02-05. 喺2018-02-05搵到.
  41. 近平出席港珠澳大橋開通儀式 韓正指體現中央重視. . 2018-10-23. 原先內容歸檔喺2018-10-23. 喺2018-10-23搵到. 中共總書記習近平表示:「我宣佈港珠澳大橋正式開通。」
  42. 珠澳橋開通儀式 習近平無發表講話. . 2018-10-23. 原先內容歸檔喺2018-10-27. 喺2018-10-23搵到. 造價1200億元、被英國《衛報》選為「現代世界七大奇蹟」之一的港珠澳大橋今天舉行開通儀式,明天正式通車。中共總書記、國家主席習近平主持儀式,他除了宣佈大橋啟用外,並沒有發表講話。
  43. 珠澳大橋24日通車 港媒曝習近平或出席揭幕式. . 2018-10-19. 原先內容歸檔喺2018-10-19. 喺2018-10-20搵到.
  44. 習近平時隔6年再赴廣東考察調研 互聯網檔案館歸檔,歸檔日期2018年10月27號,.2018-10-19
  45. 韓家慧, 編 (2018-10-23). . 新華社. 原先內容歸檔喺2018-10-23. 喺2018-10-23搵到.
  46. 珠澳大橋將於24日上午9時正式通車. . 2018-10-20. 原先內容歸檔喺2018-10-20. 喺2018-10-19搵到.
  47. 帆:港珠澳大橋下週三上午9時正式通車營運. 視廣播有限公司 (中文). 2018-10-19. 原先內容歸檔喺2018-10-19. 喺2018-10-19搵到.
  48. 原字係「
  49. 49.0 49.1 49.2 49.3 珠澳大橋15日動工 壽命120年可抗8級地震_新聞_騰訊網. news.qq.com. 原先內容歸檔喺2009-12-17. 喺2009-12-12搵到.
  50. 橋將採用最高建設標準,抗震達8度震烈度. Gd.gov.cn. 原先內容歸檔喺2018-01-11. 喺2017-06-02搵到.
  51. 為分流港珠澳大橋 澳門擬興建第四條跨海通道[失咗效嘅鏈] 2009年12月22號 14:49 中國窗 香港商報
  52. 珠澳大橋將定位為"世上傑出工程之一". Chinareviewnews.com. 原先內容歸檔喺2018-07-11. 喺2017-06-02搵到.
  53. 港珠澳大橋人工島結構完工[失咗效嘅鏈] 《明報》 2011年12月7號
  54. 兩人工島完成外圍結構工程 互聯網檔案館歸檔,歸檔日期2012年11月2號,. 《星島日報》 2011年12月21號
  55. . 原先內容歸檔喺2012-11-02. 喺2018-10-27搵到.
  56. 中國工程師力拚荷蘭建橋公司 互聯網檔案館歸檔,歸檔日期2018年4月9號,.. 星島日報. 2017-10-18.
  57. . Yahoo!新聞. 原先內容歸檔喺2016-03-17. 喺2018-10-27搵到.
  58. . 方日報. 2013-11-27. 原先內容歸檔喺2013-12-01. 喺2014-11-01搵到.
  59. 59.0 59.1 珠澳大橋及香港相關工程項目通訊2013-05 (PDF). 路政署. 2013–05. 原先內容歸檔 (PDF)喺2016-04-23.{{cite web}}: CS1 maint: date format (link)
  60. 珠澳大橋主橋最大跨徑航道橋合龍 跨1150米. 鳳凰網. 2016-04-12. 原先內容歸檔喺2016-04-13.
  61. 熊佳焰 成寶剛 (2016-04-12). 珠澳大橋青洲航道橋順利"合龍". 鳳凰網. 原先內容歸檔喺2016-04-22.
  62. 62.0 62.1 62.2 62.3 珠澳大橋 上左落. . 2017-05-13. 原先內容歸檔喺2018-01-21. 喺2018-01-20搵到.
  63.  . 明報. 2017-02-20. 原先內容歸檔喺2017-02-22. 喺2017-02-22搵到.
  64. 64.0 64.1  . 港01. 2017-05-12.
  65.  . . 2018-07-11. 原先內容歸檔喺2018-07-12. 喺2018-07-11搵到.
  66. 珠澳大橋香港接線完工 全部橋樑符承載能力要求. (中文). 2018-01-20.
  67. . . 2018-01-20. 原先內容歸檔喺2018-01-21. 喺2018-01-20搵到.
  68. . 原著喺2014-08-27歸檔. 喺2014-08-27搵到.
  69. . 中新網. 2017-04-10. 原先內容歸檔喺2017-04-14. 喺2017-04-13搵到.
  70.  使. 香港01. 2018-05-26.
  71. . 澳門電台. 2018-06-13. 原先內容歸檔喺2018-06-13. 喺2018-06-13搵到.
  72. . 新浪網. 2018-06-13. 原先內容歸檔喺2018-06-13. 喺2018-06-13搵到.
  73. 珠澳大橋港澳跨境私家車澳門配額 接受申請. 無綫新聞. 2018-06-13. 原先內容歸檔喺2018-06-13. 喺2018-06-13搵到.
  74. 信息來源:價格管理處 (2017-12-06). . 原著喺2018-07-10歸檔. 喺2017-12-18搵到.
  75.  . 東方日報 (香港). 2017-06-19. 原先內容歸檔喺2018-07-11. 喺2017-06-20搵到.
  76. 珠澳大橋通行指南"全攻略"發佈. 原先內容歸檔喺2018-10-22. 喺2018-10-22搵到.
  77.  . Now新聞台. 2018-10-20. 原先內容歸檔喺2018-10-20. 喺2018-10-20搵到.
  78. 珠澳大橋開通以來貨櫃車使用率不足1%. Now新聞台. 2018-12-08. 原著喺2018-12-16歸檔. 喺2018-12-16搵到.
  79. 港珠澳大橋帶來兩個好處 是時候尋找優質工業股[失咗效嘅鏈]曾淵滄 2009年12月16號
  80. 公民黨對港珠澳大橋、口岸設施及屯門至赤臘角連接路環境評估報告的意見香港公民黨新聞稿 (3/9/2009)
  81. . . 2018-10-23. 原先內容歸檔喺2018-10-23. 喺2018-10-23搵到.
  82. 法會交通事務委員會 討論文件 港珠澳大橋 (PDF). 法會CB(1)1520/07-08(01)號文件 交通事務委員會. 2008-05-16. 原先內容歸檔 (PDF)喺2018-06-27. 喺2018-06-03搵到.
  83. 導指新估算客量將降25% 運房局稱因深中通道. 香港01. 2018-06-18.
  84. 珠澳橋新估算 客量降1/4 政府稱主因深中通道 議員質疑高鐵三跑啟用後更差. 明報. 2018-06-18. 原先內容歸檔喺2018-06-27. 喺2018-06-27搵到.
  85. 橋週日現人龍 陳帆:金巴足應付 營辦商:研增運力 添購車輛. . 2018-10-30. 喺2018-10-30搵到.
  86. . Now新聞台. 2018-11-04. 喺2018-11-05搵到.
  87. 過是非 - 虎門大橋為何堵得這麼慘?珠江口交通瓶頸20年之怪現狀. 原先內容歸檔喺2018-07-11. 喺2018-05-30搵到.
  88. 珠澳橋 對港是禍是福?. . 原先內容歸檔喺2016-03-16. 喺2016-05-10搵到.
  89. . . 2016-02-02. 原先內容歸檔喺2016-05-19. 喺2016-05-10搵到.
  90. (PDF). 綠色力量. 2008年5月28號. 原先內容歸檔 (PDF)喺2018年11月22號.
  91. . 新聞公報. 2011-06-22. 原著喺2011-11-30歸檔. 喺2011-10-01搵到.
  92. "''Chu Yee Wah v Director of Environmental Protection'' HCAL 9/2010". Legalref.judiciary.gov.hk. 喺2017-06-02搵到.
  93. 運輸及房屋局局長談港珠澳大橋環評司法覆核的上訴裁決(一) 互聯網檔案館歸檔,歸檔日期2013年1月20號,.,新聞公報,2011年9月27日。
  94. [1] 互聯網檔案館歸檔,歸檔日期2013年12月27號,.《屈得就屈》,余若薇,雅虎新聞專欄《讚彈》,2011年11月24日
  95. [2] 互聯網檔案館歸檔,歸檔日期2013年12月27號,.《立法會發展事務委員會 香港建造業人力方面的最新情況》,2011年2月22日討論文件CB(1)1308/10-11(05)
  96. 橋通車後 東涌空氣勁污染 PM2.5激增136%. 原著喺2018年11月11號歸檔. 喺2018年11月21號搵到.
  97. 立法會十三題:東涌空氣質素 香港特別行政區政府新聞公報
  98. 【港珠澳大橋】東涌臭氧污染全港最嚴重 大橋環評報告偏偏不評估
  99. 珠澳大橋客聚集東涌亂拋垃圾 旅議會:將加強教育. 原著喺2018年11月11號歸檔. 喺2018年11月21號搵到.
  100. 燈光約章實施兩年 光污染投訴反升 2018年10月9號
  101. 解決光污染 政府唔能再做無牙老虎 06/06/2018
  102. 探射燈:有研究指港光污染全球最嚴重之一 2018年8月23號
  103. 東涌發展 光害可致滅種 互聯網檔案館歸檔,歸檔日期2018年11月13號,. 2018年2月24號
  104. 大橋工程影響 伶仃洋白海豚減逾20% 互聯網檔案館歸檔,歸檔日期2019年4月22號,. 東方日報 2018年11月13日
  105. 【港珠澳大橋】水質污染707次超警戒線 白海豚絕迹 香港01
  106. 大橋通三地 協作添動力中央人民政府駐香港特別行政區聯絡辦公室
  107. 鄺曉斌 (2018-11-12).  . 港01. 喺2018-11-13搵到.
  108. . . 2018-11-12. 喺2018-11-13搵到.
  109. . . 2018-11-04. 原著喺2018-11-13歸檔. 喺2018-11-13搵到.
  110. 西 . . 2018-10-28. 喺2018-11-13搵到.
  111. 珠澳通車6年工程中華白海豚剩47條!環團憂日大嶼上加霜. . 2018-10-22. 原著喺2018-11-13歸檔. 喺2018-11-13搵到.
  112. 大橋工程影響 伶仃洋白海豚減逾20% 互聯網檔案館歸檔,歸檔日期2019年4月22號,. 東方日報 2018年11月13日
  113. 填海污染水質 噪音24小時無休止港珠澳大橋9年工程 84中華白海豚冇命 互聯網檔案館歸檔,歸檔日期2018年11月5號,. appledaily. 2018年10月21號
  114. [https://news.mingpao.com/ins/instantnews/web_tc/article/20151002/s00001/1443791132539 報道指港珠澳橋地盤涉排污水 環保署:未發現有污水排放]明報 2015年10月2日
  115. 環團懷疑港珠澳大橋周邊水域受污染 2017年4月18日
  116. 港珠澳橋趕工漏油恐影響生態 海事處視而不見 東方日報 2017年7月31日
  117. 港珠澳橋水域頻爆油污 船隻快閃海處無符 東方日報 2017年08月29日
  118. 60%港海水樣本含微膠粒 元兇可能係你!. 原著喺2018年7月3號歸檔. 喺2018年11月21號搵到.
  119. 國鹽有微塑膠 食一年吞千粒 海鹽最多 岩鹽最少. 原著喺2018年11月13號歸檔. 喺2018年11月21號搵到.
  120. 9成食鹽含可致癌微塑膠 中國和台灣出產食鹽高危
  121. 香港01 - 港珠澳大橋千億工程超支無底洞 港府或需再付50億港元公帑填氹
  122. 黃雅盈、鄭秋玲、黃靜薇 (2017-05-23). 珠澳大橋屎壓力報告疑造假涉6大疑團 1年前政府已知?. 港01.
  123. 珠澳橋石屎造假 前職員用假文書囚8個月. 方日報. 2017-12-01. 原先內容歸檔喺2017-12-05. 喺2017-12-07搵到.
  124. 橋至今釀6死18傷 (繁體中文). 蘋果日報 (香港). 2015-04-08. 原先內容歸檔喺2015-04-10. 喺2015-04-08搵到.
  125. 125.0 125.1 20工友命喪港珠澳大橋工程 議員工會橋躉獻花默哀橋功成白骨枯. . 2018-10-19. 原先內容歸檔喺2018-10-20. 喺2018-10-19搵到.
  126. 珠澳血橋 工會促為殉職工人立碑 政府無反應 工程公司70年代萬宜水庫立碑紀念工人. . 2018-10-19. 原先內容歸檔喺2018-10-20. 喺2018-10-20搵到.
  127. 廿  . 港01. 2018-10-19.
  128. 128.0 128.1 人墮海 命喪港珠澳人工島. . 2014-07-24. 原先內容歸檔喺2017-10-22. 喺2017-05-27搵到.
  129.  . . 2014-09-10. 原先內容歸檔喺2015-01-13. 喺2017-05-27搵到.
  130. 十噸重組件扯甩吊機 港珠澳橋塌工作台一死. . 2014-10-20. 原先內容歸檔喺2017-10-28. 喺2017-05-27搵到.
  131. 131.0 131.1  . 蘋果日報. 2014-12-14. 原先內容歸檔喺2014-12-14. 喺2014-12-14搵到.
  132. . 東方日報. 2016-04-24. 原先內容歸檔喺2016-04-24. 喺2016-04-24搵到.
  133. 全帶成奪命索 一人臨危解扣逃命 港珠澳橋塌工作台 墮海三人一死一失蹤. 星島日報. 2017-03-30. 喺2017-03-30搵到.{{cite web}}: CS1 maint: url-status (link)
  134. . 蘋果日報. 2017-05-06. 原先內容歸檔喺2017-05-05. 喺2017-05-07搵到.
  135. 珠澳大橋工傷 工人高處墮下命危. . 2017-05-25. 原先內容歸檔喺2017-05-28. 喺2017-05-27搵到.
  136. 珠澳大橋再有工傷工島地盤出意外 男工8米高台墮下送院. 港01. 2017-05-25. 喺2017-05-27搵到.
  137. 鏗鏘集-工傷之後 互聯網檔案館歸檔,歸檔日期2017年8月14號,. 2017-08-07
  138. 人工島鋼筒80倍速沉降 恐壓斷隧道 互聯網檔案館歸檔,歸檔日期2018年4月10號,.. 東方日報. 2018-01-02.
  139. . std.stheadline.com. 原先內容歸檔喺2018-07-11. 喺2018-04-12搵到.
  140.  . on.cc. 原先內容歸檔喺2018-04-06. 喺2018-04-06搵到.
  141. 珠澳橋東人工島防波堤疑沖散 大橋管理局:錯覺. am730. 2018-04-04. 原先內容歸檔喺2018-04-06. 喺2018-04-04搵到.
  142. - 香港文匯網. news.wenweipo.com. 原先內容歸檔喺2018-04-06. 喺2018-04-06搵到.
  143. 881903.com 商業電台 - 林鄭月娥指外界勿以個別照片質疑港珠澳大橋設計. 881903.com. 原先內容歸檔喺2018-04-06. 喺2018-04-06搵到.
  144.  . Apple Daily 蘋果日報. 原先內容歸檔喺2018-04-10. 喺2018-04-10搵到.
  145. 881903.com 商業電台 - 路政署指港珠澳大橋人工島防波堤設計採用相當高標準. 881903.com. 原先內容歸檔喺2018-04-10. 喺2018-04-10搵到.
  146. 政署長:防波堤設計合理 非冲散 工程師促公開數據 質疑島頭弱波石防船撞說法. 明報. 2018-04-10. 原先內容歸檔喺2018-04-10. 喺2018-04-10搵到.
  147. 珠澳橋防波堤爭議 擺放方法關鍵. skypost.ulifestyle.com.hk. 2018-04-13. 原先內容歸檔喺2018-04-19. 喺2018-04-19搵到.
  148. 東涌巴士排長龍 區議員指噪音擾民. . 2018-11-04. 喺2018-11-04搵到.
  149. 珠澳大橋3萬大軍壓境東涌恐怖淪陷 廁所清潔工:地上有屎有尿. . 2018-11-04. 喺2018-11-04搵到.
  150. 涌迫爆.短片帆籲乘B5往欣澳轉港鐵出市區 乘地鐵有$1優惠 (15:11). 明报. 2018-11-09.
  151. . 大公报. 2018-11-09.
  152. 客連日逼爆東涌 林鄭:已與金巴商討分流旅客. 星島日報. 2018-11-04.
  153. 東涌大橋團兩無涉違法 無牌無 領隊疑 政府交警跟進. . 2018-11-06. 喺2018-11-06搵到.
  154. 頭條. . 頭條. 原著喺2018-11-09歸檔. 喺2018-11-09搵到.

[編輯]

睇埋[編輯]

出面網頁[編輯]