法文

出自維基百科,自由嘅百科全書
(由法國話跳轉過來)
跳去: 定向搵嘢

法文法文le français。讀音:[lœ fʁɒ̃sɛ] ,魁北克法文讀音:[lœ fʁãsɛ] ),或者叫法語(廣東話好少噉叫),法蘭西話。喺羅曼語族裏面,以講嘅人數嚟講,排第三。講得流利嘅,有成六千五百萬人,另外識講嘅,有一億九千萬人。羅曼語族排名,喺西班牙話葡文後面。法文亦係廿九國嘅法定語言

法文喺法國比利時瑞士摩納哥同埋加拿大等國通行。其中法式法文魁北克法文上有唔少分別,但係都可以筆談。

法文係好多國際機構嘅官方話,好似歐盟國際奧林匹克委員會世界貿易組織北大西洋公約組織國際足協聯合國萬國郵政聯盟國際刑警等等。法國語言嘅地位,十八、十九世紀到顛峯,係外交嘅共通話。之後就俾英文取代,雖然係咁,法文重係有佢獨特地位。

法國係出版業大國,每年出版圖書大概兩、三萬本。家陣,全世界法文教師大概有二十五萬,大約有八千幾萬人學緊法文。

[編輯]

雖然好多法國人,認為佢哋係高盧人法文les Gaulois)嘅後裔,但係今日法文,留有凱爾特話嘅特徵,可以話鳳毛麟角。多數字,都係嚟自拉丁文或者日耳曼語言

公元四世紀,羅馬帝國統治今日法國一帶,拉丁話開始喺法國流行。到公元五世紀,拉丁話已成爲當地通行話,取代當地原先嘅凱爾特文。喺高盧境內,羅馬移民日多,高盧人同佢哋用嘅通用拉丁話,融合成為大眾拉丁文(法文le latin vulgaire),與此同時,上層文人用嘅書面拉丁文,亦漸見衰退。公元五世紀,民族大遷徙,外族入高盧,講日耳曼文法蘭克人,同原先高盧境內講拉丁話嘅居民,兩話融合。法文開始冇咗非重音音節。六七世紀,大眾話變成種混合性語言(法文un langage composite)。公元八世紀,查理曼帝國開始規範法文。到公元九世紀,拉丁話同日耳曼話,最終融合成羅曼文。由一五三九年開始,法文成為法國唯一嘅官方語言。

一零六六年,征服者威廉將法文帶去英格蘭,影響英文(例如牛肉嘅英文嘅 beef 係由法文嘅 bœuf 轉成嘅;dictionary 字典,嚟自法文嘅 dictionnaire)。英文字當中一萬個,都係源自法文。另一方面,十八世紀歐洲各國貴族,欣賞法國嘅生活方式,法文亦成為宮廷嘅語言。直到二十世界二十年代,法文係歐洲外交場合嘅共同語言。

二次大戰後,英文對法文的影響都唔少,例如原先啲法國人講 la fin de semaine(週末),而家佢哋講 le week-end,又好似家陣啲法國人講 le football、le drugstore 等等。但同時,加拿大英文亦有受法文影響。

文法[編輯]

喺法文入面,名詞有分男女(genre),例如la table(枱)係陰性嘅,le train(火車)同埋le ordinateur(電腦)係陽性嘅,重有動詞變位。

簡單嘅法文說話[編輯]