詞形變化

詞形變化（粵拼：ci4 jing4 bin3 faa3）係指一隻詞語因為要表達唔同嘅文法範疇而變樣。例如英文入面就有時態呢樣嘢，run（跑）呢隻詞做過去式嗰陣要變成 ran，所以 ran 就係 run 嘅一款詞形變化樣。

基本概論

詞形變化同文法範疇係兩個緊密相關嘅概念。

抽象化啲講，一種文法範疇係指一隻語言嘅文法入面物件可以有嘅特徵^[1]；

廣東話同其他漢語出咗名少詞形變化（睇埋分析語），但英文等嘅多種歐洲語言就有豐富嘅詞形變化^[2]：

時態（tense，粵拼：ten1 si2）係一種文法範疇，一隻詞喺時態上有「過去式」同「現在式」等幾個可能嘅值；喺英文裏面，如果一隻詞時態要變，多數常都要做詞形變化，隻詞要變做第個樣表達時態，例如

know（知道）呢隻詞做過去式嗰陣

要變成 knew，

表示件事係喺過去發生嘅^[3]。

包括廣東話在內嘅漢語普遍都冇時態詞形變化呢家嘢－

佢今日去行街，用粵拼寫係 keoi5 gam1 jat6 heoi3 haang4 gaai1；

佢尋日去行街，用粵拼寫係 keoi5 cam4 jat6 heoi3 haang4 gaai1；

－當中 haang4 gaai1（漢字：行街）無論件事係而家發生定過去發生，隻詞個樣（以口語發音做準）都唔變。

人稱指隻詞按「主語（S）係邊個」起變化，例如英文嘅 (to) be，

如果 S 係講嘢嗰個人就變 am（I am... = 我係...），

如果 S 係聽嘢嗰個人就變 are（You are... = 你係...）

... 等等。

文法數量：又用英文做例子，喺英文入面，數量係種文法範疇，詞喺數量上有「單數」同「眾數」等嘅可能值；如果一隻詞要由單數變成眾數，通常（但唔一定）要喺隻詞後面加 -s，例如

cat 係指一隻貓，而 cats 就係指多隻貓。

dog 係指一隻狗，而 dogs 就係指多隻狗。

某啲語言對文法數量仲會有更加複雜嘅變法，唔只分一個-多過一個咁簡單，好似蘇格蘭蓋爾話，會分一個-兩個-多過兩個^[4]。

亦可以睇吓英文冇、但好多歐洲語言都有嘅性別：廿一世紀初嘅法國話、意大利話、西班牙話、加泰隆尼亞話同德國話等多數歐洲語言都有「凳或者檯都可以分男女」嘅情境。加泰隆尼亞話例子：

變格（declension）係指名詞、代名詞、形容詞、副詞或者冠詞為咗扮演特定文法功能而做詞形變化。

世上有一啲語言會靠詞形變化嚟表示「句嘢講嘅資訊，係邊度嚟嘅」噉嘅資訊。噉嘅語言就算係文法上具有據由詞形變化。

↑ Hayes, B. P. (2010). Introductory linguistics 互聯網檔案館嘅歸檔，歸檔日期2023年3月4號，. (PDF). Unpublish textbook，尤其係睇 2.4 "Breaking up the words into morphemes" 嗰段－講一隻做咗詞形變化嘅詞可以𢱕散做多隻 morpheme。
↑ 6.3 Inflectional Morphology. Essentials of Linguistics. Open Library.
↑ Fabricius-Hansen, Catherine (2006). "Tense". In Brown, E.K.; Anderson, A. (eds.). Encyclopedia of Language and Linguistics (2nd ed.). Boston: Elsevier. pp. 566-573.
↑ Beard, R (1992), "Number", in Bright, W (ed.), International Encyclopedia of Linguistics.

睇傾改常見嘅文法範疇
名詞相關格（斜格主語）量詞可數同數唔到數量（單、雙同眾數）擁有定指性別名詞類別有生定無生
動詞相關動詞變化人稱時態、體（Aktionsart）同語氣，可以睇埋情態結點語態據由同驚奇聯想郁動
句法關係及物（論元同價位 · 雙及物）話題同評語主語、謂語、賓語同 adjunct 連動詞結構
其他概念文法級包含式詞形變化（變格 · 一致）主題關係（施事同受事）極性敬語併合意志真確空
拉雜相關語序冗餘語言學（構詞同句法 · 語言類型學 · 語言學嘅大綱）自然語言處理（詞性標注）