跳去內容

分析語

出自維基百科,自由嘅百科全書

分析語粵拼fan1 sik1 jyu5英文analytic language)係一種按構詞方式嚟將語言分類嘅方法。

基礎概論[編輯]

如果話隻語言係分析語,意思係指佢主要靠語序幫手字詞(helper word;包括助詞介詞呀噉)嚟表達啲之間嘅關係,而毋靠詞形變化

例如粵語標準官話就無乜詞形變化,公認係非常分析嘅語言。

語言演變[編輯]

喺 5 至 15 世紀期間,英文被指係演變到愈嚟愈傾向分析語。例如由古英文變到去中古英文嗰段期間,英文喪失咗大部份嘅文法格系統:古英文曾經有一個變格系統,同拉丁文希臘文、同埋德文等好相似,簡單噉講即係一隻字詞要視乎佢喺句子入邊做乜嘢角色而變樣;到咗中古英文嘅時期,呢啲系統都逐漸失傳。而到咗廿一世紀初,英文淨係得屬格仍然存在,而屬格以外嘅文法格近乎唔見晒咁滯,係得例如男性第三人稱代詞主語嗰陣係 he主格)但係做賓語嗰陣要變做 him賓格)呀噉。

睇埋[編輯]