屯門

出自維基百科,自由嘅百科全書

座標: 22°23′0″N 113°58′0″E / 22.38333°N 113.96667°E / 22.38333; 113.96667 屯門粵拼tyun4 mun4英文Tuen Mun)係香港,喺新界西部,南面係青山灣。呢度以前係鄉郊同漁村,今日係人口稠密嘅新市鎮。對出嘅青山灣未填海之前,屯門係一塊沖積地。西面有青山,東面有九徑山,係一條狹長嘅地方。響英國接管新界,曾長期叫青山cing1 saan1),直至新市鎮拓展爲止。屯門家下係屯門區市區。

屯門呈南北向,中間有青山公路、輕鐵屯馬綫貫通。

屯門湖蝶灣公園

[編輯]

根據史書記載,屯門以前係個海峽,可以行船。而隔籬青山就係個。以前門就係海峽咁解,而屯就係駐兵。屯門地理位置,以前的確有軍事價值。不過至於屯門係咪因為咁叫屯門,就未有文獻發現。

今日屯門西北方,即係深圳特區南頭嗰頭,大唐嗰陣係叫屯門鎮,而今日屯門都幾近當時嘅屯門鎮,所以呢度都係屯門鎮嘅一部份。後尾,元朝末年,有江西陶氏人響呢度落地生根,起咗條屯門村,而條村大咗之後就改過名屯門大村。因為佢曾經係呢塊地主要嘅村,所以之後呢度就叫屯門喇。大明嗰陣,青山灣就叫屯門澳。有講法指屯門1514年曾經畀葡萄牙佔領過,不過1521年畀大明軍趕走。不過亦有考證屯門島喺內伶仃,係外國船等入省城嘅地方。屯門呢個名一直用到英國人租新界。英國人叫呢度做Castle Peak,中文就跟住改名青山。呢個名一直用到要起屯門新市鎮為止。