粵語文法

出自維基百科,自由嘅百科全書
Jump to navigation Jump to search

粵語係種分析語言,一句之中字詞嘅次序決定成句嘅意思;大部份情況下,主題都放喺一句開頭,所以粵語算做話題優先語言

粵語嘅詞素唔會通過變位來表示語法功能;要表達時間、性別或者單眾數時,會加啲補充詞:用副詞嚟表達時態;用疑問詞變一句做條問題;用感嘆詞表達語氣。有時亦要靠上文下理嚟推斷。

代名詞[編輯]

好似第啲漢藏語系嘅語言咁,粵語嘅代名詞一身兼擔主格賓格嘅文法功能。粵語用下面呢啲代名詞:

代名詞 發音(粵拼) 文法分類 對應普通話代名詞
ngo5 第一人稱單數
你/妳 nei5 第二人稱單數 你/妳
keoi5 第三人稱單數 他/她
我哋 ngo5 dei6 第一人稱眾數 我們
你哋 nei5 dei6 第二人稱眾數 你們/妳們
佢哋 keoi5 dei6 第三人稱眾數 他們/她們

另外,粵語重由文言文到繼承徂相當一部份第二人稱敬稱,包括:

代名詞 發音(粵拼) 文法分類 對應普通話代名詞
閣下 gok³ haa⁶ 第二人稱單數敬稱
各位/諸君 gok³ wai² / zyu¹ gwan¹ 第二人稱複數敬稱

連繫詞[編輯]

粵語嘅「係」更多係用來做聯繫詞。

  • 例:「尋日中秋節。」

由於粵語嘅形容詞可以直接做謂語,因此形容詞前面唔一定要加「係」。

  • 例1:「房間好大。」
  • 例2:「房間係好大。」
  • 例2:「房間係好大,不過家私就有啲陳舊嘞。」
  • 「係」[hai6]同「喺」[hai2]係兩個唔同嘅字。「喺」同「響」[hoeng2]係用嚟表示時間同地點,相當於普通話嘅「在」。
    • 例如:「我而家圖書館。」

否定句[編輯]

粵語最常見嘅否定成份包括「唔」、「無」同「未」。

「唔」[編輯]

Wiktionary-logo-en.png
維基辭典入面有佢嘅解釋:

「唔」係最常見嘅否定語素,可以否定名詞、動詞、形容詞、副詞甚至介詞等。

「無」、「冇」[編輯]

Wiktionary-logo-en.png
維基辭典入面有佢嘅解釋:

「無」(俗寫「冇」[註 1])除徂係「有」嘅反義詞之外,重經常做動詞嘅否定語素,強調「動作喺過去無發生」。

喺其他一啲粵語方言(例如南寧白話)裡面,「無」同「唔」係唔分嘅。所以經常會聽到「無係」甚至「無有係」嘅講法。

「無」、「冇」用法有以下分別:(例中「無」指「無」讀平聲,「冇」指「無」、「冇」讀上聲)

  • 「無」前綴名詞可以解「不附帶」,「冇」前綴名詞淨係解「缺乏」。例:「無條件投降」/「冇條件投降」。[1]
  • 「無」前綴名詞時,該名詞可後綴名詞或動詞;「冇」前綴名詞時,該名詞只可後綴動詞。例:「無條件投降」/「冇條件投降」。
  • 「無」前綴名詞時,兩詞可成複合詞形容其後名詞;「冇」前綴名詞時,該名詞亦可後綴名詞,令後兩詞成爲複合詞。例:「無汽水」=缺乏氣體嘅水,「冇汽水」=缺乏氣體嘅水/缺乏汽水。[註 2]

「未」[編輯]

「未」係另一個否定語素,通常祇能夠否定動詞、形容詞同副詞,而且有「動作喺過去無發生,但係喺未來有可能發生」嘅含義。

    • 例如:「我食得花生。」
  • 加個「唔」字就變成:「我唔食得花生。」/「花生我唔食得。」
  • 「有」嘅相反係「冇」,唔係「唔有」。

要用命令嘅口氣阻止人做某啲嘢,就要用「唔好+動詞」或者「咪+動詞」咁樣嘅形式。

例如:「唔好睇戲。」/「睇戲。」
  • 「唔」字除咗可以將肯定句變成否定句之外,重可以將一個字轉成佢嘅反義詞。有時加咗「唔」字意思會有啲唔同。
  • 意思變咗嗰啲可以有「咗」字跟喺後面,冇變嗰啲就唔可以。
   我唔見咗我本書 "I lost my book" 啱
   我唔食咗嘢 "I did not eat"   唔啱

「唔好」同「咪」[編輯]

「唔好」同「咪」係專門用來否定動詞命令式嘅否定語素,用來阻止動作發生。

問題[編輯]

是非題[編輯]

最常見嘅是非問題詞序係:(主語/定語+)動詞+唔+動詞(+賓語)(+語氣助詞)

  • 例1:「你識唔識講廣東話?」
  • 例2:「有冇紅綠燈?」

如果個動詞有多過一個字,舊陣時嘅粵語係重複澌成個動詞嘅,但係今日嘅穗港粵語淨係重複動詞嘅頭一個字。

  • 例1:「你鍾唔鍾意食年糕?」
  • 例2:「你跑唔跑步?」

但係亦都有其他方言保留徂重複澌成個動詞嘅作法。

  • 例1:「你鍾意唔鍾意食年糕?」
  • 例2:「你跑步唔跑步?」

「係唔係」穗港粵語通常都縮成「係咪」。

  • 例:「佢係咪加拿大人?」

如果想用強調語氣,可以用另一種語序:(主語/定語+)「係唔係」+動詞(+賓語)+語氣助詞。

  • 例1:「你係唔係跑步先?」
  • 例2:「你係唔係鍾意食年糕先?」
  • 例3:「你係唔係畀錢我㗎?」

疑問詞[編輯]

粵語嘅疑問詞有:

疑問詞 發音 相當於英文嘅 相當於普通話嘅
邊個 bin1 go3 who
乜(嘢)/ 咩 mat1 (je5) / me1 what 什麼
邊度 / 邊處 bin1 dou6 / bin1 syu3 where 哪裏
幾時 gei2 si4 when 幾時/什麼時候
點解 dim2 gaai2 why 為什麼
點(樣) dim2 (joeng6*2) How 怎樣
幾多 gei2 do1 How many/much 多少

單眾數嘅表達方法[編輯]

單數[編輯]

  • 「呢」同「依」表示講緊嘅嘢接近講說話嘅人。
    • 例如:呢本書/依本書
  • 「嗰」表示講緊嘅嘢同講說話嘅人有一段距離。
    • 例如:嗰本書

眾數[編輯]

  • 加個「啲」喺名詞前面就表示眾數
    • 例如:呢啲書/嗰啲書

擁有格[編輯]

  • 如果後面接單數名詞,前面就用「嘅」。
    • 例如:阿爸嘅屋
  • 如果後面接眾數名詞,前面就用「啲」。
    • 例如:你啲動物
  • 注意:「啲」喺粵語度有好多功用。除咗表示眾數之外,重可以解做「少少」e.g. 「一啲」 或者「早少少」/「比較早」e.g.「早啲」。
  • 擁有格代名詞嘅公式係:代名詞+嘅/啲
    • 例如:係佢嘅呀!(「呀」係正面助語詞)/係佢嘅!/(係)佢㗎!(㗎=嘅呀)
  • 但係如果冇寫出後面接嘅名詞,就唔會用「啲」。只有寫出後面接嘅名詞,先至可以用「啲」。
    • 反面教材:係佢啲呀!

例如:

呢啲書係邊個嘅呀?
係佢嘅呀![指佢啲書](「嘅呀」 通常縮做 㗎 [gaa3])
亦都可以講成:係佢啲書呀!

量詞嘅特別用法[編輯]

  • 粵語量詞可以表示從屬(possession),所以唔係一定要用到嘅同啲。事實上,用量詞表示從屬嘅次數同用嘅嘅次數差唔多。
    • 例如:
      • 佢本書=佢嘅書/他的書/his book
      • 借支筆嚟用吓吖
  • 粵語量詞有埋指示詞(demonstrative)嘅功用,但不分遠近。
    • 例如:
      • 條魚好新鮮喎!
      • 嘩個公園真係大吖![粵拼aa3]
  • 如果量詞前面冇數詞,就表示係一
    • 例如:
      • 畀杯水我得嗎?
      • 整碗麵食下都好喎!

時間補充詞語[編輯]

進行式[編輯]

「緊」用嚟講啲嘢係發生當中。

  • 冬甩,咪搞我。

完成式[編輯]

「咗」用嚟講啲嘢係完咗。

  • 啲冬甩凍咗快啲食啦。

「完」用嚟講啲嘢係做咗。

  • 食完冬甩,打完機,上吓網先。

過去完成式[編輯]

「晒」用嚟講啲嘢係完咗一段時間。要主意嘅係「晒」有「全部」、「都」、「完」、「光」、「了」嘅意思;亦作加強語氣嘅作用。

  • 啲冬甩食晒啦。
  • 攞晒啲衫褲出去曬太陽。
  • 唔該晒。

「過」有曾經發生嘅意思。

  • 去過冬甩鋪,唔見你喎。

將來式[編輯]

「會」係發生喺將來嘅意思。

  • 我遲早會轉校。

[編輯]

  1. 「冇」只讀上聲。
  2. 「汽」、「氣」同音,響ロ語度無分別。

參考[編輯]