第二語言

出自維基百科,自由嘅百科全書

第二語言英文second language)係指一隻語言唔係一個人嘅母語、但個人後來當佢係外語噉學。例如一個喺香港出世同大嘅人,由細到大喺屋企同屋企人講粵語,但喺學校有學英文,噉粵語就係佢母語,而英文就係佢嘅第二語言。

基礎[編輯]

睇埋:第二語言習得

第二語言(語言學上興簡寫做 L2, L3, L4...)就係指一個人能夠一定程度噉運用、但又唔係佢 L1(母語)嘅語言-當中非母語語言嘅先後,通常係按「個人學邊隻語言先」嚟分嘅,即係例如

  • 一個住喺美國、用廣東話做 L1 嘅細路,喺幼稚園學英文,到咗中學嗰陣貪得意上法文班學識法文,噉佢嘅 L2 係英文而 L3 係法文;
  • 除此之外,L2 有可能數量多過一隻-例如想像一個用廣東話做 L1 嘅細路,屋企人住喺加拿大魁北克,喺幼稚園度大致上同時噉學英文同法文,噉英文同法文都係佢嘅 L2 [1]:p. 7

第二語言習得(SLA)正正就係指一個人由完全唔識 L2 變成「能夠有返咁上下純熟噉運用 L2」嘅學習過程,包括有意識無意識嘅學習[註 1],一般亦可以包埋 L3, L4, L5... 等非 L1 語言嘅學習過程。

睇埋[編輯]

註釋[編輯]

  1. 可以睇吓內隱知識嘅概念。

[編輯]

  1. Gass, Susan; Selinker, Larry (2008). Second Language Acquisition: An Introductory Course. New York, NY: Routledge.